السلام عليكم ورحمة اللَّه وبركاته

⭕ بذكّركم إنه باقي يومين على إغلاق التسجيل في أكاديمية زاد ⭕

رابط صفحة الأكاديمية:
https://www.zad-academy.com/


لا تُفوّتوا هَذا الخَير يَا كِرام 🌿 "..

هو فيه حد هنا لسه مقدمش في أكاديمية زاد؟

طيب يلا مستنيين إيه؟

الحقوا سجلوا بسرعة قبل ما التسجيل يقفل لأنه بياخد عدد معين

( دي شوية معلومات عن الأكاديمية للي مش عارفها )

- احنا في الأكاديمية بندرس 7 مواد شرعية، وهي :

- ‏" سيرة نبوية ، حديث ، فقه ، تفسير ، تربية إسلامية ، لغة عربية ، عقيدة "

- الدراسة #مجانية تمامًا

- المحاضرات والكتب والامتحانات كلها أون لاين .. وفيه كتب ورقي بردو للي بيحب الورقي
- ‏
( يعني لو عندك واي فاي تقدر تشوف المحاضرات على قناة زاد على التلفزيون أو على اليوتيوب .. وتذاكر من على موبايلك أو لابك وبعدها تدخل الامتحان )

( ولو باقة يبقى تشوف المحاضرات على التلفزيون وتذاكر الكتاب على موبايلك وتمتحن من الباقة عادي )

( لو مفيش وقت عندك لمشاهدة المحاضرات خالص .. عادي بردو ممكن تكتفي بمذاكرة الكتاب ، وعامة الامتحان مش بيخرج منه .. بس المحاضرات ممتعة ومفيدة جدًا )

- كتب الأكاديمية مختصرة وملونة وجميلة فعلًا .. يعني مش بيطلع عينينا واحنا بنذاكر زي أيام الجامعة

- بيكون فيه امتحان أسبوعي #سؤالين صح وغلط أو اختياري ، وامتحان شهري 8 أسئلة ، قبل الامتحان النهائي .. وده بيخلينا نذاكر أول بأول
-
- مدة الدراسة في الأكاديمية #سنتين .. 4 مستويات .. يعني مستويين كل سنة.. كل مستوى 3 شهور وبعده إجازة.

- محاضرات الأكاديمية 5 أيام في الأسبوع .. 3 محاضرات كل يوم .. المحاضرة حوالي 35 دقيقة

- الأكاديمية نساء ورجال عادي

- الأكاديمية مش محتاجة تفرغ، يعني لو بتدرس أو عندك شغل أو مسئوليات ممكن بردو تقدم وتنجح فيها زي ناس كتير قبلك جربوا ونجحوا الحمد لله

أي حد خايف أو حاسس إن معندوش وقت ومش هيعرف يكمل ..

بنصحه بجد إنه يجرب .. الموضوع جميل فعلًا .. ولو معرفتش تكمل مش هتكون خسرت حاجة ، بالعكس على الأقل هتكون جربت حاجة جديدة في حياتك، وبقى معاك الكتب تقرأها في أي وقت

أما بقى لو ربنا وفقك لدراسة العلم ده .. فده باب خير كبير ليك ..

بلاش تكسلوا .. علشان أنا شخصيًا كنت خايفة من خطوة زي دي خصوصًا في وجود ابني .. بس الحمد لله الموضوع طلع أيسر مما توقعت وحاليًا خلاص اتخرجت الحمد لله 💜

وأي سؤال تاني اتفضلوا

#رقية_طه

#قصص_الأنبياء(٢)
#السيرة_النبوية
#الحلقة_مائة_وستة_عشر
#علامات_الساعة_الصغرى
#الجزء_الثالث

اتكلمنا في الجزئين إللي فاتوا عن خمسة عشر علامة من علامات الساعة الصغرى، هنتكلم عن ست علامات وراء بعض في حديث لرسول الله ﷺ وكلهم فعلا حصلوا ، قال رسول الله ﷺ:
" أخاف عليكم ستًّا:
إِمارة السفهاء، وسفك الدم، وبيع الحكم، وقطيعة الرحم، ونَشْواً يتخذون القرآن مزامير، وكثرة الشُّرَط"
هناخدهم واحدة واحدة، فالعلامة السادسة عشر هي:
16◇إمارة السفهاء:
قال رسول الله ﷺ لصحابي اسمه كعب بن عُجرَة:
أعاذك الله من إمارة السفهاء، قال كعب: وما إمارة السفهاء؟
قال رسول الله ﷺ:
أمراء يكونون من بعدي، لا يهتدون بهُدَاي، ولا يستَنُّون بسنتي، فمن صدّقهم بكذبهم وأعانهم على ظلمهم فأولئك ليسوا مني ولستُ منهم،
ولا يَرِدُون عليَّ حوضي، ومن لم يُصدقهم بكذبهم ولم يعنهم على ظلمهم فأولئك مني وأنا منهم وسَيِردون عليَّ حوضي"

والسفيه هو ناقص العقل الجاهل علما وعملا، فلما يكون واحد بالمواصفات دي ويتولى الإمارة هيقع في الكذب والخداع والظلم، ورسول الله ﷺ وصفهم بإنهم لا يتبعون سنته ومش بيعملوا زي ما كان بيعمل،
ونظرة واحدة على الواقع بتاعنا وانتم هتشوفوا أمثلة على الأمراء السفهاء إللي حاكمين المسلمين🙂
وطبعا لما يكون الحاكم سفيه ويبقى هو الآمر الناهي هيقود الناس لكل شر ويفتح عليهم أبواب الفتن،
يفتح عليهم أبواب الزنا وشرب الخمر والسرقة والاختلاط بين الرجال والنساء في كل مكان، وطبعا مش محتاجة أجيب لكم أمثلة انتم شايفين بعنيكم إللي بيحصل😓
فالأمراء السفهاء إللي حاكمين المسلمين دلوقتي وجودهم علامة من علامات الساعة الصغرى،
فرسول الله ﷺ بيحذر كعب وبيحذرنا سواء العلماء أو عوام الناس من إنهم يساعدهوهم ويصدقوهم ويعينوهم على ظلمهم وكذبهم وإلا فإن رسول الله ﷺ هيتبرأ من إللي هيعينهم ويتبعهم ومش بس مش هيشرب من حوض رسول الله ﷺ لأ ده حتى مش هيقرب من الحوض 👌

