-عمرك سنين محدودة جداً ومطلوب منك تحصل فيهم ثمن الجنة👌

علشان كده لما بنقرأ ◀️ " وَأَمَّا مَن جَاءَكَ يَسْعَىٰ (8)وَهُوَ يَخْشَىٰ (9)"

بنفهم ليه كلمة ( يسعى ) 👈لأنه عرف إن مفيش وقت !

- و علشان توصل لربنا لازم تعرف قد إيه ربنا عظيم

لازم تسمع بقلبك صوت أطيط السماوات وتسبيح الملائكة والكون كله بعظمة الله

لما جبريل بقى زي الحلس البالي ... لما الجبل اتفتت كل ده من عظمة الله

أنت حسيت مرة وأنت واقف بين إيدين ربنا تصلي بمعنى : بين يدي من تقوم ⁉️

حسيت بإحساس الصحابة لما كانت وجهوهم بتصفر من هيبة وجلال الله ؟

هل قدرت ربنا حق قدره ؟

لو خرجت من الدنيا وأنت لم تعرف قدر المَلك سبحانه و تعالى 👈تبقى خسرت كل شئ ..

-افتح أبواب قلبك عشان نور الإيمان يدخل ..

سلم قلبك للكلام عن الله عشان تعرف مدى عظمة الله وقدرته وجلاله ♥️

لازم نسمع عن ربنا بلا انقطاع ... لحد ما قلوبنا تسجد لعظمة ربنا

✔️علاج قلوبنا

👈 إننا نسمع عن ربنا كتيييير أوي ... لأن مشكلتنا إننا سمعنا كتير عن الدنيا لحد ما حبيناها ..

أنت لازم تشخص حالتك ..

أنت مريض بحب الدنيا 👎ولازم تتعالج

✔️لازم تكلم قلبك عن الموت والقيامة والقرآن

✔️لازم تسمع عن ربنا و تقرأ عن ربنا

🌱القلوب اللي عايشة مع ربنا ربنا بيوقظها و

بيصلها بيه دايما

عاوزين شعارنا يكون إزاي أوصلك يارب

مش إزاي أوصلك يا دنيا ‼️

ما الذي يليهك عن الله ......؟

إيه أخرة المعاصي ؟

كل اللي عملوا معاصي أو تجبروا في الأرض كانت نهايتهم في الدنيا إيه ؟

أنت لو افتقرت محدش هيغنيك غيره

ولو مرضت محدش هيشفيك غيره

في حد يقدر يعطيك اللي ربنا بيعطهولك؟

في حد يقدر يرحمك الرحمة اللي ربنا بيرحمهالك ؟

كام مرة عصيته ولما دعيته استجاب لك ؟

📍فكيف ينصرف قلبك عنه ؟!!

" فَذَٰلِكُمُ اللَّهُ رَبُّكُمُ الْحَقُّ ۖ فَمَاذَا بَعْدَ الْحَقِّ إِلَّا الضَّلَالُ ۖ فَأَنَّىٰ تُصْرَفُونَ (32) "

من درس :-

#كيف_الوصول_إليك ؟
#الشيخ_حازم_شومان

https://t.me/drhazemshouman

أكبر عملية ديليفري في تاريخ البشرية ..
https://youtu.be/xRgjRuOQf54

#الشيخ_حازم_شومان
https://t.me/drhazemshouman

💐ربيعة بن كعب الأسلمي خادم رسول الله صلى

الله عليه وسلم، رضي الله عنه قال :-

"كنت أبيت مع رسول الله صلى الله عليه وسلم ،

فآتيه بوضوئه وحاجته ، فقال : ( سَلْني ) فقلت :

أسألك مرافقتك في الجنة ♥️

فقال : ( أوَ غير ذلك ؟) قلت : هو ذاك

قال : ( فأعني على نفسك بكثرة السجود ) رواه مسلم

👈 النبي سأله السؤال ده ٣٠ يوم و هو ثابت على إجابته

-شايفين الهمة لو حد تاني كان فكر يغير في اليوم

التاني أو التالت لكن هو لا هدفه ثابت مبيتغيرش

👈الجنة و بس

⬅️ أحد الصحابة حديث عهد بالإسلام لما

انتصروا في غزوة والرسول بعتله الغنيمة بتاعته

خدها و راح للنبي صلى الله عليه وسلم و قاله:-

" ما على هذا اتّبعتك ولكنّي اتّبعتُك على أن أُرمى ها هنا - وأشار إلى حلقه - بسهم، فأموتَ، فأدخُلَ الجنة! "

💐الصحابة كانوا حاملين هم الدين في كل حاجة

أنت حامل هم إيه ؟ حامل هم الآخرة ؟

حامل هم العرض على الله ؟

💐الصحابة كانوا بيسابقوا بعض في العبادات

-سيدنا عمر بن الخطاب في مرة أحضر نصف ماله

لرسول الله وقال أنا اليوم سأسبق أبو بكر

الرسول صلى الله عليه وسلم سأله:- ماذا تركت

لأهلك قاله :-تركت لهم شطر مالي يارسول الله.

