🥘Цяжка палічыць колькі разоў мы прамовілі “смачна есці”. Мы гатовы працягваць гаварыць гэта шаноўным гасцям!

🧑‍🍳Некаторыя наведнікі гаварылі, што пах пачастунку гоніць сліну ажно ля самай брамы. Нездарма пачатак праграмы ў абед. Нашы кухары любяць, калі госці ядуць з апетытам.

❗У нядзелю 28.04 працягваем “Смачнаесціфэст”! Па пытаннях праезду звяртайцеся Viber Telegram і ў асабістыя паведамленні па нумары +375293178993 (Аляксандр).

У розны час, штогод, да нас прыходзіць
І дзень гэты знаёмы нам усім,
Бо сэрца і Душа у ім знаходзяць
Святло нябёс, і ажываюць з ім.

Штогод, мяне, у гэтую часіну
Вярбой сустрэне, ўвочы зазірне
Якісці добры, малады хлапчына,
Мець Бога ўсэрцы пажадае мне.

Ён дакранецца вербавым букетам
Да галавы, аблічча, да плячэй.
Напоўніць сэрца цёплым–Божым светам,
Лагодней стане, у Душы лягчэй.

Жадаў усім здароўя, моцы ў Бозе.
Ды, каб ахвярай Д’яблавай не стаў.
І зноў адных пакінуў на дарозе-
Вядома, ён прыходзіў ад Хрыста.

І як заўжды, у Вербную нядзелю
У цЭрквы, кожны з Вернікаў ішоў,
На нас, з Ікон, заступнікі глядзелі
Мы ажывалі сэрцам і Душой.


Мікалай Сяргеевіч (верш узяты з інтэрнэт-прасторы)

Вітаем нашых сяброў і гасцей!❤️🎊🎉
Запрашаем сустрэць майскія святы і выходныя разам!
Вясна ў самым росквіце, таму збірайце сем’і, знаёмых і родных, каб весела і цікава бавіць час у Суле!
Мы ўжо паклапаціліся аб вашым адпачынку і падрыхтавалі шмат розных цікавостак: вясёлыя спевы, танцы, гульні і забавы, а таксама смачныя стравы і пачастункі ад нашых кухараў! 💃🕺🏽🎶🎭👩‍🍳👨‍🍳

🌞Вялікдзень у Суле. Запрашаем на святкаванне!

⏰
10.00 - пачынае працу парк і адчыняем браму для гасцей.
14.00 - пачатак святочнай праграмы.
17.00 - канец праграмы.
17.30 - канец экскурсійнага абслугоўвання.

🥮Наведнікаў чакаюць:
- знаёмства з традыцыйнымі абрадамі і спевамі;
- вялікодныя гульні ды забавы;
- агляд тэматычных лакацый;
- гісторыя ўзнікнення свята Вялікадня на Беларусі;
- асаблівасці і традыцыі святкавання дахрысціянскага перыяду;
- майстар-класы па ўпрыгожванні булкі і расфарбоўцы яек;
- адметнасці падрыхтоўкі да свята ў дзяўчат і хлопцаў;
- дэгустацыя куліча і гарбаты з зёлак ад сульскай чараўніцы.
🎁Вырабы з майстар-класаў удзельнікі атрымаюць у падарунак.

📯Папярэдні запіс НЕ патрэбны. Кошт квіткоў для сяброў 30 бел. руб. Расклад руху грамадскага транспарту да Сулы і назад, ёсць на нашым сайце parksula.by

*у праграме магчымы змены.

Шаноўныя сябры Вялікага
Княства Сула! 🙌🏻

Віншуем усіх з міжнародным Святам працы і вясны! 🌸🕊️

Зычым кожнаму з вас квітнець, ісці па жыцці цвёрда і ўпэўнена, не адыходзячы ад сваіх намечаных планаў. ✨☺️

Працуйце старанна на карысць сям'і і свайго росту!☝🏻

Поспехаў ва ўсім, нашы дарагія сябры! Да сустрэчы!🥰

🥚Светлае свята Вялікдзень у лепшых традыцыях беларускай зямлі. Адзначым разам у Вялікім княстве Сула!