وطبعا لما الأمراء السفهاء يتولون أمور المسلمين النتيجة هتكون سفك الدماء وكثرة القتل، ودي العلامة السابعة عشر:
17◇سفك الدماء وكثرة القتل،
ورسول الله ﷺ بيقول في حديث تاني :
والذي نفسي بيده ليأتينَّ على الناس زمان لا يدري القاتل في أي شيء قَتل ولا يدري المقتول على أي شيء قُتل"
فبسبب كثرة القتل والتساهل فيه القاتل مش عارف هو قتل ليه ولا المقتول ليه قُتل،
كم مرة سمعنا إن فلان قتل ابن فلان عشان ينتقم منه،
أو الناس إللي كل يوم بتُقتل ظلما وعدوانا سواء في السجون أو في قصف أو في الشوارع أو...أو...
القتل دلوقتي بقى لأتفه الأسباب،
وهو ده كثرة الهَرْج إللي رسول الله ﷺ قال عليه في الحديث :
"يتقارب الزمان، وينقص العمل وفي رواية العلم، ويُلقى الشّح، وتظهر الفتن، ويكثر الهرج، قالوا: يا رسول الله أيُّما هو؟
قال: القتل القتل"
وهنا نتعلم فائدة مهمة، وهي نهتم بأمر العبادة في زمن الفتن والقتل،
قال رسول الله ﷺ : "العبادة في الهرج كهجرة إليّ"
يعني إللي يعبد ربنا في زمن الفتن والقتل والغفلة يأخذ أجر وثواب الهجرة إلى رسول الله ﷺ، والهجرة أعلى الطاعات منزلة عند الله عز وجل👌
والعبادة هي اسم جامع لكل ما يحبه الله من الأفعال الظاهرة والباطنة، الأفعال الظاهرة زي :
الصلاة والصياة والزكاة والحج والذكر وبر الوالدين والإحسان للجار وصلة الأرحام والوفاء بالعهود والأمر بالمعروف والنهي عن المنكر، ولبس الحجاب الشرعي الصحيح،
والأفعال الباطنة زي:
حب الله ورسوله وخشية الله والإنابة إليه وإخلاص الدين له والصبر لحكمه والشكر لنعمه والرضى بقضائه والتوكل عليه والرجاء لرحمته والخوف من عذابه،

◇بالنسبة لتقارب الزمان والشُّح هنتكلم عنهم إن شاء الله كمان شوية.

☆سؤال بقى : ليه العبادة في وقت الغفلة والفتن وكثرة القتل تعادل ثواب الهجرة إلى رسول الله ﷺ 🤔
◇أولا:
لأن الناس في الوقت ده بينشغلوا عن العبادة ويغفلوا عنها، ومحدش بيتفرغ لها غير الأفراد.
◇ثانيا :
الناس في زمن الفتن يتَّبعون أهواءهم، ولا يرجعون إلى دين؛ فحالهم بيبقى شبيه بحال الناس في الجاهلية،
فإذا انفرد واحد من بين الناس وتمسك بدينه وعبد ربه واتبع ما يرضيه وتجنب ما يغضبه كان بمنزلة مَن هاجر من بين أهل الجاهلية إلى رسول الله ﷺ مؤمنًا به، متبعًا لأوامره، مجتنبًا لنواهيه👌
◇ثالثا:
الفتن لما تنتشر بتنشغل بها القلوب، فإذا تعبّد ساعتها إنسان فده بيدل على إن قلبه منشغل بالله أكثر، وإن مكانة ربنا في قلبه أعظم، فساعتها أجره يكون أكبر.
فمحدش يستهين بأي عبادة يعملها في زماننا دلوقتي، افتكروا دايما الحديث:
" ّالعبادة في الهرج كهجرة إلي"

18◇العلامة الثامنة عشر زي ما جاءت في الحديث:
بيعُ الحكم، يعني إن الناس تتولى المناصب عن طريق الرشوة، والموضوع ده منتشر جدا في الفترة الأخيرة لحد ما بقى طبيعي عند الناس للأسف😞

19◇العلامة التاسعة عشر :
قطيعة الرحم وده عن طريق الأذى أو ترك الإحسان أو الهجر والإبعاد، والأمثلة في حياتنا كتير لو

بصينا حوالينا هنشوفها،
أنا مش عايزة أطول كثير في الشرح لأن علامات الساعة الصغرى كثير، زأنا لو استفضت وجبت أمثلة مش هنخلص😅

20◇العلامة العشرين: نَشْواً أو نشئاً يتخذون القرآن مزامير
يعني ناس بدل ما يقرأوا القرآن للتدبر بقوا يتغنوا بيه بالألحان زي المزمار،
وده منتشر جدا دلوقتي والقراء بيتعلموا المقامات عشان يقرأوا بيها القرآن،
أيوة مطلوب مننا تحسين الصوت لكن مش معنى تحسين الصوت القراءة بالألحان،
فالمذموم هنا إللي بيتغنى وبيخرج الحرف عن وضعه ويزيد وينقص عشان يتوافق مع اللحن،
وممكن الناس ساعتها تقدم الشخص إللي بيتغنى ده حتى وإن كان أقلهم فقها، لأن غرضهم الوحيد إنهم يستمتعوا بالألحان دي👌
فلازم نفرق بين تحسين القراءة وتجميل الصوت والخشوع والحزن وبين إن الإنسان يشابه في قراءته أهل الفسق والأغاني💁‍♂️

21◇العلامة الحادية والعشرين : كثرة الشُّرَط
ودول أعوان الوُلاة، لما الحاكم يبقى سفيه وبيكذب ويظلم ويقتل طبيعي إنه يكون له شرطة تساعده على ظلمه،
والشرط دول قال عنهم رسول الله ﷺ:
" يخرج رجالٌ من هذه الأمة في آخر الزمان معهم سِياط، كأنها أذناب البقر، يغدون في سخط الله، ويروحون في غضبه"
وكلمة شُرط يعني علامة، فاسمهم شُرط لأنهم ميزوا نفسهم بعلامات يتعرفوا بها بين الناس،
فربنا توعد الناس إللي بيتسلطوا على المسلمين دول بغير حق بالنار،
قال رسول الله ﷺ:
"صِنْفَانِ مِنْ أَهْلِ النَّارِ لَمْ أَرَهُمَا :
قَوْمٌ مَعَهُمْ سِيَاطٌ كَأَذْنَابِ الْبَقَرِ يَضْرِبُونَ بِهَا النَّاسَ ، وَنِسَاءٌ كَاسِيَاتٌ عَارِيَاتٌ ، مُمِيلاَتٌ مَائِلاَتٌ ، رُءُوسُهُنَّ كَأَسْنِمَةِ الْبُخْتِ الْمَائِلَةِ ،
لاَ يَدْخُلْنَ الْجَنَّةَ وَلاَ يَجِدْنَ رِيحَهَا ، وَإِنَّ رِيحَهَا لَيُوجَدُ مِنْ مَسِيرَةِ كَذَا وَكَذَا "