-جاء أبو بكر بثروة عظيمة وعندما سأله رسول

الله صلى الله عليه وسلم ماذا تركت لأهلك قال

له تركت لهم الله ورسوله ♥️

⬅️ سيدنا خبيب كان لسه متزوج جديد وكان في

السوق وسمع منادي الجهاد اشترى فرس وراح

الجهاد و استشهد

⬅️ السيدة أسماء بنت أبي بكر وبطولتها في

حياتها .. لما شقت نطاقها وهي شابة ولما تقدم

لها شاب فقير جداً و وافقت عليه لأنه كان من

العشرة المبشرين بالجنة

وهي أم ٩٧ سنة لما ابنها صلبوه و قالها:- يا أمي

هيقتلوني ..قالتله :- لو كنت على الحق اصبر

قالها:- يا أمي هيمثلوا بجثتي قالتله:- يا بني هل

يضر سلخ الشاة بعد ذبحها ؟

⬅️ السيدة فاطمة أول واحدة فكرت في التابوت

و أمرتهم لما تموت يجيبوا الجريد ويقوسوه

عليها علشان ميظهرش تفاصيل جسمها 👈علو

همة في العفاف

🌿هما دول الصحابة همهم كله الآخرة كانوا

بيخافوا من ربنا لأقصى درجة كانت حياتهم كلها

طاعة وعبادة

✔️ الناس دي كان بيتقالها ولا تنس نصيبك

من الدنيا لكن إحنا يتقالنا ولا تنس نصيبك من

الآخرة ❗️

🌿الصحابة كانوا بيرموا نفسهم في صفوف

الكفار يعني عملية انتحارية علشان الجنة ،كانوا

بيضحوا بكل حاجة حياتهم ..مالهم.. أبناءهم

كانوا بيتسابقوا فيما بينهم بل كانوا بيتسابقوا

مع رسول الله صلى الله عليه وسلم

كان عندهم علو الهمة في كل شئ لخدمة دين الله 💪🏻

✔️أسأل نفسك

قدمت إيه لربنا ؟ ضحيت بإيه علشان ربنا ؟

سيبت إيه علشان ربنا ؟ تعبت في إيه علشان دين الله ؟

#ما_الهم_الذي_نحمله؟

#الشيخ_حازم_شومان

https://t.me/drhazemshouman

🕋 يوم عرفة فيه الصيام بيكفر ذنوب سنتين، يعني يوم عرفات لوحده صيامه يدخلك الجنة.
☆ فيه الدعاء مستجاب بإذن الله.
☆ صلاة الظهر والعصر والفجر طبعًا في جماعة صلاة سليمة👌🏻
☆ التهليل (لا إله إلا الله وحده لا شريك له، له الملك وله الحمد، وهو على كل شيء قدير)
☆ أعظم جلسة ضحى في أعظم يوم في السنة، لأن يوم العيد ما فيهوش جلسة ضحى✋🏻

💥أهم ما في يوم عرفات كله: السبع ساعات من الظهر الساعة 12 للمغرب الساعة 7 .

هنعمل فيهم إيه؟ هتحل كم مشكلة من مشاكل حياتك ❓

💎 أنا جايب لك النهارده عشر نصائح ذهبية عشان يبقى أنجح عرفات في حياتك💯

📝النصائح العشرة: ⬇️

1⃣ هات ورقة حدد الأدعية اللي أنت عايز تدعي ربنا فيها، والحاجات اللي أنت عايز تطلبها من ربنا في الدنيا والآخرة.

2⃣ حدد كتيب الدعاء اللي هيبقى معاك: (كتيب القحطاني أو أي كتيب من كتيبات الدعاء اللي فيها أدعية سليمة)
🤲 أدعية النبي ﷺ، جوامع الدعاء اللي هتملأ حياتك خير 🌱
3⃣ حدد المدة: من الظهر للعصر، أو من العصر للمغرب، أو الساعتين اللي قبل المغرب
ما تسيبهاش لظروف يومها 👎🏻

4⃣ حدد المكان اللي هتدعي ربنا فيه: يعني هتقفل على نفسك أوضة في البيت، ولا هتجيب مراتك وولادك وتقعدوا في مكان !

5⃣ حدد الصحبة: يعني أنت ومراتك وولادك، ولا هتبقى أنت وواحد في مكان خلوي، ولا أنت ومجموعتك في مسجد...

6⃣ فضي نفسك وخلص كل اللي وراك من دلوقتي قبل يوم عرفة، عشان تكون متفرغ تمامًا.

⛔️بلاش تنظفي الشقة وتطبخي وتجيبي هدوم العيد للعيال يوم عرفة، خلصي كل حاجة قبلها.

💥يوم عرفة ده مش وقفة العيد والفسحة👊🏻 يوم عرفة ده مصير، نكون أو لا نكون

7⃣ خطط للسبع ساعات دول صح✔️
يعني مثلًا الصلاة 👈🏻 نص ساعة الظهر ونص ساعة العصر، يبقى في ساعة راحت صلاة✔️، وطبعًا في ما بين الأذان والإقامة وفي السجود هنملاها دعاء🤲🏻

📌لو عايز أجيب ألف تهليل يوم عرفة أنا محتاج ساعتين (محسوبة 👌🏻)📟

اتبقى أربع ساعات دعاء، وأوعى تزهق، النبي ﷺ يوم عرفة رفع إيده بعد الظهر ما نزلهاش غير على المغرب 🤲🏻

📎يعني كتيب الدعاء بياخد نص ساعة، ولو هتكرره مثلًا أربع مرات دول ساعتين.

📎ورقة الدعاء اللي أنت كاتبها هتاخد نص ساعة بالإلحاح، ولو هتكررها أربع مرات يبقوا ساعتين.

☝️🏻كده الأربع ساعات 👌
8⃣ هات ولادك عشر دقايق فهمهم يعني إيه يوم عرفة وقيمة يوم عرفة، واقعد بقى ادعي معاهم عشر دقايق تتدربوا على الدعاء، عرفهم يدعوا للأمة ولأصحابهم عشان يطلعوا قلبهم نظيف🤍

9⃣ ادعي النهاردة أن ربنا يوفقك في دعاء عرفة.

💡دعاء عرفة ده فتح من الله، من فُتح له باب الدعاء فقد فُتحت له أبواب الرحمة 🌿

🔟 ودي النصيحة الأخيرة:
استعد لليوم ده عشان ماتحسش بملل،
اتسحر ليلتها كويس، واشرب مياه طول الليل عشان نبقى صايمين ومركزين.

🚫اوعى تبدأ من الفجر (النبي ﷺ بدأ من الظهر لحد المغرب) اقعد جلسة الضحى وخدها تهليل، ونام شوية لحد الظهر، وقوم بقى انطلق وهات آخرك 💪🏻
#عشر_نصائح_ذهبية_للفوز_بيوم_عرفة
#الشيخ_حازم_شومان
#فريق_بين_الناس_الدعوي
https://t.me/drhazemshouman

🌺 لما بتنتهى سنة هجرية وتبدأ سنه جديدة

👈 دى رسالة من ربنا إن الموت جاى جاى

عشان كده لازم تصلح الحاجات اللى لو عرفت إنك هتموت بكره هتعملها!!!

قبل الرحيل !! هتعمل إيه ⁉️

مهما كانت ذنوبك مهما بعدت مهما فرطت وضيعت👊

الحق توب والحق نفسك واعمل عمل صالح

يدخلك الجنة.. يمهد ليك طريق الجنة👈 "مَن كَفَرَ فَعَلَيْهِ كُفْرُهُ ۖ وَمَنْ عَمِلَ صَالِحًا فَلِأَنفُسِهِمْ يَمْهَدُونَ "

عايزين نعمل ثوة تصحيح 👏

إحنا محتاجين ثورة تصحيح 👈 لغفلتنا ولكسلنا ولعباداتنا ‼️ثوره نصحح فيها مسارنا إلى الله

لازم نضحى 👈عشان الجنة

#اقف_مع_نفسك👊

#خد_قرار👍

#الجنه_مش_ببلاش 👌

#الشيخ_حازم_شومان

https://t.me/drhazemshouman

أنت عارف إنك هتتوزن يوم القيامة على نفس الميزان اللي هيتوزن عليه أبو بكر وعمر !!

أنتِ هتتوزني على نفس الميزان اللي هتتوزن عليه فاطمة وعائشة !!

