أسأتُ ولم أُحْسِنْ وجئتُكَ تائباً

وأنَّى لِعَبْدٍ عن مواليه مَهْرَبُ

يُؤَمِّلُ غُفَراناً فإنْ خَابَ ظَنُّه

فما أَحَدٌ منه على الأرضِ أخيبُ

‏
🌑🌕 أذكار المساء الصحيحة🌕🌑
‏ ࿐༜.. ࿐༜.. ࿐༜


🌕 - *((أمْسَيْنَا وَأَمْسَى الْمُلْكُ للهِ، وَالْحَمْدُ للهِ، وَلاَ إِلَـهَ إِلاَّ اللهُ وَحْدَهُ لاَ شَرِيكَ لَه, لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ، رَبِّ أَسْأَلُكَ خَيرَ مَا فِي هَذِهِ اللَّيلَةِ وَخَيْرَ مَا بَعْدَهَا، وَأَعُوذُ بِكَ مِنْ شَرِّ هَذِهِ اللَّيلَةِ وَشرِّ مَا بَعْدَهَا، رَبِّ أَعُوذُ بِكَ مِنَ الْكَسَلِ وَسُوءِ الْكِبَْرِ، رَبِّ أَعُوذُ بِكَ مِنَ عَذَابٍ فِي النَّارِ وَعَذَابٍ فِي الْقَبْرِ).*

📚(مختصر مسلم: 1894)

🌕 - *((إذا أمسى فليقل: اللَّهُمَّ بِكَ أَمْسَيْنَا وَبِكَ أَصْبَحْنَا، وَبِكَ نَحْيَا وَبِكَ نَمُوتُ، وَإِلَيْكَ الْمَصِيرُ))*

📚(الصحيحة: 262) .

🌕 - *((اللَّهُمَّ أَنْتَ رَبِّي، لاَ إِلَـهَ إِلاَّ أَنْتَ، خَلَقْتَنِي وَأَنَا عَبْدُكَ، وَأَنَا عَلَى عَهْدِكَ وَوَعْدِكَ مَا اسْتَطَعْتُ، أَعُوذُ بِكَ مِنْ شَرِّ مَا صَنَعْتُ, أَبُوءُ لَكَ بِنِعْمَتِكَ عَلَيَّ، وَأَبُوءُ لَكَ بِذَنْبِي، فَاغْفِرْ لِي؛ فَإِنَّهُ لاَ يَغْفِرُ الذُّنُوبَ إلاَّ أَنْتَ)).*

📚(مختصر البخاري: 2420)

🌕 - *((يَا حَيُّ يَا قَيُّومُ بِرَحْمَتِكَ أَسْتَغِيثُ, أَصْلِحْ لِي شَأْنِي كُلَّهُ, وَلاَ تَكِلْنِي إِلَى نَفْسِي طَرْفَةَ عَيْنٍ))*

📚(صحيح الترغيب: 661)

🌕 - *((اللَّهُمّ عَالِمَ الْغَيْبِ وَالشَّهَادَةِ, فَاطِرَ السَّمَوَاتِ وَالأَرْضِ, رَبَّ كُلِّ شَيْءٍ وَمَلِيكَهُ، أشهد أن لا إله إلا أنت, أَعُوذُ بِكَ مِنْ شَرِّ نَفْسِي، وَشَرِّ الشَّيْطَانِ وَشَِرَْكِهِ, وَأَنْ أَقْتَرِفَ عَلَى نَفْسِي سُوءًا أَوْ أَجُرَّهُ إِلَى مُسْلِمٍ)).*

📚(صحيح الكلم: 21)

🌕 - *((اللَّهُمَّ إِنِّي أَسْأَلُكَ الْعَافِيَةَ فِي الدُّنْيَا وَالآخِرَةِ, اللَّهُمَّ إِنِّي أَسْأَلُكَ الْعَفْوَ وَالْعَافِيَةَ فِي دِينِي, وَدُنْيَايَ, وَأَهْلِي, وَمَالِي, اللَّهُمَّ اسْتُرْ عَوْرَاتِي وَآمِن رَّوْعَاتِي, اللَّهُمَّ احْفَظْنِي مِنْ بَيْنِ يَدَيَّ, وَمِن ْ خَلْفِي, وَعَنْ يَمِينِي, وَعَنْ شِمَالِي, وَمِنْ فَوْقِي، وَأَعُوذُ بِعَظَمَتِكَ أَنْ أُغْتَالَ مِنْ تَحْتِي)).*

📚(صحيح الكلم: 23),
(صحيح ابن ماجه: 3135)


🌕 *أمسينا على فطرة الاسلام وعلى كلمة الاخلاص وعلى دين نبينا محمد صلى الله عليه وسلم وعلى ملة ابينا ابراهيم حنيفا مسلما وما كان من المشركين*


🌕 - *((أَعُوذُ بِكَلِمَاتِ اللهِ التَّامَّاتِ مِنْ شَرِّ مَا خَلَقَ)).*
ثلاث مرات

📚(مختصر مسلم: 1453),(صحيح الترمذي: 3604/م

🌕- *((سُبْحَانَ اللهِ وبحمده عَدَدَ خَلْقِهِ, وَرِضَا نَفْسِهِ, وَزِنَةَ عَرْشِهِ, وَمِدَادَ كَلِمَاتِهِ))*

ثلاث مرات
📚(الصحيحة: 2156)

🌕 - *((بِسْمِ اللهِ الَّذِي لاَ يَضُرُّ مَعَ اسْمِهِ شَيْءٌ؛ فِي الأَرْضِ وَلاَ فِي السَّمَاءِ وَهُوَ السَّمِيعُ الْعَلِيمُ)).*
ثلاث مرات

📚(صحيح الترمذي: 3388)


🌕 - *((سُبْحَانَ اللهِ وَبِحَمْدِهِ)).*
مائة مرة

📚(مختصر مسلم: 1903)
,(صحيح أبي داود: 5091)

🌕 *(لاَ إِلَـهَ إِلاَّ اَللهُ وَحْدَهُ لاَ شَرِيكَ لَهُ, لَهُ الْمُلْكُ, وَلَهُ الْحَمْدُ, وَهُوَ عَلَى كُلِّ شَيْءٍ قَدِيرٌ).*
مائة مرة

📚(صحيح الترغيب: 658)

🌕 - (قُلْ : *" قُلْ هُوَ اللَّهُ أَحَدُ والمعوذتين* حين تصبح وحين تمسى ثَلاَثَ مَرَّاتٍ ، تَكْفِيكَ مِنْ كُلِّ شَيْءٍ)

📚(صحيح الترمذي ).
(وأبو داود )رقم/5082

#أذكار_المساء

مصارحة مع فتيات 🌺
لماذا لم ترتدي الحجاب للآن
كانت غالب الاجابات تدور حول أُمي: (تقول بأني طفلة) ..
اعلمي أيتها الأم الفاضلة أنّ من شبَّ على شيءٍ شاب عليه، فلا تطالبي ابنتك بما لم تتعود عليه بعد فوات الأوان، ولا تُعرضيها لكل أنواع التزين ومجاراة الممثلات وفجأة في عمر معين تطالبينها بالإحتشام فإن هذا الأمر غير ممكن .. 💜
فالنفس تعتاد الخير أو الشر .. وبيدك الاختيار الآن
فلا تأتي بعد فوات الاوان وتقولي ابنتي لا تسمع كلامي!