وده هياخدنا للعلامة الثانية والعشرين وهي:
22◇ظهور النساء الكاسيات العاريات👌
ومعنى الكاسيات العاريات إن النساء دول لابسين ملابس لكنها ضيقة ومفصلة لأجسادهن فكأنها عارية أو لابسين ملابس خفيفة رقيقة مبينة لأجسامهن والجديد في عصرنا بقى وشايفينه إن النساء بتلبس المقطع ومبينة جسمها🙂
والله أعلم بعدين هيبقى الوضع بعد كم سنة هيبقى عامل إزاي😓
وبما إن النساء بقوا كاسيات عاريات وبيمشوا في الشوارع بالمنظر ده والرجال بيشوفوهم واحنا اتكلمنا قبل كده عن تأثير النساء على الرجال، فالنتيجة الطبيعية لكده انتشار الزنا، ودي العلامة الثالثة والعشرون،
23◇انتشار الزنا من العلامات إللي ظهرت بطريقة مرعبة في الفترة الأخيرة، وبقى في مجاهرة بالعلاقات المحرمة إللي المفروض إنها حصلت في السر حتى على مواقع التواصل الاجتماعي والموضوع للأسف بقى عادي جدا عند الناس إلا من رحم الله،
عارفين، الزنا هينتشر وسط الناس لحد ما يوصلوا إنهم يستحلوه،
قال رسول الله ﷺ:
"ليكونن من أمتي أقوام يستحلُّون الحِرَ والحرير والخمر والمعازف"
والحِرَ يعني الزنا،
ولو أخدتم بالكم في زماننا دلوقتي الشاب له صاحبة والبنت لها صاحب إلا من رحم الله، وبيتفاخروا ويعلنوا ده وسط الناس وتخرج مع صاحبها عادي ويعملوا قصاد الناس ما يفعل الرجل مع زوجته في خلوتهم،
مع إن زمان كنا نادرا لما نشوف بنت ماشية مع شاب، وبتبقى مكسوفة وحاسة إنها بتعمل حاجة غلط، لكن دلوقتي الآية اتعكست وبقى الطبيعي إن البنات يكون لهن أصحاب شباب،
تخيلوا بقى إن هييجي يوم الرجل هيزني بالمرأة في الشارع كده علنا عادي ومحدش هيكلمه،
وهيكون أحسن واحد ساعتها هو إللي هيقول له :
لو إنك تزني بيها وراء الجدار أحسن!
متخيلين إنه مش بينكر الزنا، ده بيقول له ازني بس روح وراء الجدار مش في وسط الشارع،
وده كلام رسول الله ﷺ، قال:
" والذي نفسي بيده لا تفنى هذه الأمة حتى يقوم الرجل إلى المرأة فيفترشها في الطريق فيكون خيارهم يومئذ من يقول لو وَاريتها وراء هذا الحائط"
أنا شخصيا لما كنت بسمع الحديث ده زمان كنت بستغرب إزاي ممكن الحال يوصل للدرجة دي، لحد ما شفت الحال إللي وصلنا له وكل ده كان بالتدريج،
قلت لكم قبل كده في قصص الأنبياء لو تفتكروا إن الشيطان مش بيزهق، هو بيحط البذرة ويفضل يرعاها ومعندوش مشكلة إنه يحصد الزرع بتاعه في الجيل إللي بعده👌
ربنا يعافينا وما يجعلنا نحن ولا ذرياتنا بذرة أو حصاد😞

24◇العلامة الرابعة والعشرون : انتشار المعازف والقِينات،
الموسيقى حرام لا يجوز الاستماع لها، لكن من علامات الساعة انتشار الموسيقى وآلاتها، والقينات يعني المغنيات واحنا شايفين إنتشار المغنيات مش بس في التليفزيون ده على اليوتيوب ومواقع التواصل الاجتماعي،
والناس مش بس هتسمع الموسيقى لأ ده هيستحلوها أو خلونا نقول إنهم استحلوها بالفعل،
في زماننا دلوقتي ناس كتير للأسف بتستحل الموسيقى، وبيسموها غذاء الروح، ولو حاولنا ننكر ونبين الصح يقولوا إننا بنحرم الحلال، ومش عارفين إنهم هم إللي بيستحلوا الحرام👌
المعازف انتشرت بطريقة رهيبة، في الأفراح والمناسبات وفي كل مكان، مفيش مكان نمشي فيه إلا وبنسمع

فيه الأغاني والموسيقى للأسف حتى الأجهزة،
حواسيب، ساعات، سنترالات، مصاعد، ألعاب أطفال، أجراس البيوت، أدوات تعليمية، وفي الفنادق، والمطاعم، والطائرات، وصالات الانتظار، والحافلات،
ولو حاولنا ننكر بنبقى خايفين من العواقب والمشاكل إللي ممكن تحصل لو أنكرنا،
لكن للأسف الناس إللي بتسمع الأغاني ومتعمدة تسمعها وبتنشرها وبتساعد على نشرها مش عارفة حديث رسول الله ﷺ قال:
" في هذه الأمة خسف، ومسخ، وقذف ،
قال رجل من المسلمين: يا رسول الله، ومتى ذلك؟ قال:
"إذا ظهرت القينات والمعازف، وشُربت الخمور"
خسفٌ بالأرض يعني ربنا يأمر الأرض فتنشق وتبتلع الناس دي، ومسْخ من الهيئة البشرية إلى شكل القرد والخنزير، وقذف بشيء من السماء كالحجارة.