وساعتها هتعرف وزنك عند ربنا إيه..؟!👌

أول حاجة هتتوزن قلبك بالشهوات والشبهات
والشكوك والكبر والرياء والعُچب اللي فيه

تاني حاجة هتتوزن جوارحك ..

عينيك ..كنت بتبص بيها للحرام ...و لا بتبص للمصحف والسماء وتتدبر في خلق الله؟

لسانك ... كنتِ بتغتابي وتنمي ولا بتذكري الله ؟!

أذُنك ... كنت بتسمع بيها أغاني ولا قرآن؟!

رجلك ... كنت بتمشي بيها للمساجد والدروس
ولا للكافيهات و مع صحبة السوء؟

أخطر حاجة هتتوزن هي👈 عملك ..

العمل هيتجسد جوا كفة الحسنات أو جوا كفة السيئات

📌صحيفتك لما هتتوزن هتلاقي حسابك بادئ من يوم ما بلغت

هتتحاسب على كل صلاة نمت عنها...

على كل قعدة نت وكل كليب اتفرجت عليه...

📌 خد بالك أنت ممكن تلاقي في ميزانك حسنات أنت عمرك ما عملتها !!

لأنك شيرت مقطع ديني ... بقى حسنات جارية في ميزانك

و العكس ممكن تلاقي في ميزانك سيئات عمرك ما عملتها

📌ممكن يكون عندك جبال من الحسنات فتيجي شوية معاصي سر في كفة السيئات تطيش الجبال كلها فيجعلها الله هباءاً منثوراً

⛔️مفيش معصية هتروح

الله سبحانه وتعالى يقول :

" يَا بُنَيَّ إِنَّهَا إِن تَكُ مِثْقَالَ حَبَّةٍ مِّنْ خَرْدَلٍ فَتَكُن فِي صَخْرَةٍ أَوْ فِي السَّمَاوَاتِ أَوْ فِي الْأَرْضِ يَأْتِ بِهَا اللَّهُ ۚ إِنَّ اللَّهَ لَطِيفٌ خَبِيرٌ "

هتلاقي المعصية جاية على الميزان يوم القيامة

و أكتر حاجة تتقل كفة السيئات هي معاصي السر

خد قرار دلوقتي و متأجلش👎 يمكن متلحقش

تقل وزن عينيك بالنظر للقرآن...

تقل وزن لسانك بذكر الله...

تقل وزن أُذنك بسماع الدروس الدينية...

تقل وزن رجليك بصلاة الجماعة ...والدروس في المساجد... وخُطب الجمعة

تقل وزن إيديك بمسك المصحف...

أكتر حاجة تتقل كفة الحسنات هي طاعات السر 💯

فاجعل بينك وبين ربنا طاعة...لا يعلمها أحد ولا

يطلع عليها أحد لعلها تكون المنجية في امتحان الميزان👌

درس-
#ضربة_جزاء
سلسلة:-
#ريمونتادا
#الشيخ_حازم_شومان

https://t.me/drhazemshouman

كلنا بنسمع كلمات كتير .. زي يا جامد .. وهي دي الناس اللي عايشة !

الكلام ده ⤴️يا جماعة بيتقال على مظاهر
وشكليات ليس لها قيمة👎

- بيتقال على البنت المتبرجة اللي حاطة عدسات ولابسة آخر موضة ...

-بيتقال على الشاب اللي عايش حياته و مقضيها

المشهد ده بيفكرنا بمشهد قارون وهو خارج على قومه في عز زينته

"فَخَرَجَ عَلَىٰ قَوْمِهِ فِي زِينَتِهِ ۖ قَالَ الَّذِينَ يُرِيدُونَ الْحَيَاةَ الدُّنْيَا يَا لَيْتَ لَنَا مِثْلَ مَا أُوتِيَ قَارُونُ إِنَّهُ لَذُو حَظٍّ عَظِيمٍ (79) "

" يَا لَيْتَ لَنَا مِثْلَ مَا أُوتِيَ قَارُونُ إِنَّهُ لَذُو حَظٍّ عَظِيمٍ (79) "

الشباب بيقول أنا عاوز أعيش حياتي .. أنا عاوز أعيش الدنيا ..

إنما إنك تتكلم في الدين تلاقي كله بيقولك الدين هيقديني ... الدين هيعطل طموحي وأحلامي الدنيوية !!

"وَقَالَ الَّذِينَ أُوتُوا الْعِلْمَ #وَيْلَكُمْ ثَوَابُ اللَّهِ خَيْرٌ لِّمَنْ آمَنَ وَعَمِلَ صَالِحًا "

هتلاقي الشباب يقولك .. ويلكم ؟!🤔

هو فين الويل ده ؟ إحنا مش شايفين غير شباب سعيد وبيضحك ! فين عقوبة المعصية اللي أنتوا بتتكلموا عنها ؟

أنت دلوقتي بتبص بسطحية لكن لو بصيت عليهم بعد 20 سنة هتلاقي كل أصحاب المعاصي دول نهايتهم ضياع .. كلها نهايات مؤلمة

بصلهم يوم القيامة .. ساعة الموت .. ومنظر وجه ملك الموت المرعب !

ما تتخدعش في مظهر أصحاب المعصية 👌

ثواب الله خير ⤵️

متبصيش للبنت اللي لابسة حجاب أمهات المؤمنين و هي ماشية وأنت مستغربة ليه عاملة في نفسها كده ؟

بص لها وهي ماسكة في إيد فاطمة وعائشة وبتشرب من إيد النبي صلى الله عليه وسلم يوم القيامة 💙

متبصش للشاب اللي بيجاهد نفسه وبيصارع شهواته عشان يفضل ثابت على طريق ربنا ! ما تبصش للعناء اللي هو فيه دلوقتي ⤵️

بص عليه يوم القيامة أو ساعة الموت

بص عليه لما الملائكة اللي وجهوهم منيرة زي الشمس تبشره بالجنة !

قارون في الواقع بتاعنا هو 👌 كل واحد بيفتنك عن طريق ربنا ...

كل واحد بيزينلك المعصية..

اوعى تبقى سبب لبعد حد عن الدين ! اوعى تفتن حد وتكون أنت سبب وقوعه في المعصية..

عشان كده جزاءه كان أليم .. " فَخَسَفْنَا بِهِ وَبِدَارِهِ الْأَرْضَ فَمَا كَانَ لَهُ مِن فِئَةٍ يَنصُرُونَهُ مِن دُونِ اللَّهِ وَمَا كَانَ مِنَ الْمُنتَصِرِينَ (81)"

قارون كان رسالة 👈 لكن فرعون مافقش ولا هامان ..

في ناس مش هتفوق غير في أول ليلة في القبر !

فرعون شاف البحر اتشق لموسى ومافقش .. فيه ناس ما بتفوقش حتى بالرسايل الواضحة المعجزة !!