أنت أُمٌ مسلمة وبيدك جيل يتكأ عليك، فأحسني 💜

#قصص_الأنبياء(٢)
#السيرة_النبوية
#الحلقة_مائة_وأربعة_وعشرون
#علامات_الساعة_الكبرى_الجزء_الخامس
#المسيح_الدجال_الجزء_الرابع
#فتنة_المسيح_الدجال

اتكلمنا المرة إللي فاتت والأجزاء إللي قبلها عن صفات المسيح الدجال وعن مكانه وعن الظروف إللي هيخرج فيها وعلاقته بابن صياد،
عايزين بقى نعرف إيه هي فتنة المسيح الدجال إللي فتنته هي أعظم فتنة هتعدي على البشر زي ما رسول الله ﷺ قال:
" ما بين خلق آدم إلى قيام الساعة أمر أكبر من الدجال"
الدجال هيخرج من المشرق من إقليم خُراسان بسبب غضبة يغضبها، إيه سبب الغضب إللي هيغضبه ده الله أعلم🤷‍♂️
مفيش أي حديث عن رسول الله ﷺ بيقول عن السبب إللي يخلي الدجال يغضب،
إللي نعرفه إنه هيغضب فهيخرج، وطبعا كله بتقدير الله وبإذنه👌
هيغضب الدجال ويخرج وأول ما يخرج يدعو إلى الإسلام ويقول: إنه مسلم، ويدافع عن الإسلام،
وبعدين يدّعي النبوة ،وبعدين يدّعي الربوبية ويقول للناس إن هو الإله أو هو الله،
وهيكون معاه نهرين بيمشوا معاه، نهر من نار ونهر من ماء أو في حديث تاني معاه جنة ونار ومعاه جبال الخُبز،
ويمشي في الأرض بسرعة كبيرة وفتنته عامة لكل أهل الأرض، مفيش بلد في الأرض إلا وهيدخلها الدّجال ما عدا مكة والمدينة والمسجد الأقصى والطور،
قال رسول الله ﷺ:
أنذرتكم المسيح ....إلى أن قال:
"يسير معه جبال الخبز وأنهار الماء.... يبلغ سلطانه كل مَنهَل
لا يأتي أربعة مساجد الكعبة ومسجد الرسول والمسجد الأقصى والطور"
هيتبعه أول ما يطلع سبعين ألف من يهود أَصْبهان عليهم الطَّيَالِسَة،
قال رسول الله ﷺ:
" يَتْبَعُ الدَّجَّالَ مِن يَهُودِ أصْبَهانَ، سَبْعُونَ ألْفًا عليهمُ الطَّيالِسَةُ"
وفي رواية تانية عليهم التِّيجان،

☆والطّيْلسان معناه الثَّوبُ الَّذي به خُطوطٌ، وهو كساءٌ بيُوضَعُ على الكتِف، أَو يُحِيط بالبَدنِ، ويُعرَف بالشَّال،
عارفين، زي الشِّماغ العربي كده🤔
عامة صورة الطيلسان هتلاقوها في التعليقات👇

◇سؤال : هو في يهود في أصبهان🤨
أصبهان إللي هي أصفهان في زماننا دلوقتي وهي موجودة في إيران، وموجود فيها حوالي ثلاثين ألف يهودي على حسب الإحصائيات المقدرة لهم،
◇طيب إزاي أصلا اليهود راحوا أصفهان أو إيران أو خلونا نقول بلاد فارس😕
فاكريييين لما اتكلمنا في قصص الأنبياء عن الملك بُخْتُنصر إللي حكم الأرض مع ثلاثة ملوك تانيين،
وقلنا إن بختنصر دخل مدينة القدس وحرقها وقتل المقاتلين وسبى النساء والأطفال وحرق التوراة وخرب الحصون وهدم المساجد،
وأخذ بختنصر معاه إلى أرض العراق إللي هي بلاد فارس أربعين ألف من اليهود كعبيد عشان يخدموا أهل بابل،
أهه دي كانت بداية اليهود في بلاد فارس، وبعدين لما رجع اليهود للقدس زي ما حكينا في قصص الأنبياء مكنوش كلهم رجعوا،
رفض بعض اليهود مغادرة بلاد فارس لأنهم لقوا فيها رغد العيش والأمان، وفضلوا عايشين فيها حتّى يومنا هذا👌
وهيفضلوا عايشين هناك لحد زمن الدجال ولما يخرج هيتبعه منهم سبعون ألف،
وهنا نلاحظ تواطئ اليهود مع الدجال، و إن دور اليهود لا ينتهي إلى قيام الساعة، وهم عايزين يحكموا العالم ويسيطروا عليه،
وفي عقيدة اليهود إن الدجال اسمه المسيح بن داود، وأنه هيخرج في آخر الزمان ويرجع لهم الملك،
فلازم نعرف ونفهم كويس جدا إن اليهود أعداؤنا دائماً وأبداً ولازم نحذر منهم في كل عصر ووقت،
واحنا شوفنا عملوا إيه مع أنبيائهم من أول موسى عليه السلام وعملوا إيه مع رسول الله ﷺ، فاحنا مش هنكون أغلى عندهم من الأنبياء يعني😑

☆قبل ما نكمل الكلام عن باقي أتباع الدجال، خلونا نعرف معلومة بما إننا بنتكلم عن المشرق،
رسول الله ﷺ كان دايما يقول إن الفتن تأتي من ناحية المشرق،
والمشرق إللي هي بلاد فارس: العراق وإيران، والمقصود بالفتن هنا هي الفتن العظيمة إللي هيكون لها تأثير في الأمة،
ولو لاحظتم هتلاقوا إن فتنة الخوارج خرجت من جهة المشرق من بلاد فارس العراق وإيران،
وفتنة الشيعة الروافض من هناك والتتار دخلوا على المسلمين وذبحوهم من هناك،
والحروب إللي حصلت حتى في العصر الحاضر هتلاقوها في الجهة دي، وطبعا مش هتكلم عن داعش إللي بدأت من هناك،
حتى لو كانت بدأت على منهج صحيح لكن حصل انحراف بعدين واحنا شوفنا وسمعنا بلاويهم والله أعلم بحقيقتهم،
فلو تتبعنا التاريخ الإسلامي هنلاقي إن منطقة خراسان مليانة بالفتن والحروب والمشاكل،
لأن سكان الجهة دي بيتميزوا بحب العنف والدم والثورة
وكانت بلاد فارس على طول في ثورات والوحيد تقريبا إللي استطاع يقمع الثورات في العراق كان الحجاج بن يوسف الثقفي، حكمهم عشرين سنة😅
فالجهة دي عبارة عن بؤرة فتن فعلا زي ما رسول الله ﷺ قال: " الفتن من جهة المشرق"
والفتن هتختم بإن الدجال هيخرج من هناك، ويا لها من خاتمة بصراحة😶
ربنا ينجينا من الفتن ما ظهر منها وما بطن🤲