🥮Нашы традыцыі змяшчаюць у сабе сумесь дахрысціянскіх і хрысціянскіх элементаў святкавання. Безумоўна, паганства мела ўплыў на культуру і пакінула свой след. І гэта надае непаўторнасці беларускім традыцыям святкавання.

🤓🤓🤓
Як расфарбаваць яйкі?
Чым упрыгожыць велікодныя булкі?
Якія стравы прыгатаваць да святочнага стала?
❗На ўсе гэтыя і шэраг іншых пытанняў вы знойдзеце адказ падчас нашай праграмы. Яна будзе неймаверна насычаная і цікавая.

📯Папярэдні запіс не патрэбны. Кошт квіткоў для сяброў з сацыяльных сетак усяго 30 бел.руб.

💕Сардэчна запрашаем!

🌞3 траўня міжнародны дзень сонца!🌞

💃Няхай у вашых вачах і сэрцах будзе бясконцым яго ззянне. Памятайма, што месца пад сонцам хопіць усім! Калі ставіцца адзін да аднаго сумленна і са шчырай павагай.

❗P.S. карыстайцеся крэмам з SPF і насіце сонцаахоўныя акуляры, калі доўга знаходзіцеся пад сонечнымі прамянямі 🤗

🥚Напярэдадні вялікадня мы хочам падзяліцца з гаспадынямі парадамі, як экалагічна і прыгожа пафарбаваць яйкі. Гэтыя спосабы выкарыстоўваць нашы дзяўчаты.

📝Мы будзем удзячныя, калі праз каментары вы таксама дададзіце рэцэптаў экалагічных фарбаў у скарбонку ведаў.

🥮Светлага свята, шаноўныя госці!

🌞Дзень выдаўся шчодрым на пачастункі, усмешкі, эмоцыі. Менавіта такімі мы бачым душэўныя святы. Такімі нам падаюцца святкаванні мінулых часоў.

🤓Як лічыце, ці атрымалася ў нас пазнаёміць гасцей з традыцыямі адзначэння Вялікадня на Беларусі?

❗У нядзелю 05.05 мы працягнем вітаць гасцей і абуджаць светлыя пачуцці ў душах. Прыязджайце ўсёй сям’ёй і з сябрамі. Праграма падрыхтавана на любы густ і ўзрост.

Шаноўныя госці нашага парку, запрашаем Вас сустрэць светлае свята Вялікдня разам з намі🐣

Мы прыгатавалі для Вас булачкі і яйкі, якія Вы ўпрыгожыце сваімі рукамі і возьмеце з сабой дадому 🥰

Акрамя гэтага, вы адчуеце атмасферу сапраўднага свята, бо ў нас будзе шмат цікавосцей.

Няхай гэты Вялікдзень прынясе Вам радасць, мір і дабрабыт!🕊️

Памятайце пра сапраўдныя каштоўнасці жыцця: любоў, дабрыню і надзею. Хрыстос Уваскрэс!❤️

📯Вялікдзень у Вялікім княстве Сула 5-га траўня у нядзелю! Спяшайцеся паўдзельнічаць у святкаванні.

🎁Удзельнікі майстар-класаў па аздабленні велікодных булак і роспісу яек, атрымаюць свае вырабы ў падарунак. Вялічэзны куліч спякуць нашы кухары, каб пачаставаць гасцей. Сульская чараўніца заварыць смачнейшай гарбаты на добрае здароўе і доўгае жыццё.

❗Папярэдні запіс не патрэбны. Прыняць удзел у праграме можа кожны наведнік парку.

💥Увага! Раім дзяўчатам падрыхтавацца перад прыездам да нас у парк гісторыі. Тут прыгожа ўсё і ўсе!