الفكر اللي أهل الباطل وصلوا ليه عشان يضيعوا الشباب 👈 هو فكر .. الفتنة

عاوزين يضيعوا الشباب .. و يفتنوهم بالدنيا !!

مش عاوزين نعيش مخدوعين .. عاوزين نصدق ربنا يا جماعة ..

حلم ربنا مش معناه إن ربنا راضي عن اللي بيحصل ولا إنه هيتسكت عليه 👈 ربنا هينتقم

الشباب اللي كل قضيتهم الدنيا وشهوات الدنيا و راضيين عنها ربنا قال عنهم :-

"إِنَّ الَّذِينَ لَا يَرْجُونَ لِقَاءَنَا وَرَضُوا بِالْحَيَاةِ الدُّنْيَا وَاطْمَأَنُّوا بِهَا وَالَّذِينَ هُمْ عَنْ آيَاتِنَا غَافِلُونَ (7) أُولَٰئِكَ مَأْوَاهُمُ النَّارُ بِمَا كَانُوا يَكْسِبُونَ (8)"

النار هنا عقاب على حب الدنيا !!

حب الدنيا جريمة.. عشان كده اللي ما قدرش يصبر عن شهوات الدنيا وغرق فيها ⬅️" مَأْوَاهُمُ النَّارُ"

و عشان كده ربنا قال "وَلَا يُلَقَّاهَا إِلَّا الصَّابِرُونَ "

القضية إننا نصبر على الدنيا ... نصبر على الشهوات و الفتن

نصبر عن أي حاجة تبعدنا عن ربنا سبحانه و تعالى..

الدنيا اللي انتوا بتضيعوا فيها حياتكم .. النبي صلى الله عليه وسلم شبهها بخروف متعفن .. وقال عنها .. الدنيا ملعونة .. ألفاظ كلها تكرهك في الدنيا ..

ربنا في سورة الزخرف بيشبه الدنيا بكل ما فيها من زينة .. وزخارف .. وقصور ..و.. و.. كل ده في الآخر 👈 متاع !

"وَإِن كُلُّ ذَٰلِكَ لَمَّا مَتَاعُ الْحَيَاةِ الدُّنْيَا ۚ وَالْآخِرَةُ عِندَ رَبِّكَ لِلْمُتَّقِينَ "

" وَأَصْبَحَ الَّذِينَ تَمَنَّوْا مَكَانَهُ بِالْأَمْسِ يَقُولُونَ وَيْكَأَنَّ اللَّهَ يَبْسُطُ الرِّزْقَ لِمَن يَشَاءُ مِنْ عِبَادِهِ وَيَقْدِرُ ۖ "

كلمة(وَيْكَأَنَّ) دي تحسسك إنهم فاقوا .. لما فجأة بصوا ملقوش قارون !

عايزين نفوق من أحلام اليقظة

👈أنت مين من أنواع الناس اللي اتكلمنا عليهم ؟؟
-هل أنت قارون ؟؟ اللي هتبقى عبرة لغيرك؟

-ولا أنت من اللي فُتنوا بقارون ؟ وقال ماقدرش أسيب الدنيا

-ولا أنت من الذين أوتوا العلم .. اللي ربنا نور ليهم طريقهم و بيجروا على الدين في عز ما كل الناس بتجري على الدنيا ؟

-ولا أنت النوع السلبي اللي لا وقف مع الدين ولا مع الدنيا ولا ساب بصمة هنا و لاهنا؟

💡عاوزين الدنيا تنور أمام عنينا

عاوزين نمشي في طريق الطاعة و نستمر عليه

من سلسلة:-
#أيامنا_الحلوة
#الشيخ_حازم_شومان

https://t.me/drhazemshouman

وصلت لفين ؟
https://youtu.be/Qojm9iQTSgU


#الشيخ_حازم_شومان
https://t.me/drhazemshouman

🎗حزام الأمان ٤

( اتمتع لكن اوعى تنسى خط سيرك في الحياة)

💭ينفع طالب في الثانوية العامة عنده امتحان

يقوم يلاقي ماتش كرة فيلعب للصبح و يضيع الامتحان ؟

اتمتع ولكن ما تنساش إن ربنا جايبك في الدنيا

هنا علشان امتحان 👌

كل شىء في الكون له مقصد الشمس ليها مقصد ،

و الأرض ليها مقصد، القمر له مقصد ..

💥أنت كمان ليك مقصد

إحنا جايين هنا عشان المتعة و لا جايين علشان
نعبد ربنا عز وجل؟

👈(وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ )

💭 اممم طيب ما كان ربنا يخلقنا ملائكة نعبده في السماء !

✔️ الملائكة بتعبده من غير شهوة ربنا يريدناس عندها شهوة ومع ذلك تختار ربنا مش شهواتها ...

👈(وَإِذْ قَالَ رَبُّكَ لِلْمَلَائِكَةِ إِنِّي جَاعِلٌ فِي الْأَرْضِ خَلِيفَةً) البقرة 30

عارف يعني إيه خليفة ؟
عارف يعنى إيه أنت خليفة في الأرض ؟

-يعنى كل واحد صيني بيعبد الدولار في رقبتك أمام ربنا

- يعنى كل واحد بوذي بيعبد البقرة/ هندوسي في رقبتك أمام ربنا سبحانه و تعالى،

💭فكر في خط سيرك في الحياة

دا المقصد اللي ربنا خلقك عشانه ؟

-السفرية اللي انت طالعها لمارينا وسط المعاصي دي هي دي اللي ربنا خلقك و أسجد لك الملائكة وسخر لك الكون و أسبغ عليك نعمه ظاهرة وباطنة علشانها؟

-هي دي كلمة شكراً على نعمك يا رب ؟!!

-هي دي شكراً يارب إنك لسه مطلعنا من رمضان والصيام والقيام ؟!

-هي دي كلمة شكراً يا رسول الله -صلى الله عليه وسلم -على دمه اللي نزف علشانك وعلى دموعه اللي انهمرت علشانك؟

-هو ده رد الجميل للنبي عليه الصلاة والسلام على قذفه بالحجارة من الأطفال والسفهاء علشان أنت تطلع مسلم و علشان أنتِ تبقي محجبة مش متبرجة؟

-هي دي شكراً على جوعه وجهاده وصبره ؟

-هو ده حق القرآن ؟

القرآن اللي كلنا غضبنا لما ناس كفار من الغرب داسوا عليه بالأقدام؟

الغرب داوسوا عليه بالأقدام لكن إحنا بندوس عليه بالأفعال، و بالأخلاق

-هو ده حق الإسلام ..حق دينك اللي بيتعرض لمحن جبارة في كل مكان في العالم؟

دا كفاية بورما..بورما دي من 225 سنة بيدبحوا في المسلمين

مذبحة واحدة قتلوا فيها من 70 سنة 100 ألف مسلم من يوميها لدلوقتى 19 مذبحة اتعملوا

المسلمين هناك ممنوع واحدة مسلمة تتجوز قبل 25 سنة 👈ليه؟

عشر سنين من عمر الانجاب يشيلوه منها!