يبقى كده احنا عرفنا إن هيتبع الدجال سبعين ألف من يهود أصبهان وده كان الصنف الأول،
الصنف الثاني إللي هيتبع الدجال هم الكفار بصفة عامة زي التُّرك أو التتار

إللي وجوههم عاملة زي المَجَان المُطَرّقة،
واحنا قلنا قبل كده إن المجان المطرقة معناها إن وجوههم مبطّطة وعريضة زي الترس إللي طُرق عليه بالحديد، وهيتبعه كمان العَجَم،
أما الصنف الثالث إللي هيتبع الدجال فهم الكثير من المسلمين إللي هيفتنهم الدجال بالخوارق إللي هتظهر على يديه ،وخاصة الأعراب والنساء👌

☆ممكن حد يسأل ويقول :
يعني هي الناس هتبقى ساذجة للدرجة دي وتصدق إن واحد أعور هو الإله😑

طيب يعني هم الناس إللي بيعبدوا البقر والفئران في عصرنا عصر التكنولوجيا والحضارة والعلم والفضائيات دول إيه مثلا🙂
العالم بقى قرية صغيرة يعني ممكن أي حد يعرف أي معلومة في أي مكان ومع ذلك في عبّاد للبقر وعباد للفئران وغيرها من الحيوانات والأصنام😶
فيعني بالعقل كده حد يعتقد إن البقرة ولاّ الفأر ده إله😳
تخيلوا بقى إن الدجال هيخرج في وقت مجاعة وقحط وقلة ماء، فهييجي ويقول للناس أنا إله وماشي معاه نهر من نار ونهر من ماء وجبال الخبز،
فالمظهر العام بيُبهر الناس خصوصا في المجاعة وإنهم عايزين ياكلوا،
غير بقى التّجْريف والتشكيك في ثوابت الدين إللي شغال من دلوقتي من قبل حتى زمن الدجال،
يعني مثلا مش بتسمعوا إللي يقول النصراني مش كافر ولا حاجة وهو بيعبد إلهه هو كمان،
ولو حد قال عليه كافر يعترض وإزاي تقولوا عليهم كده وهو انت ربنا عشان تقولوا عليهم كده😤
ولاّ إللي تروح تقرأ قرآن على النصراني الميت في الكنيسة والناس تنبهر بيها وكلام بقى في مدحها مقلكوش😬
الدين بيتغير ويتبدل واحنا مش حاسين ومش واخدين بالنا والجهل زاد جدا،
حتى خطب الجمعة إللي المفروض الواحد بيروح ياخد منها شحنة إيمانية ولاّ ياخد منها معلومة بقت مُوحّدة وبتتكلم عن أهمية النظافة والصبر على الغلاء وحب الزعماء والصبر على الغلاء من أجل الوطن😀
فمتستغربوش لما تسمعوا إن الناس هتتبع الدجال وهو معاه الخوارق كلها،
يعني لما الناس تؤمن به هيأمر السماء فتُنزل المطر ويأمر الأرض فتُنبت الزرع وتروح الماشية تأكل من الزرع فتكبر وتسمن وضرعها يتملى لبن في ساعتها،
ويروح لناس تانية ويدعوهم إنهم يؤمنوا به فيرفضوا ويكفروا به فيصبحون مُمْحِلِين، يعني عندهم قحط زيادة ومفيش زرع ولا ماء ويأخذ منهم حتى الأموال إللي كانت معاهم،
"ويَمُر بالخَرِبة فيقول لها أخرجي كنوزك"
يعني الدجال هيعدي على الأرض الخراب ويقول لها أخرجي كنوزك، فالأرض تسمع كلامه وتطلع الكنوز الموجودة في باطنها فتتبعه الكنوز دي وتمشي وراه وهو ماشي زي جماعات النحل لما بتمشي مع بعض كده،
طبعا كل ده بإذن الله وهو ابتلاء واختبار للبشر عشان يظهر صادق الإيمان من الكاذب👌
فواضح الفرق بين الفريقين، فاللي هيشوف الفرق أكيد هيبقى جواه سؤال:
أنا هخسر إيه لو اتبعت الدجال، إللي بيتبعه بتتحل مشاكله الاقتصادية وبياخد الكنوز والأكل وإللي نفسه فيه،
في حين إللي بيخالفه هيعيش في مجاعة وضنك وقحط؟!
وهو مش عارف إنه هيخسر دينه للأسف وإن كل إللي مع الدجال ده سراب ومش هيعرف إنه سراب غير لما يفوت الأوان،
زي مافي ناس كتير جدا عرفت إن إللي وعد بيه دجال عصرنا طلع سراب وهم شاربين المُر دلوقتي ومحدش قادر يتكلم،
☆محدش يفهمني صح😀

المهم يعني إن ناس كتير هتتبع الدجال ومن أكثر الناس دي الأعراب والنساء وكل إللي معندوش علم بصفة عامة،
الدجال هييجي للأعرابي مثلا ويسأله:
أرأيتَ إن بعثتُ لك أباك وأمك أتشهد أني ربك؟
يعني الدجال بيسأل الأعرابي لو أنا أحيَيْت لك أباك وأمك تشهد إني أنا ربك إللي بيحيي ويميت،
فيقول الأعرابي: نعم😤
فيستعين الدجال بالشيطاين ويجعلهم يتمثلوا بصورة أب وأم الأعرابي ده ويقولوا له:
يا بُني اتبعه فإنه ربك👌
فلما الأعرابي يشوف أبوه وأمه إللي خلاص ماتوا وعرفوا إيه إللي بعد الموت أكيد هم أدرى منه، فيسمع كلامهم ويتبع الدجال،
مش عايزين بقى بعد ده كله الناس تتبعه😓
إللي عبد البقرة وهي حيوان مش بيقدم حاجة ولا حتى بينطق سهل جدا يتبع المسيح الدجال بسبب الجهل إللي عايشين فيه،
وقيسوا على كده كمان النساء👌
النساء هيُفتنوا بالدجال وهيكونوا من أكثر التابعين له، بسبب انتشار الجهل بينهن وغلبة العاطفة عليهن،
حتى إن الرجل ليرجع إلى حَمِيمِه وإلى أمه وابنته وأخته" وعمته فيوثقها رباطاً مخافة أن تخرج إليه"
يعني الرجل العاقل المسلم يذهب إلى نساء أهل بيته ويربطهم عشان خايف عليهم يخرجوا للدجال فيؤمنون به ويقعوا في فتنته،
وانتم عارفين الناس بصفة عامة والنساء بصفة خاصة تحب تتفرج أد إيه على الحاجات الغريبة وتعرفها وتجربها والنياء بتقلد بعض حتى في الغلط😅
واحنا مش هنروح بعيد، نظرة على الواقع هتخليكم تعرفوا ليه النساء هتتبع الدجال وتقع في فتنته،
يعني مين أكثر حد بيتبع صيحات الموضة وبيقلد تقليد أعمى حتى لو كانت ضد العقل، مش النساء؟
مين إللي كلمة تودينهم وكلمة تجيبهم وبكل سهولة ينخدعوا، مش النساء؟
عشان كده أعداء الإسلام لما يكونوا عايزين يضربوا الإسلام في مقتل يفتنوا النساء لأن التأثير عليهن أسهل،
ولما تُفت

