بداية درسنا بسؤال 🔥
تعبر *بعض* النطاف عنق الرحم وتصل لذروة فالوب (((خلال نصف ساعة - ساعتين)))
🧑‍🎓: انسة بس ليش كل هالوقت بدها لتوصل؟
👩‍⚕: والله صراحة بتكون عم تجيب خضار 🥦🥒 وفواكه 🍇🍓 مشان العزيمة 😊😒
او بتكون عم تتمشى ☺️
لك عمي انت سؤالك كتير حشري وكتير ناقد بحس أسئلتك متل اسئلة التفكير الناقد تبعون ابحث 😂😂
جهاز التكاثر الأنثوي هوي جهاز صغير مانو بهل جهاز الكبير والنطفة بدها تمرق من المهبل وصولاً لعنق الرحم ومن ثم القنوات الناقلة للبيوض بتجي بتقلي انو اي مسافة صغيرة اذا الرحم كلو طولو وعرضو قد كفة اليد 🖐 ليش بدها نصف ساعة وساعتين؟
بالنسبة لالك مسافة صغيرة اما بالنسبة للنطفة ف هيي عم تمشي مسافات كبيرة تعادل مشيتك بالكيلومترات👍😲

#Rayan_Hamdash.
#علم_الأحياء_New_Light

⚠️موقع ⚠️
إخصاب أو ألقاح الخلية البيضية الثانوية
🌹في الثلث الأعلى من نفير فالوب

#علم_الأحياء_New_Light
#Rayan_Hamdash.

🎁مراحل الإلقاح🎁
1⃣الاختراق
يحرر الجسيم الطرفي للنطفة أنظيمات
🧪الهيالورليداز
⚠️وظيفة⚠️
يفكك الروابط بين الخلايا الجريبية

🧪الأكروسين
⚠️وظيفة⚠️
يفكك البروتين

⚠️فسر⚠️
يمكن لنطفة واحدة من الوصلو للخلية البيضية الثانوية ؟
أو ممكن يجي بصيغة تانية 👇
⚠️فسر⚠️
أهمية وصول (1000-3000) نطفة لموقع الإخصاب مع العلم أن نطفة واحد تُلقّح؟
🌹لأن النطفة الواحدة لا تحوي أنظيمات كافية فتقوم النطاف المجاورة بإطلاق دفعات من الأنظيمات تفكك الإكليل المشع

👩‍⚕: ياجماعة الخير النطفة الواحدة لما بتحرر الأكروسين والهيالورنيداز ف لما الأكروسين والهيالورونيداز بيتحرر من نطفة وااااحدة ما بكفي لاختراق البويضة اي شو بتسواي لكن؟
3000 أو 2000 أو 1000 من النطاف اللي معها كلون عم يفرزو الأكروسين والهيالورونيداز بيجتمعو كلون وبيكسرو الحاجز اللي بينون وبين البويضة (الأكليل المشع) ونطفة وااااحدة بتدخل بس
#Rayan_Hamdash.
#علم_الأحياء_New_Light

كانت آنستي العلوم
تسمي هاي العملية بالعملية الحقيرة 😂
ف كانت بس تقول العملية الحقيرة دغري اتذكر عملية الاختراق
وبس تقول كلمة الاختراق دغري اتذكر العملية الحقيرة 😂😂

كانت تسميها كانت
لأن عدة نطاف ومجموعة من النطاف كلون عم يتعاونو مع بعض ليكسرو الحاجز اللي بينون وبين البويضة (الإكليل المشع) وبتجي نطفة وحدة حقيرة من بين هالمجموعة بتخترق وبتفوت بسرعة وبتترك رفقاتها برا وفوق هيك بتسكر الباب وراها وبتشكل غشاء الإخصاب
لأن النطفة بس توصل لعند البويضة بتعطي خيط هاد الخيط متل الهوية 💳 ف هاد الخيط لازم يلتقي مع نقطة استقبال ف بتقلا انا نطفة من الإنسان بتسمحيلي فوت بتقلا اي بتجي نطفة تانية بتعطيها الهوية وبتقلا انا نطفة من الإنسان بتسمحيلي فوت بتقلا فاتت رفيقتك ماعاد فيني فوت حدا غيرها

تخيلو كمية الحقد والحسد والأنانية اللي بتسببها النطفة المخترقة 😂😂😂


لذلك حفظوها هيك😂😂

#علم_الأحياء_New_Light
#Rayan_Hamdash.

متل ما ااخدتو بالفيروسات انو الفيروس بدو يلاقي نقاط استقبال على خلاياه المضيفة
طيب كورونا 🦠 مين نقاط استقباله
نقاط استقباله هيي بالجهاز المناعي وبالرئتين وإلى آخره👍👍

#Rayan_Hamdash.
#علم_الأحياء_New_Light

2⃣التعارف
⚠️فسر⚠️
لا تلقح الخلية البيضية الثانوية إلا بنطفة النوع نفسه؟
بسبب ارتباط خيط من الجسيم الطرفي للنطفة مع مستقبلات نوعية في غشاء الخلية البيضية الثانوية

شو يعني بنطفة النوع نفسه ؟
يعني بويضة إنسان لازم تلقحها نطفة إنسان مو نطفة حصان🐴
بويضة الحصان لازم تلقحها نطفة حصان مو نطفة جربوع🐀
يعني من نفس النوع
😂نكتة😂
نكتة وحزيرة ترفيهية عن هاد الموضوع
مرة قرأت نكتة بنكهة الحزيرة بتحكي قال كلبة تزوجت قط شو رح يجيبو ولاد؟ وبلشت العالم كلها تقول كلب او قطة او كلب و قطة وعالم تقول نص هيك ونص هيك
طلع الآدمن وقلون خلص روقو رح قلكون الجواب
قلون بجيبو كلب مقطط😂😂😂😂

لذلك هوي شي مستحيل يصير تخيل كلب مقطط بس تخيل شكلو مستحيل يظبط
إذا ظبط ف هاد الشي بيرجعلك وبيرجع للمشفى اللي قاعد فيها 😂👍

#علم_الأحياء_New_Light
#Rayan_Hamdash.

3⃣الالتحام
شو يعني نشاط فيزيولوجي؟
النشاط الفيزيولوجي بيشمل انفجار الحبيبات القشرية وخروجها الى خارج الخلية يعني للمجال

4⃣ تشكل غشاء الإخصاب
انتبهو لوظيفة غشاء الإخصاب 👍👍 مهم هااا
#Rayan_Hamdash.
#علم_الأحياء_New_Light

وهيك بكون خلص درس التنامي الجنيني (الإلقاح)👍❤️💪🔥
الله يوفقكون يارب ❤️

#علم_الأحياء_New_Light
#Rayan_Hamdash.
#التنامي_الجنيني_الإلقاح