ممنوع مسلم ذكر يتجوز قبل 30 سنة

ممنوع مسلم يتعلم في مدرسة من مدارس بورما ولو مسلم خرج بره ياخد شهادة أجنبية يعتقلوه
في المطار ويسجنوه

سحبوا الجنسية من العشرة مليون مسلم اللي في بورما

⏫ده بيحصل للمسلمين و أنت طالع مصيف تعصي فيه ربنا و مش في دماغك و أنت طالع!

مش بتفكر في حق الإسلام؟

📢 يا شباب

إحنا جايين الدنيا علشان مقصد ..بلاش نتمتع بالمعاصي

يا شباب فأين تذهبون ؟

من درس :-
#جايلك_يا_مارينا
سلسلة :
#الشباب_والصيف
#الشيخ_حازم_شومان

للرجوع للسابق
@elshabab_sef

https://t.me/drhazemshouman

🎗حزام الأمان ٥

( اتمتع بس اوعى متع الدنيا تنسيك متع الآخرة)

أنت عارف كل اللي أنت نفسك فيه مش موجود غير في مكان واحد بس

الجنة ♥️

💥ليالي جولف بورتو لا شىء بالنسبة لليالي الجنة

💥بنات هاي سند باي و سيدى عبد الرحمن لا شىء بالنسبة لحور الجنة

💥 حفلات مارينا ومراسي لا شىء بالنسبة لحفلات الجنة

✔️ هنقف مع بعض آيات المتعة في الجنة

(إِنَّ الْأَبْرَارَ لَفِي نَعِيمٍ (22) عَلَى الْأَرَائِكِ يَنْظُرُونَ (23) تَعْرِفُ فِي وُجُوهِهِمْ نَضْرَةَ النَّعِيمِ (24) يُسْقَوْنَ مِنْ رَحِيقٍ مَخْتُومٍ (25) خِتَامُهُ مِسْكٌ وَفِي ذَلِكَ فَلْيَتَنَافَسِ الْمُتَنَافِسُونَ (26) وَمِزَاجُهُ مِنْ تَسْنِيمٍ (27) عَيْنًا يَشْرَبُ بِهَا الْمُقَرَّبُونَ ) المطففين من 22 الى 28

"يَنْظُرُونَ" 👈 لأصناف النعيم الباهرة

"يُسْقَوْنَ مِنْ رَحِيقٍ مَخْتُومٍ " : يسقون يعني حتى مش بيمد إيديه .. لكن حبيبته بتسقيه

"وَفِي ذَلِكَ فَلْيَتَنَافَسِ الْمُتَنَافِسُونَ "

في ذلك أي ليس في غيره 👌

اتنافسوا في ذلك مش في متع الدنيا

اتنافسوا في شاليهات الجنة مش شاليهات الساحل الشمالي ...

"وَمِزَاجُهُ مِنْ تَسْنِيمٍ "

تسنيم دي أعلى عين في الفردوس الأعلى دي أعلى منتجع سياحي في الجنة كلها

"عَيْنًا يَشْرَبُ بِهَا الْمُقَرَّبُونَ"

ده المنتجع السياحي بتاع المقربين بتاع أهل الفردوس الأعلى

💭تخيلوا متعة المنتجعات السياحية و متعة الطلعات الشبابية في الجنة

( فِيهَا عَيْنٌ جَارِيَةٌ (12) فِيهَا سُرُرٌ مَرْفُوعَةٌ (13) وَأَكْوَابٌ مَوْضُوعَةٌ (14) وَنَمَارِقُ مَصْفُوفَةٌ (15) وَزَرَابِيُّ مَبْثُوثَةٌ )

-فِيهَا عَيْنٌ جَارِيَةٌ :-
القعدات اللي فيها حمامات السباحة والأنهار والشلالات .

-فِيهَا سُرُرٌ مَرْفُوعَةٌ :
القعدات الرومانسي هو وحبيبته في ضوء خافت وموسيقى هادية

-وَأَكْوَابٌ مَوْضُوعَةٌ :
قعدات الأكل والشرب والبوفيه المفتوح

-وَنَمَارِقُ مَصْفُوفَةٌ :
القعدات العربي قعدة جميلة بمزاج جميل ...

-وَزَرَابِيُّ مَبْثُوثَةٌ :
زي القعدات الساحلية أماكن مجهزة على السواحل .

⤵️يا شباب ربنا بيقول :-

(فَأَمَّا مَنْ ثَقُلَتْ مَوَازِينُهُ (6) فَهُوَ فِي عِيشَةٍ رَاضِيَةٍ)

-"فِي عِيشَةٍ"

يعنى هي دى العيشة و لا بلاش هي دى الناس اللي عايشة

ربنا بيقول :-

(إِنَّ لِلْمُتَّقِينَ مَفَازًا (31) حَدَائِقَ وَأَعْنَابًا (32) وَكَوَاعِبَ أَتْرَابًا (33) وَكَأْسًا دِهَاقًا (34) )

-حَدَائِقَ وَأَعْنَابًا: حاجه تحدق فيها العين من جمالها ..

-وَكَوَاعِبَ أَتْرَابًا : واحدة جميلة الملامح و الجسد و الشكل

-وَكَأْسًا دِهَاقًا : كأس ممتلئة بالخمر .

👈مش ملاحظين إن كل آيات الجنة اللي اتذكرت دي في الجزء ال٣٠ ؟

ليه؟

؛لأن النبي عليه الصلاة والسلام كان نازل بيدعو شباب بيزنوا ويعملوا كل الكبائر فكانوا محتاجين يقولهم إيه البديل ؟

💥في حاجات ملهاش بديل في الدنيا

البديل بيكون هو الجنة و بس يا شباب

اتعبوا يا جماعة

شعار اللي عايز يوصل للجنة لا أبرح حتى أبلغ👌

"وَأُزْلِفَتِ الْجَنَّةُ لِلْمُتَّقِينَ"♥️

متخيل لو إن مارينا بتجري عليك بكل المتع اللي فيها من شوقها ليك؟!

الجنة هي اللي هتجري عليك

👈تذكر قبل أن تتمتع بالحرام

قال تعالى : (وَأَصْحَابُ الشِّمَالِ مَا أَصْحَابُ الشِّمَالِ (41) فِي سَمُومٍ وَحَمِيمٍ (42) وَظِلٍّ مِنْ يَحْمُومٍ (43) لَا بَارِدٍ وَلَا كَرِيمٍ (44) إِنَّهُمْ كَانُوا قَبْلَ ذَلِكَ مُتْرَفِينَ )

سَمُومٍ : الهواء الحار
حَمِيمٍ : الماء اللي بتغلى .
وَظِلٍّ مِنْ يَحْمُومٍ : الظل .