25◇العلامة الخامسة والعشرون: تقارُب الزمان،
يعني ﻳﺘﺴﺎﺭﻉ ﺍﻟﺰﻣﺎﻥ ﺑﺴﺒﺐ ﻏﻔﻠﺔ ﺍﻟﻨﺎﺱ، فتصبح ﺍﻟﺴﻨﺔ ﻛﺄﻧﻬﺎ ﺷﻬﺮ، وﺍﻟﺸﻬﺮ ﻛﺄﻧﻪ ﺃﺳﺒﻮﻉ، والأﺳﺒﻮﻉ ﻛﺄﻧﻪ ﻳﻮﻡ، وﺍﻟﻴﻮﻡ ﻛﺄﻧﻪ ﺳﺎﻋﺔ والناس بتنشغل ﻓﻲ ﺍﻟﻮﻗﺖ ده باﻟﻠﺬﺍﺕ ﻭﺍﻟﺸﻬﻮﺍﺕ ﻭﺍﻟﻤﺘﻊ، فتذﻫﺐ ﺍﻟﻠﻴﺎﻟﻲ ﻭالأﻳﺎﻡ ﺑﺴﺮﻋﺔ.

26◇العلامة السادسة والعشرين: نقصان ﺍﻟﻌﻤﻞ،
يعني قلة العمل بدين الله وقلة الاستقامة عليه والتقصير فيما أوجب الله من علامات الساعة الصغرى، وده ﻓﻲ ﻋﻤﻮﻡ ﺍﻟﻨﺎﺱ، يعني هيبقى المنتشر وسط الناس التفريط في الاستقامة على دين الله،
وطبعا ده يوضح حال المسلمين دلوقتي في بعدهم عن الدين 👌

27◇العلامة السابعة والعشرون: الشّح، في الحديث :ﻭﻳُﻠﻘﻰ ﺍﻟﺸﺢ
وﺍﻟﺸﺢ ﻫﻮ ﺷﺪﺓ ﺍﻟﺒﺨﻞ، النفوس البشرية طبيعتها البخل، لأن الإنسان بيحب يحتفظ بحاجته وميتنازلش عنها،
والشح بيدفع الإنسان للقتل وقطيعة الرحم ويمنعه عن تأدية الحقوق الواجبة عليه،
لكن بالاستعانة بالله والمجاهدة يقدر إلانسان يتخلص من الشح،
"وَمَنْ يُوقَ شُحَّ نَفْسِهِ فَأُولَئِكَ هُمُ الْمُفْلِحُونَ"

28◇العلامة الثامنة والعشرون: انتشار الربا،
قال رسول الله ﷺ: " بين يدي الساعة يظهر الربا"
والربا منتشر جدا في زماننا، منتشر على الشاشات، والبطاقات، والحسابات، وفي الأعمال، والوظائف، والصفقات، ينتشر كأنه غبار يطير،
وده يعلمنا إننا قبل ما ندخل في بيع أو شراء أو أي معاملات تجارية يكون عندنا فقه في المعاملات دي،
وعمر بن الخطاب قال :
"لا يَبِع في سوقنا إلا من قد تفقّه في الدين"
لأن إللي مش هيعمل كده هيقع في الربا بمزاجه أو غصب عنه، لكن للأسف الناس بتكسل ومعندهاش استعداد تتعلم ومش عايزة تتعلم،
قال رسول الله ﷺ:
"ليأتين على الناس زمان لا يُبالي المرء بما أخذ المال أمن حلال أم من حرام"
ودلوقتي بقى منتشر على النت تجارات كثيرة عن طريق شركات ومعظمها ربا صريح ومع ذلك تلاقي النساء بتشتغل فيها من غير ما تعرف الحكم الشرعي بتاعها مع العلماء قالوا إن التعاملات مع الشركات دي حرام وإن ده ربا،
لكن لا حياة لمن تنادي😞
ربنا يرزقنا من الحلال ولا يطعمنا إلا الحلال الطيب🤲

29◇العلامة التاسعة والعشرين: زخرفة المساجد،
"لا تقوم الساعة حتى يتباهى الناس في المساجد"
وعن أبي الدرداء قال :
" إذا زوّقتم مساجدكم، وحلّيتم مصاحفكم، فالدمار ‏عليكم"
وإللي يشوف المساجد دلوقتي هيلاقي فعلا الآية دي تحققت والناس بقى همها زخرفة المساجد أكثر من الصلاة نفسها.

30◇العلامة الثلاثون : فتح القسطنطينية، إللي هي تركيا حاليا،
سُئل رسول الله ﷺ:
"أي المدينتين تُفتح أولاً قسطنطينية أو رومية، فقال رسول الله ﷺ: مدينة هِرَقل تُفتح أولاً"
وتم فتح القسطنطينية على يد محمد الفاتح سنة ثمانمائة وسبعة وخمسون من الهجرة،
طبعا فتح القسطنيطنية ده له قصة رائعة أتمنى أحكيها لكم في يوم من الأيام إن شاء الله 😊

☆ملحوظة، مدينة القسطنيطنية أو تركيا هتُفتح مرة ثانية في آخر الزمان وهنتكلم عنها لما نيجي لوقتها🤫

كل العلامات الثلاثين إللي قلناهم لحد دلوقتي حصلت فعلا، واحنا لما نشوف علامات الساعة إللي تحققت ده يخلي إيماننا بالله وبرسوله يزيد ولو في قلوبنا أي شك لا سمح الله يزول لأننا شايفين العلامات بتحقق👌
" ،هَذَا مَا وَعَدَنَا اللَّهُ وَرَسُولُهُ وَصَدَقَ اللَّهُ وَرَسُولُهُ وَمَا زَادَهُمْ إِلَّا إِيمَانًا وَتَسْلِيمًا"

إن شاء الله نكمل المرة الجاية علامات الساعة الصغرى 😊

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي😊


#Eman_Shalapy

الحمد لله وحده.

لا يحل لامرأة تخشى من إثقال صحيفة سيئاتها، أن تتزين، ثم تصور وجهها، ثم تضع الصورة على صفحة لها على مواقع التواصل.
بل لا يجوز لها أن تتصور لتبدو جميلة وضيئة في نظر الناظر، ولو لم تتزين، وتضع صورتها الفاتنة هذه.
وكثير منهن تبتسم أيضا، في وجه الناظر من الرجال، وهذا إثم آخر.