ن النساء مين إللي هيضيع في النص، الرجال طبعا، واحنا اتكلمنا قبل كده عن تأثير النساء على الرجال في جزء لماذا النساء فمش هعيد😅

☆وطبعا مش عايزة أفكركم برقص النساء قصاد اللجان الانتخابية وإنهم أكثر ناس نزلت انتخبت ومش هقولكم بقى نزلوا انتخبوا مين 🙂
وانتم شوفتم بنفسكم المهازل إللي حصلت وبتحصل😀
وكل ده بسبب الجهل المنتشر بينهن وتغلب العاطفة عليهن،
وده على المستوى العام، شوفوا بقى على المستوى الخاص وفي الحوارات بين النساء هتلاقوا كمية جهل واتباع هوى مش ممكن😳
وحتى لو حد حب ينصحهن يتهموه بالتشدد وغيرها وغيرها من الاتهامات المُعلبة الجاهزة😑
ده حتى مبيفكروش يتعلموا ولا يدورُّوا على الصح، هم شايفين إن كده صح وحابين ده فخلاص بقى هو ده الصح💁‍♂️
تخيلوا إن للأسف ده بقى حال غالبية النساء في زماننا دلوقتي، فلما الدجال ييجي بقى بالخوارق بتاعته ومعاه كنوز الذهب والفضة، ومع قلة العلم في الأرض ومع غربة الدين ومعاه القحط والجوع، ساعتها وضع النساء هيبقى عامل إزاي😶
أما النساء إللي هيكون عندها العلم وبتتقي الله ومربية نفسها على الدين فدي ربنا هيثبتها أمام الفتن بصفة عامة وأمام فتنة الدجال بصفة خاصة👌
فاللي هيفرق بين الناس ساعتها بصفة عامة وبين النساء بصفة خاصة هو العلم وتقوى الله، في علم وتقوى ربنا هيثبت الإنسان سواء كان رجل أو امرأة،

☆ملحوظة عشان محدش يفهم غلط😁
النساء مش هتتبع الدجال عشان هم نساء، لأ النساء هيتبعوا الدجال عشان معندهمش علم والجهل منتشر بينهن،
وكل ما كانت المرأة علمها قليل كل ما مشاعرها تغلبت عليها أكثر ووقعت في الخطأ،
بدليل إن في نساء هتثبت أمام فتنة الدجال👌

من العلم إللي نتعلمه عشان نقدر نثبت أمام فتنة الدجال،
هو إننا نعرف صفات الدجال عشان منتخدعش فيه،
ورسول الله ﷺ لما وصف الدجال للصحابة خاف إنهم يتلخبطوا في صفاته أو ييجي وقت الناس تنسى صفات الدجال إللي احنا قلناها قبل كده؛ فقال لهم كلمة جامعة تلخص الموضوع، قال:
"فَإِنْ أُلْبِسَ عَلَيْكُمْ فَاعْلَمُوا أَنَّ رَبَّكُمْ لَيْسَ بِأَعْوَرَ"
يعني رسول الله ﷺ بعد ما وصف المسيح الدجال قال للصحابة وقال لنا احنا كمان لو حسيتم بلخبطة ومش عارفين تميّزوه اعرفوا إن ربكم ليس بأعور👌

☆عشان كده لازم نربي نفسنا يا جماعة ونتعلم الدين صح ونتمسك بيه مش بس عشان فتنة الدجال، احنا ممكن منحضرهاش بس حياتنا مليانة بالفتن ولازم ناخد بالأسباب عشان منقعش فيها واحنا برده شايفين حوالينا ناس كتير بتقع مكناش نتوقع إنهم يقعوا،
فالنجاة تكون بالعلم وتقوى الله👌
ربنا يثبتنا وإياكم على دينه ولا يُزغ قلوبنا بعد الهداية ومعرفة الحق🤲

نرجع للدجال ونشوف هيقعد في الأرض أد إيه🤔
فتنة الدجال دي هتستمر في الأرض أربعين يوم،
اليوم الأول في طوله كأنه سنة، يعني احنا السنة عندنا
ثلاثمائة وخمسة وستين يوماً، فبنقعد فترة معينة عشات نحس إن السنة خلصت،
فاليوم الأول من الأربعين من أول طلوع الشمس إلى الغروب أو انتهاء اليوم كله بيعدي زي السنة في الطول، يعني باختصار اليوم بيمر ببطيء جداً، كمرور السنة على الحقيقة مش مجاز، يعني الشمس هتكون بتجري ببطئ شديد جدا،
واليوم الثاني مقداره مقدار شهر،
واليوم الثالث مقداره مقدار أسبوع، وباقي الأربعين يوم مقدارهم زي مقدار أيامنا العادية أربعة وعشرين ساعة،
سُئِل رسول الله ﷺ عن مدة وجود الدجال في الأرض قال:
" أربعون يوماً، يوم كسنة، ويوم كشهر، ويوم كجمعة، وسائر أيامه كأيامكم"
وهنا الصحابة انتبهوا لنقطة مهمة وسألوا عنها رسول الله ﷺ، وهي الصلاة 👌
هل الصلاة هتكون خمسة برده في اليوم إللي زي السنة واليوم إللي زي الشهر واليوم إللي زي الأسبوع ولاّ هيكون نظام الصلاة إزاي🤔
قالوا: يا رسول الله! فذلك اليوم الذي كسنة، أتكفينا فيه صلاة يوم؟
فقال لهم رسول الله ﷺ:
" لا، ولكن اقْدُرُوا له قَدره"
يعني شوفوا في الأيام العادية أوقات الصلاة بينها أد إيه واحسبوا الساعات دي وصلوا،
خلونا ناخد مثال للتوضيح👌
بين الفجر والظهر في حوالي سبع ساعات ، فلو جاء الفجر وطلع اليوم الذي ظهر فيه المسيح الدجال، هيكون أول يوم من الأربعين إللي هو مقداره سنة،
فالناس هتقد سبع ساعات وبعدها تصلي الظهر، ولأن الشمس لسه هتكون طالعة لأن اليوم طويل جدا هنحسب بين الظهر وبين العصر مثلا ثلاث ساعات،
فنحسب ثلاث ساعات وبعدها نصلي العصر وهكذا لحد ما الصلوات الخمسة تخلص،
ولو الصلوات الخمس خلصت ولسه اليوم مخلصش يبقى الناس تصلي تاني الفجر في نفس اليوم على حسب عدد الساعات إللي بيحسبوها بين العشاء والفجر في الأيام العادية وهكذا،