⤵️ دي الثلاثة حاجات اللي علشانهم أي حد بيروح المصيف

الهواء والماء والظل

و الآية بتبين لنا :-

كأن اللي عصوا ربنا بالمتع دي خدوا العقوبة بالمثل

لو متوبتش لربنا من الشهوات في الدنيا لما تلاقي شهوات ومتع الجنة وقتها هتقول:-يا ريتني صبرت

فاوعى متع الدنيا تنسيك متع الجنة .. الجنة فيها أسباب كتير جداً للسعادة متخسرهاش علشان متع فانية 👌

من درس :-
#جايلك_يا_مارينا
سلسلة :
#الشباب_والصيف
#الشيخ_حازم_شومان

للرجوع للسابق
@elshabab_sef

https://t.me/drhazemshouman

إوعى تضيع فرصة واحدة من إيدك ..
https://youtube.com/shorts/0vtd26Ot2ZI?feature=share


#الشيخ_حازم_شومان
https://t.me/drhazemshouman

الله أكبر ....
صدمة كهربائية للقلب المؤمن⚡️

الكلمة اللي النبي صلى الله عليه وسلم لما كان يسمعها السيدة عائشة تقول :

(كأنه لايعرفنا ولا نعرفه) ...مش داري باللي حواليه

تظبيط زوايا قلبك بتخليك تعرف مين اللي يستاهل قلبك وحياتك وتضحيتك وعمرك 💯

💥 الله أكبر من أي مخلوق أو عدو خايف منه


الله أكبر

كلمة نصر و فرحة ♥️

لو عشت مع ربنا هتعيش الفرحة👌

لما تعرف إن ربنا أكبر من كل شئ معدتش تنشغل بحاجة تحملك الهم ✨


نحن لاقيمة لنا في الحياة إلا بذكر الله عز وجل 💯

الله أكبر...

كلمة حرية من أغلال الدنيا وسلاسلها وطغيانها في قلبك

بتخليك 👈 "رَبِّ إِنِّي نَذَرْتُ لَكَ مَا فِي بَطْنِي مُحَرَّرًا "

الله أكبر.....

كلمة عقيدة بترجعك تاني إن ربنا أكبر من كل شئ

((من كانتِ الآخرةُ هَمَّهُ جعلَ اللَّهُ غناهُ في قلبِهِ وجمعَ لَه شملَهُ وأتتهُ الدُّنيا وَهيَ راغمةٌ ، ومن كانتِ الدُّنيا همَّهُ جعلَ اللَّهُ فقرَهُ بينَ عينيهِ وفرَّقَ عليهِ شملَهُ ، ولم يأتِهِ منَ الدُّنيا إلَّا ما قُدِّرَ لَهُ)) .... (صحيح)

غناك في قلبك مش في الأسماء ولا رصيد البنك 💫


💥الله أكبر من نفسك ⤵️

✔️ إكسر الفرعون والأنا اللي جواك

إزاي نستشعر كلمة ◀️ الله أكبر ؟!

لما تعرف من هو الله

لما يكون كبيرك هو العلي الكبير سبحانه وتعالى

عشان كده ربنا سمى نفسه ⬅️ ( المتكبر )

ربنا بيعرفك هو كبير أد إيه عشان يعلمك بوصلة قلبك تروح فين 🔝

عشان كده النبي صلى الله عليه وسلم كان يقول كلمة جبارة من ثمار الله أكبر :

ياعائشة ((تنام عينى ولا ينام قلبى))
صحيح البخارى

والسيدة عائشة تقول :

كان صلى الله عليه وسلم إذا قام وثب

ده قلب حاسس بجلال الله 💙

⭕️الناس لاتنظر إلى عظمة من تعصاه ولكن تنظر لصغر المعصية فتستهين بها

{وَمَا قَدَرُوا اللَّهَ حَقَّ قَدْرِهِ وَالْأَرْضُ جَمِيعًا قَبْضَتُهُ يَوْمَ الْقِيَامَةِ وَالسَّمَاوَاتُ مَطْوِيَّاتٌ بِيَمِينِهِ}

الأرض طول عمرها في قبضة الله بس الناس مش حاسة

لحظة نهاية الأرض هتعرفك فعلا إن الله أكبر 👌

لما ربنا يقول لحملة العرش وملك الموت : موتوا

ولا يوجد في الكون إلا الله .... ساعتها فعلا هتعرف معنى ⬅️ الله أكبر

الله أكبر .....

الكلمة دي هي اللي بتتحكم في محور حياتك ⏬

عشان تدخل في الصلاة بتقول الله أكبر
عشان تركع وتسجد بتقول الله أكبر
نقلات ومفارق حياتك كلها هي كلمة الله أكبر

لما ربنا يناديك بيناديك بكلمة ⬅️ الله أكبر

دي الكلمة اللي ربنا اختارها عشان يرجعك بيها ليه

كلمة تخطفك من شهواتك والدنيا اللي خطفتك من ربنا

✔️بتقطع حياتك خمس مرات يوميا عشان كلمة الله أكبر

📌اقعد جلسة الضحى بس بكلمة ⬅️ الله أكبر

عشان كده الجائزة براءة من النفاق وبراءة من النار ⤵️

لو حافظت على تكبيرة الإحرام أربعين يوم

وتبقى أثبتت 200 مرة إن الله أكبر عندك من كل شئ 👌


درس:-
#الفرحة_بين_إيديك
سلسلة:-
#أحلامك_بين_إيديك
#الشيخ_حازم_شومان

https://t.me/drhazemshouman

( 5 ) مفاتيح للثبات ع الصلاة مدى الحياة |
https://youtu.be/rw9cjh92Rps


#الشيخ_حازم_شومان
https://t.me/drhazemshouman

الحب هو أكبر عاطفة تغييرية و أعظم شعور يسكن قلبك

أكتر حاجة تخليك تضحي وأنت فرحان

الحب بيخرج منك طاقات لم تكن تتخيل وجودها

⭕️أكترعبادة تنمي حب الله في قلبك هي الذكر

طول ما أنت في ذكر الله.. مقام الله يعلو في قلبك❤️

الذكر بيعرفك أد إيه عمرك غالي👌

الذكر بيعرفك أد إيه ربنا بيحبك ويجمع الملائكة لما تذكره

الذكر رسالة حب منك لله 💚

الحمد ⬅️من الأذكار اللي تزود حب الله في قلبك

الحمد ⬅️ هو الثناء بحب

الحمد لله عدد ماخلق....الحمد لله ملء ماخلق
الحمد لله عدد مافي السماوات وما في الأرض
الحمد لله عدد ما أحصى كتابه....والحمد لله على ما أحصى كتابه
والحمد لله عدد كل شئ.... والحمد لله ملء كل شئ
وسبحان الله مثلهن ....