ومن أعظم الفساد المقنع: أن الشيطان قد أغوى بعض النساء، فصارت تعمد إلى تصوير نفسها بحجاب ملون، ولبس واسع، مبهج، وهي واقفة مائلة، متجملة، متبهرجة، متزينة، تدّعي أنها تدعو النساء لحجاب لا ينافي الجمال والأنوثة.
وتحترف هذه الصور.
وهذا والله فساد عريض، وليس هو الحجاب الذي أمر به الله ورسوله صلى الله عليه وسلم، الذي يحفظ القلوب من الميل للمرأة، ويساعد على غض البصر، وتسكين الشهوة.
بل هو على الضد من ذلك، ويزيد في فساده وإثمه: نسبته للشرع، وادعاء أنه من محاب الله.
اتقين الله، يا إماء الله.

أذكار المساء💙

صلى الله عليه وسلم 💓

http://t.me/ala_kalbek

سُنَن يوم الجُمعَة.💙

اللهُمّ صلّ وسلّم علىٰ سيّدنا مُحمّد.

على منهاج النُّبُوَّة ١٠٦
ولا تحقِرنَّ من المعروف شيئاً!

جاء سليم بن جابر الهجيمي إلى النبيِّ صلَّى الله عليه وسلَّم وقال له: يا رسول الله أوصِني
فقال له: عليكَ باتقاء الله، ولا تحقِرَنَّ من المعروف شيئاً ولو أن تُفْرِغَ من دلوِكَ في إناءِ المُستقي، وتُكلِّمَ أخاكَ ووجهكَ منبسطٌ إليه، وإياك وإسبال الإزار، فإنها من المُخيلة ولا يُحبها الله.
وإن امرؤ عيَّركَ بشيءٍ يعلمه فيكَ فلا تُعيِّره بشيء تعلمه فيه، دعه يكون وباله عليه، وأجره لكَ. ولا تسُبَّنَّ شيئاً!
يقولُ جابر فما سببتُ بعده دابةً ولا إنساناً!

لا تحقِرَنَّ من المعروف شيئاً، فإنكَ لا تدري أي حسنةٍ تُدخلكَ الجنَّة!

أن تُوقف سيارتكَ لتعبرَ قطة الطريق معروف، وأن تجرَّ قعيداً على كرسيه معروف، وأن تُعطيَ عاملاً قارورة ماءٍ معروف، وأن تحمل عن رجلٍ مسنٍ كيساً يُتعبه معروف، وأن تصلح بين زوجين معروف، وأن تتغاضى عن زوجتك معروف، وأن تصفح عن أولادك معروف، وأن تُهدي إلى جارك شيئاً معروف، وأن تُعين مريضاً في علاجه معروف، المعروف لا نهاية له، والطُّرُق إلى الخالق بعدد أنفاس الخلائق، فيا تعسَ من كثرتْ أمامه الطرق فلم يمشِ!
ولا تجعل الناس معياراً لأخلاقك إن أحسنوا أحسنتَ وإن أساؤوا أسأتَ، فلو قابلنا الإساءة بالإساءة فمتى تنتهي الإساءة؟!
ثمة خُلقٌ نبيلٌ اسمه الترفُّع، أن لا تسمح لأحدٍ أن يُنزلكَ إلى مستوى أخلاقه، ليسَ عليكَ أن تخوضَ في كل جدالٍ تُدعى إليه، ولا أن تُشارك في كل معركةٍ تُفتح أمامك، أغلبُ معارك الحياة اليومية تافهة، ليس فيها لذة النصر وإن انتصرتَ، وفيها مرارة الهزيمة إن هُزِمتَ، عندما نتخلَّى عن أخلاقنا لنقابل الذي تخلَّى عن أخلاقه فبم نختلف نحن عنه غير أنه هو الذي كان البادئ؟!
العاقل لا يرى لنفسه ثمناً إلا الجنة، وكل قضية ليستْ طريقاً إلى الجَنَّةِ دعها، وأنتَ المُنتصر مهما كانت النتائج، وما زاد الله عبداً بعفوٍ إلا عزاً!

والأيامُ تدورُ وصاحبُ الحقِّ مُنتصرٌ نهاية المطاف، وصاحبُ الباطلِ مغلوبٌ، هذه هي سُنة الله تعالى في الناس، الأيدي التي باعتْ يوسف عليه السَّلام بدراهم معدودة هي التي امتدَّتْ إليه تطلبُ الصدقة منه! والذين رموا النبيَّ صلَّى الله عليه وسلَّم بالجنون والكذب وقفوا نهاية المطاف يسترحمونه قائلين: أخ كريم، وابن أخٍ كريم!

أدهم شرقاوي
#على_منهاج_النبوة

اللهم صلِّ وسلم وبارك على سيدنا محمد وعلى آله وصحبه أجمعين 🌿

لا تنسوا اخواتنا في غزة من صالح دعائكم في ساعة الإجابة 💔

#قصص_الأنبياء(٢)
#السيرة_النبوية
#الحلقة_مائة_وسبعة_عشر
#علامات_الساعة_الصغرى
#الجزء_الرابع

نكمل باقي علامات الساعة الصغرى،
31◇ العلامات الواحدة والثلاثون : قتال التُّرك،
قال رسول الله ﷺ:
"لا تقوم الساعة حتى تقاتلوا الترك، صِغار الأعْيُن، حُمْر الوجوه ذُلْفُ الأنوف كأن وجوههم المَجَان المُطَرّقة، ولا تقوم الساعة حتى تقاتلوا قوما نِعالهم الشعر"
والتّرك غير الأتراك إللي في زمننا دلوقتي، وشكلهم زي ما رسول الله ﷺ وصف، عينيهم ضيقة ووجوههم حمراء وأنوفهم صغيرة وغليظة،
ووجوههم مبطّطة وعريضة زي الترس إللي طُرق عليه بالحديد، والأوصاف دي تنطبق على التتار أو المغول،
وكانوا بيلبسوا في أقدامهم أحذية من الشعر، والتتار أو الترك قاتلهم المسلمون فعلا في معركة عين جالوت وانتصروا عليهم سنة ستمائة وثمانية وخمسون للهجرة،
وبعد ما تركوا بلاد المسلمين، لم يطاردهم المسلمون بعدها لأن رسول الله ﷺ قال :
" دَعُوا الْحَبَشَةَ مَا وَدَعُوكُمْ وَاتْرُكُوا التُّرْكَ مَا تَرَكُوكُمْ"
يعني ما دام الناس دي سايبينكم في حالكم ولم يعتدوا عليكم متروحوش أرضهم وتبدأوهم انتم بالقتال أو تستفزوهم للقتال،
لأن الحبشة أو أثيوبيا في زماننا دلوقتي أرضها وَعِرة وهيبقى صعب على المسلمين القتال فيها،
والترك بلادهم باردة وجند المسلمين كانوا من البلاد الحارة فهيبقى في مشقة جامدة عليهم لو حاربوهم،
ده غير إن الترك بأسهم شديد وقوتهم كبيرة وحقدهم شديد على المسلمين فعدم استفزازهم والبعد عنهم أَوْلى،
لكن لو الحبشة أوالترك اعتدوا على بلاد الإسلام فيجب على المسلمين القتال والدفاع عن أنفسهم👌
العلماء اختلفوا بقى، هل العلامة دي خلاص كده انتهت بقتال المسلمين للتتار ولاّ العلامة دي ممتدة وهيكون في قتال تاني قرب الساعة،
في فريق من العلماء قالوا إن خلاص العلامة دي انتهت وفريق تاني قال إن قريب من الساعة هيحصل قتال بين المسلمين وبين الترك مرة ثانية،
لأن رسول الله ﷺ قال في حديث تاني:
" تقاتلون بين يدي السَّاعَة قوماً نعالهم الشعر، كأن وجوههم المجان المطرقة، حُمْر الوجوه، صغار الأعين"
فاستدلوا من الحديث ده إن في معركة تانية هتحصل بين المسلمين والترك قريب الساعة والله أعلم.