◇ومن هنا العلماء استفادوا حكم شرعي مهم جدا👌
احنا عارفين إن القطب الشمالي النهار فيه ستة أشهر والليل ستة أشهر،
فإزاي مثلا المسلم هيصلي لو راح عاش هناك أو واحد من الناس إللي عايشين هناك أسلم هيصلي إزاي وعندهم ستة أشهر نهار وستة أشهر ليل🤷‍♂️
فالعلماء أخذوا من حديث الدجال ده قاعدة تقدير الوقت للصلاة، يصلي الفجر أول ما

تشرق الشمس،
بعدها يصلي الظهر، بعدها يصلي العصر مع أن الشمس لسه موجودة، ثم يصلي المغرب والعشاء والشمس ما زالت موجودة،
عشان نفهم بس إن الإسلام شريعة متكاملة وكل جزء منها بيكمل التاني مينفعش ناخد جزء ونسيب جزء،
تخيلوا لو كان العلماء قالوا احنا ملناش دعوة بالدجال ده زمنه غير زماننا فملناش دعوة بالأحاديث دي،
كانوا هيطلعوا قاعدة تقدير وقت الصلاة للناس إللي الشمس بتقعد عندهم فترة طويلة إزاي💁‍♂️

المهم، الدجال هيتحرك في الأرض ويدخل كل بلد بسرعة زي ما قلنا، وهيعدي على الناس ويفتنهم فيتبعه من يتبعه ويَثْبُت من يُثبته الله،
السؤال بقى إزاي الواحد يحفظ نفسه من فتنة الدجال🤔

ده إللي هنعرفه الجزء الجاي إن شاء الله 😊

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي😊


#Eman_Shalapy

⭐ المصادر ⭐

https://fatwa.islamweb.net/ar/fatwa/205930/



https://islamqa.info/amp/ar/answers/129164



https://www.islamweb.net/ar/fatwa/74380/



https://audio.islamweb.net/audio/index.php?page=FullContent&audioid=101285

صاحب البيت أدرى بأي بابٍ يَفتح لك، وفي أي غرفةٍ يُجلسك، أيًّا كان الباب الذي تطرقه، ولله المثل الأعلى هكذا أرى مسألة الرزق، أنت تطرق، والله يسكّنك حيثما أرادك، ولو خالف مرادَك. ودائمًا ما يكون اختيار الله لك هو الأجمل على الإطلاق.

يوسف الدموكي.

#قصص_الأنبياء(٢)
#السيرة_النبوية
#الحلقة_مائة_وخمسة_وعشرون
#علامات_الساعة_الكبرى_الجزء_السادس
#المسيح_الدجال_الجزء_الرابع
#النجاة_من_فتنة_الدجال

وقفنا المرة إللي فاتت عند تساؤل مهم، وهو إزاي الإنسان يقدر يحفظ نفسه من فتنة الدجال،
شوفوا،
من عدل ربنا ورحمته إنه مقدّرش علينا البلاء وسابنا من غير ما يقول لنا عن الطريقة إللي ننجي بيها نفسنا من البلاء أو الفتنة بصفة عامة أو من فتنة الدجال بصفة خاصة،
أقول لكم زي إيه 🤔
عارفين لما واحد يدخل مسابقة عشان يكسب جائزة كبيرة، أو يلعب لعبة مثلا مش بيكون فيها أدوات مساعدة؟
وكل ما المستوى يكون أصعب كل ما عوامل المساعدة تزيد وتبقى أقوى😁
ولله المثل الأعلى في السماوات والأرض أهه ربنا لما خلقنا في الدنيا وجعل لنا فيها الابتلاءات عشان يختبرنا أعطانا أدوات مساعدة نقدر نستعين بيها على تخطي الابتلاءات والفتن،
فاللي هيستعمل أدوات المساعدة دي هو إللي هينجو، أما بقى إللي هيعمل فيها بطل ويعتمد على نفسه بس، أكيد هيخسر👌
ففتنة الدجال من اختبارات وابتلاءات الدنيا، بل هي أصعب وأخطر الابتلاءات في الدنيا، زي كده لما الواحد يوصل للسؤال الأخير في المسابقة أو يوصل للمستوى الأخير في اللعبة بيكون أصعب سؤال وأصعب مرحلة إللي وراها الفوز على طول😅
وفتنة الدجال هي أخطر ابتلاءات الدنيا لأن إللي الإيمان بالدجَّال يقود إلى الكفر الصريح، والكفر الصريح يقود إلى الخلود الأبدي في جهنم ربنا يعافينا😓
عشان كده لازم نستعد كويس جدا قبل ما نواجه الفتنة العظيمة دي،
طيب، إيه بقى العوامل المساعدة إللي ربنا أعطاها لنا عشان نحمي نفسنا من الدجال😊

◇أولا: الاستعاذة من فتنة الدجال،
يعني من قبل حتى ظهور الدجال احنا بندعو ربنا وبنلجأ إليه إنه يحفظنا من فتنة الدجال، وبندعي ربنا في كل صلاة بعد التشهد الأخير وقبل التسليم من الصلاة زي ما رسول الله ﷺ علمنا قال:
" اللَّهُمَّ إِنِّي أَعُوذُ بِكَ مِنْ عَذَابِ جَهَنَّمَ ، وَأَعُوذُ بِكَ مِنْ عَذَابِ الْقَبْرِ، 《وَأَعُوذُ بِكَ مِنْ فِتْنَةِ الْمَسِيحِ الدَّجَّالِ》، وَأَعُوذُ بِكَ مِنْ فِتْنَةِ الْمَحْيَا وَالْمَمَاتِ."