☝️ذكر أفضل من ذكر الليل مع النهار

يارب أنا اللي في قلبي لايحصيه شئ فأذكرك بأشياء لايحصيها عدد

الحمد أول كلمة نطقها الإنسان ⤵️

لما عطس آدم قالت له الملائكة : قل الحمد لله
فقال : الحمد لله
فقال الله : يرحمك الله

الحمد ⬅️ أعظم سبب للرحمة

الحمد ⬅️ آخر كلمة

" وَتَرَى الْمَلَائِكَةَ حَافِّينَ مِنْ حَوْلِ الْعَرْشِ يُسَبِّحُونَ بِحَمْدِ رَبِّهِمْ ۖ وَقُضِيَ بَيْنَهُم بِالْحَقِّ وَقِيلَ الْحَمْدُ لِلَّهِ رَبِّ الْعَالَمِينَ"

جنة الملائكة.. الطواف والحمد

النبي صلى الله عليه وسلم يوم القيامة حامل لواء الحمد لأنه أفضل عمل

✔️أفضل العباد عند الله الحمادون

✔️الحمد لله تملأ الميزان

خلاص الموضوع خلص وبقيت من الناجين السابقين بكلمة الحمد لله 👌

الحمد لله... يرضى بها الله ويجمع الملائكة لما تقولها ويقول : "حمدني عبدي..أثنى علىّ عبدي"

الحمد ⬅️ هو مفتاح المغفرة الشاملة

سبحان الله 👈 1000حسنة

سبحان الله وبحمده 👈تغفر ذنوبك ولو كانت مثل زبد البحر

فالحمد⬅️ يملأ كفة الحسنات

الحمد ⬅️ مفتاح الشفاعة

لما النبي صلى الله عليه وسلم يوم القيامة يستفتح للشفاعة فيسجد فيفتح الله عليه بمحامد لم يفتح بها على أحد من قبله

الحمد ⬅️مفتاح السعادة

اعمل ورقة النعم ولما تحس بضيق هاتها واقعد إحمد ربنا عليها

الحمد ⬅️هيغير نظرتك للأمور


أكثروا من قول الحمد لله والذكر الذي هو أفضل من ذكرك الليل مع النهار 👌

درس:-
#الحب_بين_إيديك
سلسلة:-
#أحلامك_بين_إيديك
#الشيخ_حازم_شومان

https://t.me/drhazemshouman

ربنا مش هيسيبني وهو إمتى كان سابني !
https://youtu.be/_LqCzGqPhPg?si=a1x_k4MWEg13qUVR


#الشيخ_حازم_شومان
https://t.me/drhazemshouman

هنا عاصمة التربية على وجه الأرض | من أمام مسجد قباء |
#عودة_الروح_2
https://youtu.be/WDboB80KifY?si=uxiatO3TO_idOeXv


#الشيخ_حازم_شومان
https://t.me/drhazemshouman

إنت فين و إنتي فين ؟! | الحلقة ( 04 ) #فرسان_الأقصى
https://youtu.be/79t6vJLxuew?si=rtWNLQpYq7lRspio

#الشيخ_حازم_شومان
https://t.me/drhazemshouman

" وَلَهُنَّ مِثْلُ الَّذِي عَلَيْهِنَّ بِالْمَعْرُوفِ ۚ وَلِلرِّجَالِ عَلَيْهِنَّ دَرَجَةٌ ۗ وَاللَّهُ عَزِيزٌ حَكِيمٌ"

🌱 الآية دي من الآيات الجبارة اللي فيها سر من أسرار نجاح العلاقات الإجتماعية في الحياة ...
و سر من أسرار التربية النفسية و التعامل مع الحياة 👌

" ولَهُنَّ مِثْلُ الَّذِي عَلَيْهِنَّ بِالْمَعْرُوفِ ۚ "
الزواج ده شركة بين الطرفين ...
كل طرف منهم له حقوق وعليه واجبات

"مِثْلُ " ....
يعني مماثلة وتماثل
مفيش حد أحسن من حد ،
كل واحد فيهم ليه دور مهم زي التاني

ربنا ذكر " لَهُنَّ " قبل "عَلَيْهِنَّ "
يعني حقوق المرأة قبل حقوق الرجل
على أد ما هتدي زوجتك على أد ما هتاخد منها 🍃

من ضمن حقوق الزوجة 👇
أن يتزين الزوج لها زي ما هي بتتزين له
حق الحب والحنان والملاطفة
وأن لايكون الأمر مقتصراً على العلاقة الجسدية لأن العلاقة الروحية أهم وأعمق
ألا يهينها وألا يضرب الوجه ولا يقبح جمالها ولا يهجر إلا في البيت ✊️

⛔️اوعى تستخدم أسلوب الإنتقام النفسي مع زوجتك أوقات الخلافات

"عَلَيْهِنَّ "
كسر الزوجة نفسها لزوجها رفعة لها في الدنيا وفي الآخرة 💯

حق الإحترام والتقدير و قبول القوامة

إذا نظر إليها سرته 👈 إنها تتعب وتتزين لأجل زوجها

" وَلِلرِّجَالِ عَلَيْهِنَّ دَرَجَةٌ "
الرجل هو قائد السفينة الأسرية
وهو اللي وقت المشاكل لازم يفصل وياخد القرار .
☝️ده من باب الترتيب .. مش من باب الأفضلية .

الدرجة دي معناها أن الرجل هو الأقدر على التسامح وأنه يلين وأنه يتجاوز ..

⚡️الرجولة إنك تسامح
العضلات النفسية أهم من العضلات الجسدية 💚

💥الإنسان اللي بيفتقد القدرة دي هو أكتر واحد عنده انحرافات نفسية وفكرية
ودول أكتر ناس عرضة للفشل في الحياة الإجتماعية 👎

🌱الآية دي مفتاح للمرأة لتملك قلب الرجل ⤵️
أنتِ بتأسري زوجك بكل مرة بتقوليله إنك ما تقدريش تعيشي من غيره
وإنه أهم حاجة في حياتك

سعادة البيت قائمة على المرأة اللي بتتحمل وبتقبل القوامة 💫

🌱الآية دي بتعلمنا إن سبب النجاح
في روح الفريق
وأنه من غير قائد مفيش فريق ✋️

🌱الآية دي سبب لإستمرار العلاقات والشراكات
لأنها بترسم حدود واضحة للعلاقة من أول يوم

