الفراغ البين اصابيعك حلم چفي .

اورث ذكرياتك واشهگ وداع .

انا بنص الحرب چيَ منطي كلمة وياك
نمت ويَ الجثث بعيون مَفتوحة
نمت ويَ الجثث ما خفت وأهتزيت
خفت من گتلي كلمن يلتهي بروحه
الصار منك مو شوي
مِن تفارگنا حِچيت حچاية تكسر
دير بالك على روحك هيِچ گتلي
چا صرت زين ودرت بالك علي.

ذبَلت ايامي
وبَعد مابيّه ليَل
خُلگ ماكِو
بجَفني يتلگى السَهر
مَر عليه بمرورتَك
وانكِتني حَيل
اطيحْ من راسَي محطات السفُر
حَرورتك بيه ولبسَت الصحَرة ثِوب
وماكَو غيرك ينِزل بروحَي وفر .

واتلگة اليجيني منين ما يشتاگ
اليمُر عابر عليّ من روحي ما أطلعة
لعدوي و صاحبي
تغبُش ضحكتي وياي
اليجي سيف إعلة نحري استحي
وما ارجعة
افرزن ريحتك من يا درب مَريت
اليجي مشتاگ يثگل والهوى يدفعة
اختصر كلشي
واطول من أريد أنساك
واحس كل صبُح بارد وجهك يتبعة .
_لشهيد علي رشم .

متغير وناسيني
يمكن طرف ثالث
دخل يخصمها بينه وبيني
ويگول أفگدك لو غبت
بس وكتي مايكفيني
چذاب مايحچي الصدگ
واللّٰـه العظيم من احترگ
يستنكف يطفيني .

ــــ

هَاي أول خسَارة ، واخر أسِتعجال .

مو طبعي اديره عليك !
وجهي من الاگيك
بس خفت لا ينشاف
جرحي ويأذيك

رجفة ايّدي شمَالها وگلبي شجرالهَ
تكَول فاتحَلي سَحر مُو جَن رسَالة

ياصلاَفة عينَك شكُد جذَبت .

صَرنالك وَرِد وَ تگول أذيه !

الـ سَعف مَا يرچف بَگدي أذا شُفتك .

أَنا الخَواف يَا دِنيا
أَنا الخَواف مِن كِلشي
لو أَحلَم حِلم مو زين
آنه أَرجِف قَبل رِمشي
أدگ بالبَاب ألف رَزة
وأفَز بليل ألف فَزة
وتَعِز روحِي
واگل للخّوف
ضَل بالبيت وآنه أمشي

ـــ

ياحِزن ياريَت أعرفك!
چنت أسويلك حديقه ومَمشه
من كاشي الفرح گدام بيتك..
ياحِزن ياريَت أعرفك وين ساكن؟
چنت أگلك لا تجَيني
وتمشي كل هاي المسافه
آنه وحِدي چان أجيتك
ياحِزن وحِيات حزنك ماعرفتك؟
چنك مغير مشيتك؟
حاط ريحَه رخيصه كلش!
يارخِيص شگد بچيتك؟

اليَصير مرايتك يندل
حِسّرتك وين يعرف ويـنَ
بيك مچودرة الوجعه
علي رشَم

بَطرانة الـ عُيون التِرمش گبالك .