◇ثانيا : الابتعاد عن الدجال
يعني إللي يسمع إن الدجال خرج يبعد عنه فورا وميقربش منه، لأن احنا بطبيعتنا البشرية عندنا فضول وبنحب نتفرج، حتى لو على كوارث والله وخصوصا احنا كنساء😅
فلما الناس تسمع بالدجال وإن معاه نهر من ماء ونهر من نار ومع كنوز الأرض ماشية وراه، فطبيعي إن الواحد هيبقى عايز يتفرج🤷‍♂️
فلأن ربنا يعلم طبيعتنا دي قال لنا عن طريق رسول الله ﷺ إن إللي يسمع بالدجال يبعد عنه، لأن ممكن لو شافه يُفتن بيه وهو مفكر نفسه مؤمن ومفيش حاجة هتأثر فيه،
قال رسول الله ﷺ:
" من سَمع بالدجال فليَنأَ عنه -فليبتعد عنه- فوالله إن الرجل ليأتيه وهو يحسب أنه مؤمن، فيتبعه مما يبعث فيه من الشبهات"

☆ومن هنا نقدر ناخد فائدة مهمة جدا👌
وهي إننا منعرضش نفسنا للابتلاءات والفتن ونبعد عنها تماما،
أقول لكم مثال من الواقع، لما واحدة تدخل مجموعة أو جروب عالفيس بوك مثلا وكل إللي فيها صور للنساء بيستعرضوا فيه لبسهم إللي على الموضة والشياكة والألوان و...و... وهي بتقول إنها بتتفرج بس، فضول يعني،
إيه بقى إللي يضمن لها إنها متجيش يوم من الأيام وتعمل زيهم😕
ماهو ده باب فتنة أهه وشبهة للقلوب😬
فاللي يسمع عن فتنة يبعد عنها مش يروح يتفرج، باب الفرجة ده ياما ضيّع ناس مكنوش يتخيلوا في يوم من الأيام إنهم هيضيعوا😞
وزي برده الشاب إللي يروح مع أصحابه يتفرج عليهم وهم بيشربوا، بيشربوا بقى أي حاجة محرمة، المهم إن الفضول وإنه عايز يتفرج دفعه إنه يبقى زيهم، وخدوا أمثلة من دي كتير،
فمحدش يستهون بموضوع الفضول والفرجة لأن ده باب خطير جدا في فتنة الإنسان من غير ما ياخد باله👌

☆سؤال بقى،
إزاي هنبعد عنه وهو هيروح كل بلد في موجودة الأرض🤨
في أماكن يقدر الناس يهربوا فيها بعيد عن الدجال،
والأماكن دي هي:
أولا: الجبال،
قال رسول الله ﷺ :
" لَيَفرَّنَّ الناس من الدّجال في الجبال"
يعني الناس هتهرب من الدجال ويتجهوا للجبال يعيشوا فيها طلباً للسلامة،
ثانيا مكة والمدينة:
الدجال هيدخل كل البلاد ما عدا مكة والمدينة زي ما رسول الله ﷺ قال:
"ليس من بلد إلا سيَطَؤُه الدجال، إلا مكة والمدينة"
ثالثا : المسجد الحرام والمسجد النبوي والمسجد الأقصى ومسجد الطور، ومسجد الطور ده زي ما قال العلماء هو على جبل الطور، المكان إللي كلم فيه موسى عليه السلام ربه الموجود في سيناء،
فالأربع مساجد دول الدجال مش هيقدر يقرب منهم ولا يدخلهم،
قال رسول الله ﷺ:
" لا يقرب أربعة مساجد مسجد الحرام ومسجد المدينة ومسجد الطور ومسجد الأقصى"

♤وهنا هيطلع لنا سؤال😁
رسول الله ﷺ شاف في رؤيا له إن عيسى عليه السلام كان بيطوف حول الكعبة وشاف وراه المسيح الدجال بيطوف هو كمان، ورؤيا الأنبياء حق ووحي، إزاي ده بقى والمسيح الدجال لا يدخل مكة ولا يقرب المسجد الحرام🤨

الجواب على قولي

ن :الأول :
إن الدجال ممنوع من دخول مكة والمدينة لما يخرج في آخر الزمان وتظهر فتنته،
أما قبلها أو في الزمن الماضي فمفيش أي نص شرعي بيدل على منع الدجال من دخول مكة والمدينة، فممكن رسول الله ﷺ لما شاف الدجال يطوف بالبيت الحرام كان قبل ظهور فتنته،
وده كمان بيجاوب على الناس إللي سألت إزاي رسول الله ﷺ شك في ابن صياد إنه الدجال وابن صياد كان عايش في المدينة،
لأن الدجال ممنوع من دخول مكة والمدينة أو المساجد إللي قلنا عليها في وقت فتنته فقط👌

القول الثاني:
إن الرؤيا إللي رآها رسول الله ﷺ كانت رؤيا منام لها تعبير وتفسير، ومش معنى إن رؤيا رسول الله ﷺ وحي وحق إنها لازم تكون على ظاهرها، ممكن تيجي على سبيل ضرب الأمثال،
يعني مثلا رسول الله ﷺ مرة شاف رؤيا إن الناس بتتعرض عليه وهم لابسين قُمُص يعني بلهجتنا جلاليب،
في إللي كان لابس جلابية قصيرة جدا لحد صدره وإللى كان لابس أطول شوية وإللي كان لابس جلابية متوسطة الطول، وشاف عمر بن الخطاب لابس جلابية بيجرها وراه،
فلما حكى للصحابة سألوه إنت أوّلتها أو فسرت الرؤيا دي بإيه يا رسول الله،
قال لهم : الدين!
يعني ناس دينها أو تقواها أو إيمانها بسيط، وناس دينها متوسط لكن عمر دينه كبير جدا لدرجة إنه مغطيه وبيجره وراءه،
مع إن رسول الله ﷺ نهى عن جر الثوب وإن ما أسفل الكعبين فهو في النار، لكن في الرؤيا الوضع مختلف والرؤيا لها تأويل👌
فبعض العلماء عبّروا رؤيا رسول الله ﷺ للدجال وهو يطوف حول الكعبة بإن الطواف معناه الدوران، فطواف أو دوران عيسى عليه السلام حول الكعبة معناه إن له مهمة هيكملها وهي إنه هيطوف في الأرض لنشر الدين وإقامة أموره وإصلاح ما فسد منه،
أما طواف الدجال فمعناه إن هو كمان له مهمة ناوي يكملها وهي الإفساد وفي الأرض وفتنة الناس.

