​​#хоразм_ошхонаси

ХОРАЗМЧА КОВУРДОКЛИ ВА САРИЁГЛИ СУТБУРИНЧ (ширгуруч)

Сутбуринчи-сут ва бурунчдан тайёрланадиган севимли куюк таомларимиздан бири.
Сутбурунчига гарак буладиган масалликлар:
Оила сонина караб сут буринчига гетадиган махсулотлани купайтириб камайтириб пиширишиз мумкин.

0,5 кг бурунч
1 литр сут
1чой кошик туз
Кайласина:
200гр гушт
2 дона пиёз.
100гр сариёг.
Бурунчни тозаланиб 3-4марта ювамиз.
Козондаги сув кайногандан сунг, бурунчни казона соламиз. Бурунч чало пишгандан сунг сут бурунча сингиб гетишина кораб сутни 3-4 марта булиб булиб соламиз. Тез-тез кавлаб турамиз. Бурунч енчилиб, сутни шимиб олгандан сунг овкатимиз пиш ган хисобланади.
Хаммага ёкимли иштаха😋😋

Хивадиги Палван-Ахмат мачитининг ташки кўриниши . (Абдал Бобо) 1873 йил.☝️🙏

ПС: Мая Хабибулина, Диёр Озодов📽

Хоразм тарихи, урф-одатлари, анъаналарини акс эттирувчи фото, видео материаллар булса биз билан бахам куринг!🙏🙏🙏

Биз билан алока 👇👇👇
@xorazmvaxorazmliklar

Каналимизга аъзо булиш учун ссылка 👉 https://t.me/xorazm_va_xorazmliklar

​​ХИВА РЕВОЛЮЦИЯСИ
1919-1920

Шимолий отряд 29 декабрда Хўжаэлини эгаллади, 9 январ 1920 йилда эса Кўҳна Урганчни, Омон- қалъани ўз ичига Гўчмуҳаммаднинг 1000 талик аскарли қўшинини қўшиб олди. Харбий юришни давом эттириб Шимолий отряд Порсу, Бозор Кятни, 18 январда эса Тошховузни эгаллади, 23 январ 1920 йили икки отряд Тахта худудида бирлашди ва Жунаиднинг турғун жойи -Бадиркентни эгалладилар. Жунаиднинг ўзини эса бир қисм аскарлари билан қумга хайдаб юбордилар.
Жанубий отряд 1920 йил 1 феврал куни пойтахт Хивани жангсиз эгаллади. Улар Хива хони Саййид Абдулла Ғозийнинг тахтдан воз кечишга мажбур қиладлар ва Манифестга қўл қўйдирадилар. Хон мажбуран бошқарувни мажлис чақиригунга қадар беш кишидан иборат Муввақат революцион қўмита(Ревком) қўлига топширади. Унга аъзо бўлганлар, Тўрткўл Ёш Хиваликлар гуруҳи сардори Жуманиёз Султонмуродов, раис этиб Бобоохун Салимов, (Хива мажлиси раиси 1917й), бош диний уламо Жалол Охун ва туркман қабила бошлиқлари Гўчмухаммад ва Мулла Ораз Хожимамедовлар тайинланадилар. Улар Хон имзолаган Манифестни 4000 одам орасида ўқиб эшиттирдилар. 7 феврал 1920 йилда шўролар харбий армияси суверен Хива хонлигига бостириб киришганини полпред Г.Скалов ва Н.Солдатов халққа мурожаат қилиб "Хива хонлиги халқи диққатига" Жунаидхоннинг думини тугиш учун келдик деб уқтирадилар. Халққа Россия совет тузуми хеч ким билан уруш қилиш нийяти йўқлигини ва қўшнилар билан тинчлик ва осойишталикда яшамоқчилигини тушунтирадилар. Хоразм давлатига хеч қандай таҳдид солмаликларини ва ички ишларига аралашиш нийяти йўқлигини қайта қайта айтишади. Хива халқи ўзлари қайси йўлни танлашни биздан яхши биладилар, қандай давлат тузишлиги ўз қўлларида деб ишонтирадилар.
Хивага шўролар армиясининг бостириб кириши Туркистонда турли муносабатларни уйғотди. Маълум бўлишича Турккомиссия бундай масалани коллегияда хатто кўриб ҳам чиқмаган эди. !0 феврал 1920 йил қизил армиянинг туркман аскарлари билан биргаликда Хоразмда уюштираётган вахшийликлари хақидаги норозилик маълумотлари Турккомиссияга келиб тушади ва Турккомиссия бу тартибсизликларни ишини кўриш учун фавқулодда комиссия тузиб зудлик билан Г.Бройдо бошчилигида Хивага жўнатади. Ёш Хиваликлардан унга аъзо этиб Полвонниёзхожи Юсупов ва Ш Хасанов, Г.Бройдо ваколатли ва мухтор элчи сифатида сайланиб жўнатилади. Шу билан бирга улар Амударё бўлимида РСФСРнинг Хивадаги шўролар қўмитаси бошқаруви этиб тайинланадилар. Унинг умумий аъзолари сони 120 кишидан иборат эди.
Комиссия қарор чиқаради. Хивада революция уюштириш ишлари Туркман ва шўролар аскарлари тарафидан оқлаб бўлмас даражадаги зўрлашлар, босқинчилик ва талон-тарожлик қилганлар .Бошқарув состав бошчилигида ва унинг иштирокида уйлар ва қишлоқлар вайрона қилиниб йўқ қилинган, хатто Жунаид аскарларидан химоя қилиб, сақлаб қолинган қишлоқлар хам йўқ қилиниб ташланган. қизиллар армияси аъзолари сон-саноқсиз одамларни бесабаб отиб ташлаганлар, Хон саройини обдан тозлаб бор бурини олиб чиқиб сотганлар, шу билан бирга кўплаб аёлларга тажовуз қилганлар ва тахқирлаганлар. Асир тушган аёлларни номусига тегиб, рус аскарлари чўри сифатида ушлаб турганлар, кўпчилигини Петро-Александровск шахри бозорларига сотувга олиб чиққанликда айбли деб топилди. Қизил аскарларни отиб ташлаш билан қўрқитилгандан сўнг 100 та аскар 63 та асир аёлларни қайтиб берган.
Революциянинг бу мудҳиш қора тарафи Хивадан нарига чиқиб кетмади. Бу фактлар шўролар тарафидан Туркистонда хам Росияда хам махкам беркитилди. Хамда кўпчилик жазодан қутулиб қолди. 30 март 1920 йил ўз амалини суъистемол қилганликда айбланиб, Н.Шайдаков ва В Урядов хибсга олинди. Шайдаков декабрда оқлаб қўйиб юборилди. В. Урядов 10 йил турма жазосини ўтади. 25 апрелда қилган жиноий ишлари учун Шимолий отряднинг комвзводларидан бири Радионов отувга хукм қилинди.

