#Sayyidul_bashar

"(OXIRATDA) SIZNI QAYERDAN TOPAMAN?"

Anas roziyallohu anhudan rivoyat qilinadi:
"Men Rasululloh sollallohu alayhi vasallamdan qiyomat kuni meni shafoat qilishlarini so'radim. Ul zot: "Inshaalloh, shafoat qilaman", dedilar. "Men sizni qayerdan topaman?" deb so'radim. "Meni izlaydigan eng birinchi joying Sirot ko'prigi ustida bo'ladi", dedilar. "Agar Sirotda siz bilan uchrasha olmasam-chi?" dedim. "Unda Mezonning oldidan izlagin", dedilar. "Agar u yerda ham sizga yo'liqmasam-chi?" dedim. "U holda meni Havzi kavsar oldidan qidir. Men bu uchta makondan o'tib ketmayman" (ya'ni "Kim meni izlasa, albatta shu uch makondan birida topadi"), dedilar".
Imom Termiziy rivoyati.

"Muhammad sollallohu alayhi vasallam - ikki olam sarvari" kitobidan.

Alloh taolo bizlarni oxiratda Rasululloh sollallohu alayhi vasallamni bizdan mamnun bo'lgan holatlarida uchratuvchi bandalardan qilsin!😥
#хадис