ولينا في قصة موسى والخضر مثال واضح جدا على وضوح العلاقة 💯

إتفاقيات وشروط واضحة عشان كده👇 انطلقا

درس : -
#وللرجال_عليهن_درجة
سلسلة : -
#حكاية_آية
#الشيخ_حازم_شومان

لو عايز رزقك يزيد ... لو عايز بركة عمرك تزيد ...لو عايز ربنا يفرجها عليك
شوف حبيبك رسول الله صلى الله عليه وسلم قال إيه 👇

قال رسول الله صلى الله عليه وسلم :
( إنَّ اللهَ لا يظلِمٌ مؤمناً حسنةً يٌعطى بِها في الدٌنيا ويٌجزى بِها في الآخرةِ )
صحيح مسلم)

يعني ولا حسنة ربنا هيظلمك فيها ...
يٌعطي بها في الدنيا ✅

يعني بكل ليلة هتقوميها ، بكل سجدة هتسجديها ، بكل فتحة مصحف هتفتحيها ، بكل أمر بالمعروف ونهي عن منكر ربنا هيديك ثوابها في الدنيا🌸

ويجزي بها في الآخرة ✅
يعني النبي صلى الله عليه وسلم بيقولك ⤵️
كل حسنة بتعملها هتاخد عليها جايزتين :
جائزة في الدنيا ، وجائزة في الآخرة🌼

عايزين نخطط لمستقبلنا
أول حاجة هنخطط لها 👈الدنيا علشان احنا عايزين فيها السعادة
وهي بإيد ربنا سبحانه وتعالى

ربنا قال في القرآن : " وَيٌمْدِدٌكٌم بِأَموَالٍ "
ويمدد دي فعل مضارع يدل على الإستمرار

💢 والله لا نجاة مما نزل بالناس إلا العلاقة الصادقة مع الله

خطط للحظة الإحتضار .. خطط للخاتمة .. لحظة ما هتقابل ربنا 👌
لحظة ما ملائكة الموت هتنزل ... ساعتها هيبان أنت بتحب لقاء الله ولا لأ ❕

✍️خطط للعمل اللي هتقفل عليه الصحيفة بتاعتك ..

آخر عمل في حياتك هو أخطر عمل في حياتك ⚡️
فلا يستهين الإنسان بأي عمل لازم نخطط للحظة دي

هتٌسأل عن صلاة صلاة👌
لو ربنا ناداك 20 ألف مرة هتٌسأل 20 ألف مرة يوم العرض عليه

الصلاة لو استقامت كل حاجة في حياتك هتستقيم✅

القرآن لو سلمته نفسك هيوصلك للفردوس الأعلى 🌿

📌عايزين نعيش علشان نرضي ربنا
لإن مفيش شئ في الحياة يستاهل حياتك وجهدك غيره 👌

💥اللي هيعمل ده هياخد السعادة وسعة الرزق وحسن الخاتمة
ونعيم القبر حتى الفردوس الأعلى 🌱

#خطط_لحياتك
#الشيخ_حازم_شومان

https://t.me/drhazemshouman

🌷النبي -عليه الصلاة والسلام-

بيقول لبلال يـ💬ـا بلال ،دُلني على أرجى عمل عملته في الإسلام ⁉️

🗣ليه يا رسول ﷲ !
فإني سمعت👂دُف نعليـ👣ـك بين يدي في الجنة.

👈 أنت فاهم الكلمة؟!
كلمة رهيبة🌟 بيقول له يا بلال أنا حافظ صوت رجليك،

أنا حافظ خطوة رجليك، وأنت ماشي..🚶‍♂

🎯 شوف النبي -عليه الصلاة والسلام-

📮يعني شوف النبي -عليه الصلاة والسلام- حافظ خطوة رجلين الطالب بتاعه👌❕

〽️ فالنبي ما شفش بلال في الفردوس الأعلى🏞 ده سمع مشية..

دي مشيه بلال✋ ، دي الطريقة دي،
مشية سيدنا بلال.. ها؟

أنـ🫵ـت بقى دخلت الفردوس
الأعلى بإيه⁉️

والنبي في الفردوس الأعلـى🌿
-عليه الصلاة والسلام-

👌ومدام بلال ماشي⚡️ ؛ يبقى بلال
في الفردوس الأعلـ🏞ـى

🔮فالنبي أوّلْها أن بلال عمل حاجة
تدخله الفردوس الأعلى💘،

🌀وأوّلها أن ربنا أراه الرؤيا💭 دي ؛ عشان يسأل بلال ،ويعرف إيه اللي بلال عمله❓

✅ فتبقى "سُنة تقريرية" من النبي
-عليه الصلاة والسلام- للأمـة كلها ...

فسيدنـ👑ـا بلال قال له بقى/

🌸 أن هو ما توضأ🚰أي وضوء ،

في أي ساعةٍ 🕰 من ليل، أو نهار إلا صلّى ما شاء ﷲ له أن إيه ؟ أن يُصلي.♦️

في سُنّة أن أنا كل ما أصلي اه أتوضأ🩵،،

⏪ وفي سنة أن أنا كل ما أتوضأ أصلي.. أنهي الأصعب؟

الأصعب↩️ كل ما اتوضأ أصلي💔

🔘 كل ما أصلي، أجي أصلي أتوضأ
سُنة النبي -عليه الصلاة والسلام- طبعًا

إنه كان يصلي لكل وضوء
-عليه الصلاة والسلام -✔️

📎طيب كل ما أتوضأ أصلي ?
يعني مش قضية أن أنا بحافظ على وضوئي بس🛑 ?

لأ، 🔊صلّى ما شاء ﷲ ،، وده إيه❔

🎐أهو ده برضو ؛ شوف سيدنا بلال
ربنا نور له قلبـ🫀ـه في إيه؟

💡 في العمل ده، ما هو أصل أنا
عشان كل ما أتوضأ 💦 أصلي ،

طب أنا دلوقتي بتوضأ، بسرعة، قبل ما أجي المسجد 🕌؛  عشان أدي الدرس📖

لا، هو ربنا نورها له في حتة إيه🔦؟

🏮 أن كل ما أتوضأ أصلي🛐
طب أنا الوقتي مراته عايزاني سواء..

لأ✋، أنا كل ما أتوضأ أصلي

أنا كل ما اتوضى أصلي💗 :

اتنين 2⃣...أربعة 4⃣

ستة 6⃣...تمانية8⃣

عشرة🔟..اثنى عشر2⃣1⃣

ما شاء ﷲ لي أن أصلي🍂

🌻 أنت ربنا نورها لك في إيه؟

فربيعة بن كعب ربنا نورها له في دي📍
🪴خدمة النبي- عليه الصلاة والسلام-


#يتبع إن شاء الله


#البوست_١١
#رأيت_ربي
#الشيخ_حازم_شومان
https://t.me/drhazemshouman
https://www.facebook.com/bnatshoman