فاللي عايز يهرب من الدجال إما يهرب للجبال أو يسكن مكة والمدينة أو يلجأ للأربعة مساجد إللي قلنا عليهم،
☆طيب ماهو في ناس أكيد مش هتقدر تروح الأماكن دي، تعمل إيه بقى ساعتها🤔
إجابة السؤال ده هتاخدنا للعامل الثالث أو الطريقة الثالثة للوقاية من فتنة الدجال:
◇ثالثا: حفظ أول عشر آيات من سورة الكهف
قال رسول الله ﷺ:
" مَنْ حَفِظَ عَشْرَ آيَاتٍ مِنْ أَوَّلِ سُورَةِ الْكَهْفِ عُصِمَ مِنَ الدَّجَّالِ"
يعني إللي يحفظ أول عشر آيات من سورة الكهف وجاءه الدجال فقرأ عليه العشر آيات دول؛ الدجال مش هيقدر يضره ولا يفتنه ولا يعمل له أي حاجة👌
لكن مش هو إللي يروح يدوّر على الدجال😅
لأ، هو يبعد عنه ويتجنب فتنته، ولو الدجال لحقه وقدر يوصل له يقرأ عليه العشر آيات الأولى من سورة الكهف،
قال رسول الله ﷺ:
"فَمَنْ أَدْرَكَهُ مِنْكُمْ، فَلْيَقْرَأْ عَلَيْهِ فَوَاتِحَ سُورَةِ الْكَهْفِ"

☆طبعا أكيد هييجي في بالنا سؤال: اشمعنى يعني أوائل سورة الكهف ماحنا ممكن نقرأ أي آيات من أي سورة😅

شوفوا،
العلماء قالوا إن سورة الكهف بصفة عامة ذُكر فيها كل الفتن إللي ممكن يتعرض لها أي إنسان في الدنيا،
وهي فتنة المال في قصة صاحب الجنتين وفتنة المُلك أو السلطان في قصة ذو القرنين وفتنة العلم في قصة موسى والخَضر، وأهم الفتن فتنة الدين وده إللي بدأت به السورة وكان أبطالها أصحاب الكهف،
وفتنة الدجال هي في الأصل فتنة في الدين داخل فيها فتنة المال والسلطان والعلم،
وإللي تعرّض لفتنة الدين هم فتية أصحاب الكهف إللي هربوا من الملك الطاغية الجبار ودخلوا الكهف عشان يحفظوا دينهم،
فلما الإنسان يحفظ الآيات دي ويعرف معناها هيقدر ينجو من الطاغية الدجال ويأمن على دينه زي ما نَجّى أصحاب الكهف من طاغيتهم وأمِنُوا على دينهم،
فآيات سورة الكهف زي الدّرع كده إللي بيحمي الإنسان،
طبعا والله أعلم، لأن دي أقوال العلماء واجتهاداتهم😅

☆ملحوظة قصة أصحاب الكهف قلناها في قصص الأنبياء، وإللي مقرأهاش أو حابب يقرأها مرة ثانية هيلاقي الرابط بتاعها في التعليقات😊👇

يبقى كده الدجال هيمشي في الأرض ويفتن الناس، هيتّبعه من يتّبعه ويُثبّت الله من يُثبته لحد ما يوصل للمدينة، هيحاول يدخلها فتمنعه الملائكة من دخولها بالسيوف، في كل نَقَب أو في كل طريق ملائكة يحرسونها،
فهيعسكر خارج المدينة في مكان اسمه الضَّرِيب الأحمر عند منقطة السّبْخة وهي الأرض الرملية المالحة التي لا تُنبت زرعاً،
فساعتها المدينة هترجف ثلاث رجْفَات، يعني أرض المدينة هتهتز ثلاث مرات، بعد الاهتزاز ده هيخرج منها كل كافر ومنافق ويتوجه ليتبع الدجال،
يعني الدجال مش هيقدر يفتن الناس في المدينة ويختبرهم وفيهم ساعتها الكافر والمنافق والملحد وتارك الصلاة والمُسْتهزئ بالدين،
فربنا هيجعل الأرض تهتز عشان الناس دي تخرج وتلحق بالدجال ويتبقى الصالحين في المدينة،
قال رسول الله ﷺ:
" وسلم: «ليس من بلد إلا سيطؤه الدجال، إلا مكة والمدينة، وليس نقَب من أنقابِها إلا عليه الملائكة حافين تحرسها، فينزل بالسّبخة، فترجف المدينة بأهلها ثلاث رجْفات، يخرج إليه منها كل كافر ومنافق"

في وسط الأحداث دي كلها واتّباع أكثر

الناس للدجال هيخرج شاب مؤمن من خير الناس في الزمن ده ويواجه الدجال عشان يبين حقيقته للناس،
الناس دلوقتي مخدوعين فيه وساعتها العلم قليل جدا والجهل منتشر بين الناس، وفي حديث بيقول إن الدجال هيخرج في وقت الناس نسيته أصلا ومبقاش في حد يُذَكّر الناس بفتنته ولا يُذكر اسمه على المنابر:
قال رسول الله ﷺ:
" لا يخرج الدجال حتى يَذْهل الناسُ عن ذكره"
《الحديث الأخير ده👆 فيه علماء قالوا عنه صحيح وعلماء قالوا ضعيف》
لكن الأكيد إن الدجال هيخرج في وقت الجهل منتشر فيه والعلم قليل جدا👌
فالشاب المؤمن ده هيخرج من المدينة ويقول للناس إن الرجل إللي بيدعي إنه إله هو المسيح الدجال إللي رسول الله ﷺ حذر منه، فجنود الدجال وأعوانه هيوقفوه ويمنعوه من إنه يروح للدجال ويسألوه:
انت مش مؤمن بربنا؟!
قال رسول الله ﷺ:
"يخْرُجُ الدَّجَّالُ فَيتَوَجَّه قِبَلَه رَجُلٌ منَ المُؤمِنين فَيَتَلَقَّاهُ المَسالح: مسالحُ الدَّجَّالِ، فَيقُولُونَ لَهُ: إلى أيْنَ تَعمِدُ؟
فيَقُول: أعْمِدُ إلى هذا الَّذي خَرَجَ، فيقولُون له: أو ما تُؤْمِن بِرَبِّنَا؟
فهيرد عليهم الشاب ويقول:
ربنا لا يخفى علينا احنا عارفينه كويس👌
"فَيقُولُ: "مَا بِرَبنَا خَفَاء"
فالجنود هيقولوا : اقْتُلُوه😡
وبعدين هيترددوا في قتله ويقول بعضهم لبعض:
أليس قد نهَاكم ربكم أن تقتلوا أحداً دونه😥
يعني مش الدجال قال لكم محدش يقتل حد غير لما تقولوا له الأول وترجعوا له،
فهياخدوا الشاب المؤمن ويروحوا للدجال، وأول ما الشاب المؤمن يشوفه هيقول للناس :
يا أيها الناس! هذا المسيح الدجال الذي ذكر رسول الله ﷺ !!
فالدجال هيأمر جنوده إنه يأخذوه ويضربوه،
" فيَأمر به الدجال فَيُشبَّحُ -أي: يُمد ليُضرب هذا الشاب- فيقولوا: خذوه وشُجّوه، فيُوسع ظهره وبطنه ضرباً"
فبعد التعذيب ده الدجال هييجي يسأله:
انت مش هتؤمن بي😈
فالشاب هيقول له:
انت المسيح الكذاب😡
فالدجال هيقول لأتباعه لو أنا قتلت لكم الشاب ده وأحييته مرة تانية هتشكوا فيّ😈
فالناس هيقولوا : لأ😤
فيأمر الدجال أتباعه إنه يشقوا الشاب نصين بالمنشار من رأسه لحد رجله😶
ويأمرهم إنه يباعدوا بين النصين ويمشي بين النصين المقطوعين وبعدين يقول للشاب المقطوع ده: قُم!
فيقوم الشاب واقف ويتجه ناحية الدجال وهو يضحك وكأنه لم يُقتل 😮
وطبعا الناس شايفين القدرات الخارقة للدجال ومذهولين😲