32◇العلامة الثانية والثلاثون: توقف الجزية والخِرَاج
الجزية هي المال إللي بيدفعه الكفار للمسلمين لأنهم لم يدخلوا في الإسلام في مقابل الدفاع عنهم،
والخِرَاج يعني الإيجار إللي بيدفعه إللي بيستفيد من الأراضي الإسلامية بصفة عامة،
والجزية والخراج كانوا من أهم مصادر المال لبيت مال المسلمين،
فرسول الله ﷺ قال إن بعد ما المسلمين هيقعدوا زمن يحصّلوا الجزية والخراج هييجي يوم وهيتوقف المال ده بسبب استيلاء الكفار على ديار المسلمين في زمن معين،
إللي هو زماننا واحنا شايفين في عصرنا إزاي احتل الكُفَّار ديار الإسلام، وأذهبوا دولة الخلافة الإسلامية، وأبعدوا الشريعة الإسلامية عن الحكم،
ومش بس مبقوش يدفعوا الجزية ده كمان بقوا يأخذوا هم الأموال من المسلمين😞

33◇العلامة الثالثة والثلاثون : السلام على الخاصة،
يعني الواحد ميسلمش غير على إللي يعرفه فقط،
قال رسول الله ﷺ:
"إنَّ بَيْنَ يَدَيْ السَّاعَةِ: تَسْلِيمَ الْخَاصَّةِ، وَفُشُوَّ التِّجَارَةِ، حَتَّى تُعِينَ الْمَرْأَةُ زَوْجَهَا عَلَى التِّجَارَةِ، وَقَطْعَ الْأَرْحَامِ، وَشَهَادَةَ الزُّورِ، وَكِتْمَانَ شَهَادَةِ الْحَقِّ، وَظُهُورَ الْقَلَمِ"
مع إن رسول الله ﷺ قال :
"تقرأ السلام على من عرفت ومن لم تعرف"
والصفة دي من خير صفات الإسلام إللي وصى بها رسول الله ﷺ، وده حاصل في زماننا دلوقتي إلا نادرا، المسلمين يمشوا جنب بعض ومحدش يسلم على التاني،
لكن الصح إن المسلم إذا قابل حد يسلم عليه سواء كان يعرفه أو ميعرفوش👌

34◇العلامة الرابعة والثلاثون زي ما رسول الله ﷺ قال في الحديث : فُشُوّ التجارة حتى تعين المرأة زوجها على التجارة،
يعني انتشار التجارة بين الناس لدرجة إن المرأة هتساعد زوجها في تجارته،
في نساء مثلا تدخل مع زوجها بنسبة أو بمشاركة أو تدير له جزءاً من العمل، أو يفتح باسمها سجلاً تجارياً؛ لأنه موظف لا يستطيع فتح سجلاً قانونياً وهكذا،
احنا ممكن نكون شايفين الموضوع عادي لأنه منتشر جدا بقاله فترة، لكن انتشار التجارة وإعانة المرأة لزوجها على التجارة من علامات الساعة الصغرى،
والتجارة مش حاجة وحشة ولا إن المرأة تساعد زوجها ده حاجة وحشة،
المذموم هنا إن تكون التجارة هي الشغل الشاغل للرجل والمرأة وميهمهش التجارة دي حلال ولاّ حرام،
واحنا اتكلمنا المرة إللي فاتت عن الزمن إللي هييجي والناس مش هتبالي هل المال إللي بيحصلوا عليه حلال ولاّ حرام،
وده واضح جدا في زماننا دلوقتي،
التجارة منتشرة في كل مكان حتى على الإنترنت والنساء نفسها إما بتشتغل في التجارة أو بتساعد زوجها في تجارته👌

☆احنا اتكلمنا عن علامة قطع الأرحام المرة إللي فاتت،
فهناخد العلامة إللي بعد كده.

35◇العلامة الخامسة والثلاثون: شهادة ال

زور وكتمان شهادة الحق،
وبرده العلامة دي منتشرة جدا دلوقتي، ومش لازم على فكرة شهادة الزور تكون في المحكمة وبس مع إن شهادة الزور في المحاكم منتشرة بطريقة رهيبة وبصور مختلفة، وللأسف الناس شايفين الموضوع عادي،
طبعا مش بتكلم من فراغ وإللي شغالين في المحاكم يعرفوا الكلام ده أكثر مني😓
لكن شهادة الزور ممكن تكون في حياتنا اليومية واحنا مش واخدين بالنا، لما واحد يسأل واحد صاحبه على حاجة يستشيره فيها، وصاحبه يكتم عنه الحق عشان مصلحته الشخصية، أو الأقارب بينهم وبين بعض،
وقيسوا على كده، احنا ممكن نكون بنقع في شهادة الزور وكتمان الحق حتى من غير ما ناخد بالنا للأسف، ربنا يعافينا😞
36◇العلامة السادسة والثلاثون: ظهور القلم،
يعني انتشار الكتابة والكتب والمؤلفات والمجلات، لدرجة إن الواحد ممكن يدخل المكتبة يلاقي موضوع واحد بيتكلم عنه كُتّاب كتير، وطبعا ساعد على انتشار الكتب التَّقدُّم المذهل في وسائل التصوير والطباعة والنشر حتى أصبحت الكتب ميسورة لدى أغلبية الناس،
وبرده ده مش حاجة مذمومة في حد ذاتها، بالعكس احنا ممكن نستفيد من اختلاف العقليات إللي بتكتب،
لكن المذموم هو نوعية المؤلفات والكتب والمجلات، هل الكتب بتحارب الدين وبتنشر الفواحش ولاّ بتساعد الناس إنهم يقربوا من الدين ويعرفوا عنه أكثر👌