🌟Водар хмелю і соладу надасць вандроўцы лёгкасці і прывабіць вас у “Бульбург”, а што гэта такое-здагадайцеся самі!🙂

📯Ужо чакаем !🙂

❤️Вялікае княства Сула – гэта вялікая тэрыторыя, дзе спыняецца час і забываюцца ўсе праблемы. Дзе застаешся сам насам з прыродай і гісторыяй роднага краю. У такія моманты адчуваеш, хто ты ёсць насамрэч.
🫂Прыслухайцеся да сябе і прыязджайце ў Парк гісторыі Сула, каб адчуць ўтульнасць і спакой.

Вялікая Айчынная вайна з'яўляецца адной з ключавых падзей сучаснай айчыннай гісторыі.
Памяць аб гераічных подзвігах нашых салдат на франтах і партызан , смутак аб вялізных стратах, якія Беларусь панесла ў гады вайны, з'яўляецца адным з галоўных складнікаў гістарычнай свядомасці беларускага народа.
❗️9 мая - гэта дзень памяці аб тым, што вайна ніколі не павінна паўтарыцца на нашай зямлі!

🥳Шаноўнае спадарства! Запрашаем вас на смачныя выходныя , якія будуць звязаны з важнай падзеяй для нас - адкрыццём новай рэстарацыі “Бульбург”!
🍔Яна атрымала сваю назву ў гонар адной з самых галоўных страў нашага меню - “Бульбургера”, які мы запатэнтавалі, і які можна
паспрабаваць толькі у нас!
🥰Мы хочам падзяліцца з вамі гэтай навіной, таму запрашаем вас на сьвята. Мы прапануем вам шмат цікавостак, дэгустацый і конкурсаў.
🤩Прыязджайце да нас на ўрачыстае адкрыццё піўной рэстарацыі “Бульбург”. Чакаем!

🥳Даражэнькія госці парка гісторыі Сула! На гэтых выходных адбудзецца ўрачыстае адкрыццё новай піўной рэстарацыі “Бульбурга”.
🧐У праграме будуць:
– дэгустацыя напояў;
– частаванне традыцыйнымі беларускімі стравамі;
– конкурс, дзе будзе разыгрывацца наша фірмовая страва “Бульбургер”;
– актыўнасці на лакацыях;
– выправабанне “Чарка на лязе”
– шмат іншых цікавостак, якія чакаюць вас ў нашым парку.
🤩Комплекс працуе з 10:00;
Пачатак праграмы а 14:00;
💐Запрашаем Вас стаць удзельнікамі нашага сьвята!

🔥Было горача! Дзякуй, што завіталі, дарагія госці. Як жа файна прайшоў гэты дзень!

🙄Усе памятаюць як вярнуліся дадому? Жартуем, натуральна ж усе. І ўвогуле, хіба на такое свята можна забыцца.

🗓️Тых, хто не змог далучыцца, чакаем 12, 13 і 14 траўня. Папярэдні запіс не патрэбны!

🥰Запрашаем вас на ўрачыстае адкрыццё рэстарацыі “Бульбург”!
😎Вельмі чакаем вас, шаноўныя госці!

❗️З Днём Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь.

🔮Ці ёсць сярод нашых падпісантаў аматары паказытаць свае нервы?
Калі так, то ў нас для вас ёсць выдатная навіна!
Вялікае княсіва Сула далучаецца да святкавання ночы музеяў.
18 траўня ў парку гісторыі Сула адбудзецца начная экскурсійная праграма “Сула містычная”
🧐Вас чакаюць:
– містычныя аповеды на лакацыях;
– легенды і паданні;
– факельнае шэсце;
– загадкі і сакрэты Сулы;
– незабыўныя ўражанні;
👻Пачатак начной экскурсійнай праграмы а 20:00;
Канец: 23:00;
🧙‍♀️Будзем радыя, калі вы завітаеце да нас!