☆إحياء الشاب مرة ثانية بأمر الله عشان يختبر الناس، لكن
الدجال لا يملك أي شيء نهائي👌

فالدجال هنا هيسأل الشاب المؤمن مرة ثانية:
هل تؤمن بي😈
فالشاب يرد عليه بكل إيمان وثقة بالله:
ما ازْددت فيك إلا بصيرة👌
يعني أنا اتأكدت أكثر إنك انت الدجال الكذاب،
بعدها على طول الشاب هيقول للناس :
الدجال لن يُسلط على أحد بعدي👌
يعني الدجال مش هيقدر يؤذي أحد بعدي انا آخر واحد الدجال هيُسلط عليه،
فالدجال هيقوم واخده عشان يذبحه فرقبة الشاب هتتحول لنُحاس بقدرة الله عز وجل، والسيف ميقدرش حتى يخدش رقبة الشاب،
فيقوم الدجال ماسك الشاب من إيده ورجله وراميه في النار إللي معاه، ولكن في الحقيقة النار دي جنة زي ما رسول الله ﷺ أخبر،
رسول الله ﷺ قال إن الدجال معاه نهر من نار ونهر من ماء، أو معاه جنة ومعاه نار، لكن الحقيقة غير إللي ظاهرة للناس،
نار الدجال جنة، وجنته نار،
والنهر إللي من نار ده في الحقيقة هو ماء بارد،
عشان كده رسول الله ﷺ قال إللي يقابل الدجال ميدخلش جنته، لكن يتجه ناحية النار بتاعته ويوطي راسه ويغمض عينه ويشرب من نهر النار فهو ماء بارد👌
قال رسول الله ﷺ:
" معه نهرانِ يجريان أحدُهما رأْيَ العينِ ماءٌ أبيضُ،
والآخرُ رأيَ العينِ نارٌ تَأَجَّجُ ، فإمَّا أدْرَكَهُنَّ واحدٌ منكم ، فلْيَأْتِ النهرَ الذي يراه نارًا ، ثُمَّ لْيَغْمِسْ، ثُمَّ لْيُطَأْطِئْ رأسَهُ فيَشْرَبُ ، فإِنَّه ماءٌ بارِدٌ"
فالشاب المؤمن ده الدجال رماه في النار بتاعته على إنها نار ولكن في الحقيقة هي جنة والدجال نفسه ميعرفش المعلومة دي، رسول الله ﷺ هو بس إللي يعرف 🤭
قال رسول الله ﷺ:
"لَأَنَا أعلمُ بما مع الدجالِ منَ الدجالِ"

☆نستفيد من موقف الشاب المؤمن ده أد إيه العلم الشرعي مهم جدا👌
هو إيه الفرق بين الشاب ده وبين الناس إللي اتبعوا الدجال، مش العلم؟!
دلوقتي في زماننا كل شوية تطلع فتنة وراء التانية والناس تحتار يا ترى الحق مع مين، يا ترى الحق فين،
لكن لو الناس عندها علم مش هتبقى في حيرة كده،
ولولا إن الشاب ده كان عنده علم بالدجال وصفته وفتنته كان زمانه اتبعه زي باقي الناس،
ونستفيد كمان من موقف الشاب القيام في وجه الظلمة والإنكار عليهم 《للمُستطيع القادر》،
مش إن واحد جبان يبقى متشجع في البداية للإنكار وبعدين أول ما يقف قصاد الجبار أو الطاغية خاف واتزلزل واعترف بالباطل وبقى كمان من أعوانه😑
فاللي يقدر يقوم في وجه الظالم زي الشاب المؤمن ده كان مفيش مشكلة غير كده يبقى يبعد عن الفتن👌
وبسبب موقف الشاب ده رسول الله ﷺ قال عنه:
"هذا أعظم الناس شهادةً عند ر

ب العالمين"
لأنه شهد إنه الدجال أمام الناس على الرغم من كل إللي تعرض له من أذى وابتلاء فقُتل شهيدا👌
الدجال هيحاول يدخل المدينة أكثر من مرة لكن الملائكة تدفعه، وهيتجه خلف جبل أُحد، وفي رواية إنه هيطلع على جبل أحد ويقول للناس إللي معاه شايفين القصر الأبيض، يقصد مسجد رسول الله ﷺ،
هنا هتدفعه الملائكة وتخليه يتجه ناحية الشام،
قال رسول الله ﷺ:
" يأتي المسيحُ من قِبَل المشرق، وهِمّتُه المدينة، حتى إذا جاء دُبُر أُحد تلقّته الملائكة، فضربت وجهه قِبَل الشام"

اشمعنى الشام وإيه إللي هيحصل للدجال هناك، ده إللي هنعرفه الجزء الجاي إن شاء الله 😁

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي 😊

#Eman_Shalapy

⭐ المصادر ⭐

https://www.google.com/amp/s/islamqa.info/amp/ar/answers/258276



https://www.islamweb.net/ar/fatwa/139631/


https://audio.islamweb.net/audio/index.php?page=FullContent&audioid=101285


https://islamqa.info/amp/ar/answers/129164


https://ar.islamway.net/article/45050/-223-سنة-حفظ-عشر-آيات-من-الكهف



https://binbaz.org.sa/audios/2635/569-من-حديث-يخرج-الدجال-فيتوجه-قبله-رجل-من-المومنين-فيتلقاه-المسالح


https://www.islamweb.net/ar/fatwa/203662/

﴿وَاتَّقوا يَومًا تُرجَعونَ فيهِ إِلَى اللَّهِ ثُمَّ تُوَفّى كُلُّ نَفسٍ ما كَسَبَت وَهُم لا يُظلَمونَ﴾

وهذه الآية من آخر ما نزل من القرآن، وجعلت خاتمة لهذه الأحكام والأوامر والنواهي، لأن فيها الوعد على الخير، والوعيد على فعل الشر، وأن من علم أنه راجع إلى الله فمجازيه على الصغير والكبير والجلي والخفي، وأن الله لا يظلمه مثقال ذرة = أوجب له الرغبة والرهبة، وبدون حلول العلم في ذلك في القلب لا سبيل إلى ذلك.

- تفسير السعدي || القارئ: د. عبدالله الجهني.