37◇العلامة السابعة والثلاثون من علامات الساعة: أن تلد الأمة ربتها، يعني الأمة تلد سيدتها،
قال رسول الله ﷺ لما سئل عن علامات الساعة:
"أن تلد الأمة ربتها، وأن ترى الحُفاة العراة العالة رعاء الشاء يتطاولون في البنيان"
وتلد الأمة ربتها لها أكثر من معنى من المعاني دي:
◇إن الفتوحات الإسلامية هتكثر وبالتالي هيكون في سراري يتسرى بها الرجل، يعني هيكون عنده ملك يمين، واحنا قلنا إن ملك اليمين زيها زي الزوجة من ناحية المعاشرة،
فلما يتسرى الرجل بالأمة وتلد له بنت البنت هتكون حرة وهتبقى سيدة أمها،
◇أما المعنى الثاني هو أن يكثر العقوق في الأولاد، فيعامل الولد أمه معاملة السيد أمته من الإهانة بالسب والضرب والاستخدام، تلاقي الشاب أو البنت قاعدين وأمهم هي إللي بتخدمهم ويأمروها وممكن يزعقوا فيها زي ما السيد بيعمل مع أمته.
والمعنى الثاني هو الأقرب، لأن الكلام عن علامات الساعة بيدل على الحاجات المستغربة إللي هتحصل، وموضوع الجهاد وملك اليمين كان موجود أصلا من عهد رسول الله ﷺ،
فالأحداث الغريبة إللي ممكن تحصل أن تنعكس الآية، وهي بدل ما الأبناء هم إللي يراعوا الأباء ويخدموهم بقى الأباء هم إللي بيخدموا أبناءهم مع إنهم بقى سنهم كبير ويعتمدوا على نفسهم،
ونظرة على الواقع حوالينا هتشوفوا العلامة دي واضحة جدا👌

38◇العلامة الثامنة والثلاثون : التطاول في البُنْيان زي ما جاء في الحديث إللي قلناه من شوية:
"وأن ترى الحفاة العُراة العالة رعاء الشاء يتطاولون في البنيان"
والحفاة العراة رعاء الشاة هم العرب، العرب كانوا فقراء جدا وكانوا بيعيشوا في الصحراء والخيام وبيرعوا الغنم،
فرسول الله ﷺ أخبر إن العرب حالهم هيتغير وهيبنوا البيوت العالية، زي العمارات الكبيرة وناطحات السحاب،
☆وهنا في معلومة،
وهي إن التطاول في البنيان في حد ذاته برده مش حاجة مذمومة، لأنه بيحل أزمة سكانية،
لكن الذم والمشكلة هو التباهي والتنافس في البنيان والزخرفة،
يعني يكون الهدف من البناء هو التباهي والتفاخر، تلاقي واحد بنى عمارة أو برج وزخرفها يقوم التاني ييجي يبني واحدة أعلى وأكبر وأكثر زينة،
فهنا التطاول في البنيان بقى مذموم، لكن لو لم يترتب على التطاول في البنيان طغيان، أو بَطَر، أو تفاخُر، أو إسراف، أو إضاعة للحقوق فمفيش مشكلة من بناء العمارات👌

39◇العلامة التاسعة والثلاثون : كثرة الزلازل
والزلازل من الآيات التي يخوف الله بها عباده عشان يتوبوا ويرجعوا له،
وحصلت زلازل كثيرة على مر التاريخ من زمن الصحابة لحد زماننا دلوقتي،
وكل ما المعاصي تزيد ونقرب من يوم القيامة تكثر الزلازل، وفي آخر الزمان الزلازل هتعم الأرض وهتبقى مستمرة ووراء بعضها.

40◇العلامة الأربعون : تقارب الأسواق، وده معناه إن الأسواق تكون قريبة جدا من بعضها سواء على أرض الواقع أو حتى من خلال الانترنت،
ولو لاحظتم في الفترة الأخيرة هنلاقي مول فتح في مكان وجنبه على طول او قريب منه مول تاني😕
حتى أنا نفسي كنت استغرب إزاي مول يفتح جنب مول تاني الفرق بينهم مجرد دقائق مشي😶
فانتشار الأسواق بالطريقة دي من علامات الساعة الصغرى،
واحنا لازم ننتبه كل ما نشوف علامة من علامات الساعة عشان نستعد ونفكر نفسنا دايما إن الدنيا هتفنى في يوم من الأيام وهنقابل في النهاية الإله الخالق وساعتها مش هينفعنا غير عملنا👌

41◇العلامة الواحدة والأربعون: غربة الإسلام
قال رسول الله ﷺ:
"بدأ الإسلام غريبا وسيعود غريبا كما بدأ فطوبى للغرباء"
ومعنى غربة الإسلام إن الإسلام بدأ في أفراد من الناس وقلة قليلة، ثم انتشر فظهر، وبعدين سيلحقه النقص والاختلال حتى لا يبقى إلا في أفراد وقلة قليلة زي ما

بدأ،
وفي عصرنا شايفين غربة الإسلام وأد إيه المسلمين بقوا مفرطين في التمسك بيه والقلة القليلة هي إللي متمسكة بما كان عليه رسول الله ﷺ وأصحابه الكرام، ربنا يجعلنا وإياكم منهم يارب🤲

