الهوى يلتم عليه منين ما ذكروك
وادگ رجلي واظل بعازة الخنگة
واغص بريحتك ماگمت اغص بالزاد
المفارگ النسمة العابرة تغرگة
مو بَس الصواب النفس هم كتال
سهم يمشي الخريف برية الورگة
نيتك صافية وتعرف شلون تروح
وتندل ياحلم مِن ليلك تشگة
صحره بعين بدوي اتمنى روحي تصير
على حرورة رملها يطگ عشب خلگة
مِن اشوفك حسبت حضنك يصير گماط
وتدگ روحك صليب بضلعي بالشبگة
واشد مِن غيبتك ماصخ طلع ملگاك
اجيت وثگل جدمي ودمعتي تسبگة
انه مالح واغزر مِن ادوس الگاع
شني ماغزرت وياك بالملگة
رايدلي خلگ يعبر صهيل الليل
عَليّ گامت طيوفك مِن تجي مدنگة
شزغر بية وعفتني وكبرت فرگاك
دمعتي وصورتك فوگ الجفن رفگة
عليك مِن انسأل تصفن بروحي سنين
وماميز بين اللچمة والدگة
العلي سألوك هم سألوني واحتاريت
سويتك نبي وگلت انجبر حگة
واناشغ والبچي يوصل لسابع ليل
وفشلتي بدمعة تبدي وتنتهي بصفگة
طش بديرتي حتى التفت والگاك
اختنگ صدري ومتت بمدافع السحگة
گبل مااجر نفس الا الهوى المر بيك
چنت بكيف روحي مِن الهوى استنگة
اليحط عينه بگفاي يشوف الملاگي
مبين شكو بروحي شعافت الحرگة
الچنت گبالهم طولي اعلى گد الشوف
زغرت بعينهم مِن كبرت الفرگة
بعيدة ولايتك والصدفة دگت باب
واجيت ومن لگيتك وجهك مسرگة
مِن عدها وعرفت بنشغة المكتول
وشتعوف الرصاصة حرورة بالتفگة
مِن اموت برودتك خليها عالتابوت
وبيدك كون نعش جنازتي تطبگة
وخليلي دمعتك عالگبر نيشان
خاف بجفن گبري دموع ما تلگة
وخاف يمر وكت وتزورني مِن بعيد
تدليك بمكاني حرورة الشهگة

چأ ليّش مَأ بأدرت
لو زعلِي أحسَن ألك؟
وتعوفـني أحسلِك
بس چنَك تعودِت
كِل مره أنه ألأجِـي
ولأزم أتنازلِـك
مو مأ تحَب ألچذَب
چأ ليّش حتىٰ ألصدگ
من احچَي بّي يزعَلك؟

بَاردة عيُونك عَلية انا حارگ رُوحي ليش؟

خريف سنِيني ضيعتهَ بربيعَك
بعِتني هوَاي هالمرَة انا ابيعَك .

حُبك بعيني انتهى والبينة نسده
وشيلة الكاتل كتل مالك بعد رده

وكلت من اطيح بمرض الكاك من التفت
ثاريهه كلهه چذب .. بس امي مقهورة
الماجابه شوگه الي .. يجيبنا النذورة ؟
كالو احترگوا هلي والنار من كل كتر
كتلك يطبهم رمي.. ولاكطع سالفتك

حـجي عـيوني.
سهل بس جيب اليفهمه.

تعالي احچيلي شيحلها ؟

ورسايّل مِنك لحَد هَسه أداريّهن
مِثل نومة طفِل بالليّل أهز بيّهن
واگلبهِن و أشوف ايامَك الحِلوات
مُو حلوات بَس مجبور أَسميّهن .

طرف ثالث برودك
مو بنادم چان .

عيونك ماتحبني لـ فدوه اروحلهاا!

ما حاولت تلتفت!
تفتقد حنيتي مو چنت كلشي الك
لميتك من الهوى ضميتك بريتي .

تعال وشيلني بگلبك
ترا ما ضل وقت ويشيلني التابوت .
ـ

چا ليش عني تغيرت؟
مو تدري محتاجك لان
لابيه احب غيرك بشر
لابيه اعيش بدونك .

اني عندك مو عزيز؟
دمعي ما مرة چواك؟
يا اعز طين إعلى گلبي
" شغيراك`` ؟

روح اترس فراغك بالبرود البيك
انا وجه الشمس بالملگه غطيته .

ذبلت ايامي وبعد ما بيه ليل
خلگ ماكو بجفني يتلكه السهر .

فَارِشلَك چِفن وأَتنَطَر تِنَام
نَام ولا يهمَك ضَيم الأيام
يَبعد رمُوش عَيني وچِفني والعِين
وصبَيها ونضَرها وذيچ الأحلام
سَنه مَا شايفَك بَس أَنتَ مَوجود
لْهَسه أَشتَم عُطر مِن شوفت الْعَام
مَا تاجَرت بأسمَك بَس تعَاطيت
بَيني وبَين رُوحي وهَجرك أَعدام
شِفتَك بَالحِلْم فَزيت مَرعوب
مَالحگت أَشوفك مِسرَع أَجدام
نِذر لو ملتفتِلي چَا أَتحَنيت
مِن أَطراف جِدمي الْشَارت العَام
مَلثَم مـِن تُمُر مَا أَعرفُك تِريد
أَعرفَك لـُو تحُط عَلى أسمَك أَلثام ..

لـَ أياد عَبدالله الأسَديَّ .

ــ