42◇العلامة الثانية والأربعون: تداعي الأمم على أمة الإسلام، وطبعا ده نتيجة طبيعية لبعد المسلمين عن الدين وغربة الإسلام،
قال رسول الله ﷺ:
"يوشك الأمم أن تداعى عليكم، كما تداعى الأكلة إلى قصعتها. فقال قائل: ومِن قلَّةٍ نحن يومئذ؟
قال: بل أنتم يومئذٍ كثير، ولكنكم غثاء كغثاء السَّيل،
ولينزعنَّ الله مِن صدور عدوِّكم المهابة منكم"
ومعنى الكلام إن الأمم المعادية للمسلمين هيدعو بعضهم بعضًا عشان يعتدوا على المسلمين ويقاتلوهم ويأخذوا خيرات البلاد الإسلامية وأموالهم وأراضيهم، زي لما الناس بيكونوا مجتمعين على طعام وكل واحد يدعو التاني ويعزم عليه ويقول له اتفضل كل،
والصحابة استغربوا، عشان كده سألوا رسول الله ﷺ هل السبب في الذل ده إن عدد المسلمين هيكون قليل، لكن رسول الله ﷺ قال لهم بالعكس المسلمين ساعتها هيكونوا كثير،
لكن ملهمش أي قيمة زي غثاء السيل، ومفيش في قلوب أعداءه أي خوف منهم، وغثاء السيل معناه الوسخ إللي السيل بيحمله لما يجري في الوادي،
يعني المسلمين في الوقت ده اسم على الفاضي، لقلة شجاعتهم، ولدناءة آمالهم، ولتعلُّقهم بتوافه الأمور،
ونظرة بسيطة على حالنا هتشوفوا التفهاهة إللي الناس وصلت لها،
وإزاي الأمم متسلطة على أمة الإسلام وبتذل فيها😓
وطبعا لأن ده بقى الحال فالناس كرهت الموت وبقت تحب الدنيا وتعمل لها كأنها هتعيش فيها للأبد ونسيوا إن في حاجة اسمها موت عشان كده وصلنا لحالة الذل إللي احنا فيها دلوقتي،
"وليقذفنَّ الله في قلوبكم الوَهَن. فقال قائل: يا رسول الله، وما الوَهْن؟ قال: حبُّ الدُّنيا، وكراهية الموت"
والذل والهوان ده مش هيترفع عن الأمة إلا لما ترجع إلى دينها،
"سَلَّطَ اللَّهُ عَلَيْكُمْ ذُلًّا لَا يَنْزِعُهُ حَتَّى تَرْجِعُوا إِلَى دِينِكُمْ"
فأي طريق تاني غير العودة إلى الدين مش هينفع👌
عارفين ليه 🙂
لأن ببساطة ده الاتفاق بين الله وبين رسول الله ﷺ،
قال رسول الله ﷺ:
" إنِّي سأَلْتُ ربِّي لِأُمَّتي ألَّا يُهلِكَها بسَنةٍ عامَّةٍ وألَّا يُسلِّطَ عليهم عدوًّا مِن سوى أنفسِهم فيَستبيحَ بَيْضَتَهم فإنَّ ربِّي قال :
يا مُحمَّدُ إنِّي إذا قضَيْتُ قضاءً فإنَّه لا يُرَدُّ وإنِّي أُعطيكَ لِأُمَّتِكَ ألَّا أُهلِكَهم بسَنةٍ عامَّةٍ وألَّا أُسلِّطَ عليهم عدوًّا مِن سوى أنفسِهم فيستبيحَ بَيْضَتَهم ولوِ اجتَمَع عليهم مِن أقطارِها أو قال : مَنْ بَيْنَ أقطارِها حتَّى يكونَ بعضُهم يُهلِكُ بعضًا ويَسبي بعضُهم بعضًا"
يعني أمة الإسلام لن تهلك بسبب قحط أو مجاعة، ولن تهلك حتى لو اجتمع عليها أعدائها من كل أهل الأرض،
لكن الحاجة الوحيدة إللي ممكن تهلكهم هم أنفسهم، ببعدهم عن الدين هيعيشوا في ذل وهوان يقتل بعضهم بعضا ويهلكوا أنفسهم👌

وده هياخدنا للعلامة الثالثة والأربعين:
43◇ وقوع التناكر بين الناس،
قال رسول الله ﷺ:
"يُلقى بين الناس التناكر فلا يكاد أحد أن يعرف أحدا".
التناكر بين الناس ده هيكون عند كثرة الفتن والمحن وكثرة القتل بين الناس، ولما المادة تستولي على الناس وكل واحد ميفكرش غير في نفسه وفي مصلحته وميهموش مصالح الناس ولا يهتم بحقوقهم فتنتشر الأنانية ويعيش الإنسان وهمه كله أهواءه وشهواته،
ومتبقاش في قيم أخلاقية يرجع لها الناس في التعامل بينهم،
وبرده للأسف واقعنا وصل للمرحلة دي، بس تقدروا تقولوا إننا لسه في البدايات والجاي أسوأ😞

44◇العلامة الرابعة والأربعون : ظهور الفُحش والتفاحش😶
قال رسول الله ﷺ:
"لا تقوم الساعة حتى يظهر الفحش والتفاحش"
والفحش معناه كل ما يُشتَد قبحه من الذنوب والمعاصي قولاً أو فعلاً.
التفاحش: هو تبادل الفحش أو إظهاره.
عارفين زي إيه ومنتشر جدا دلوقتي🙂
الألفاظ البذيئة المبتذلة إللي بنسمعها في كل مكان حتى على مواقع التواصل حتى من البنات والأطفال، وكأن في تنافس بين الناس مين إللي يتفحّش في الألفاظ أكثر ولا حول ولا قوة إلا بالله 😞

45◇العلامة الخامسة والأربعون : تشبُّب المشيخة
يعني ادعاء شيوخ كبار في السن إنهم شباب صغير، وده عن طريق التدليس بإنهم يصبغوا شعرهم بالسواد،
أو يعملوا عمليات تجميل وشد البشرة وغيرها،
قال رسول الله ﷺ:
"يكون قوم يخضبون في آخر الزمان بالسواد كحواصل الحمام لا يريحون رائحة الجنة"
يعني في آخر الزمان الرجال والنساء هيغيروا لون شعرهم الأبيض للون الأسود وده لا يجوز،
والصبغ بالأسود حاصل في زماننا دلوقتي👌

علامات الساعة الصغرى كثيرة، فإن شاء الله نكمل المرة الجاية😊

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي😊


#Eman_Shalapy

⭐ المصادر ⭐


https://almunajjid.com/courses/lessons/345



https://www.islamweb.net/ar/fatwa/39171/



https://articles.islamweb.net/ar/article/184421/



https://www.alukah.net/sharia/0/100313/


https://www.dorar.net/hadith/sharh/20704