"Осиё юрагидаги Революция"
чоп этилмаган қўлёзмадан парча.

​​Хоразм вилоятига прокурор тайинланди

Хоразм вилояти ҳокимлигида Ўзбекистон Республикаси Бош прокурори Ниғматилла Йўлдошев, вилоят ҳокими Фарход Эрманов иштирокида йиғилиш бўлиб ўтди.
Унда Ўзбекистон Республикаси Бош прокуратураси ҳузуридаги Мажбурий ижро бюроси директори лавозимида ишлаб келаётган Қудратходжаев Ботир Бахромович Хоразм вилоятига прокурор этиб тайинланди.

Ботир Қудратходжаев бунгача Тошкент шаҳри прокурори бўлган (2016−2017), ундан аввалроқ Сурхондарё вилояти прокурори вазифасини бажарувчи, вилоят прокурори бўлиб ишлаган (2014−2016).
У 2017 йил июнидан ҳозирга қадар Ўзбекистон Республикаси Бош прокуратураси ҳузуридаги Мажбурий ижро бюроси директори лавозимида ишлаб келаётганди.

Эслатиб ўтамиз, 2018 йил февралидан ҳозирга қадар Хоразм вилояти прокурори лавозимида ишлаб келаётган Жаҳонгир Ҳотамов Наманганга прокурор этиб тайинланди.

❓Талабалар контрактини тўлаганда даромад солиғидан озод бўладими?

Ҳозир талабаларнинг контракт тўлаш жараёнлари бошланган. Ушбу жараёнлар мобайнида кўпчилик солиқ имтиёзи ҳақида савол бермоқда.

Солиқ кодексининг 378-моддаси 16-бандига биноан, Ўзбекистоннинг олий ўқув юртларида таълим олиш (ўзининг, 26 ёшга тўлмаган фарзандларининг ёки эрининг (хотинининг) таълим олиши) учун йўналтириладиган солиқ солиниши лозим бўлган иш ҳақи ва бошқа даромадларига солиқ солинмайди.

Демак, қуйидаги 3 тоифанинг контракти учун ўтказилган иш ҳақларидан даромад солиғи ушланмайди:

1) фуқаро ўзининг контрактига ўтказса;
2) ота-оналар 26 ёшга тўлмаган фарзандининг контрактига ўтказса;
3) эр ёки хотин турмуш ўртоғининг контрактига ўтказса.

Бу нима дегани?

Масалан, ота ўз фарзандининг контракти учун иш ҳақининг бир қисмини, айтайлик 1 млн сўмини тўғридан-тўғри институт ҳисобига ўтказади дейлик. Бунинг учун институтдан шартнома (ҳисоб-рақам) олиб, ташкилот бухгалтериясига ариза бериб қўйиш керак. Бундай вазиятда агар ота 3 млн сўм ойлик олса, демак фарзандининг контракти учун ўтказган 1 млн сўмдан 12%лик даромад солиғи ушланмайди, фақат қолган 2 млн сўмдан солиқ олинади.

Изоҳ: юқоридаги 3 та тоифадан бошқаларнинг, масалан, ака-укаси, опа-синглиси, келини ёки бошқа шахсларнинг контракти учун иш ҳақидан тўлов ўтказилса ҳеч қандай имтиёз қўлланмайди.

Каналимизга аъзо булиш учун ссылка 👉 https://t.me/xorazm_va_xorazmliklar

Шовот, Қўшкўпир, Тупроккалъа, Хонқа, Хива, Урганч, Боғот туманлари ва Хива шахрининг айрим худудларида электр энергиясида узилишлар бўлиши мумкин.

Ҳурматли электр энергияси истеъмолчилари Ўзбекистон Республикаси электр станциялари ва тармоқларини техникавий эксплуатация қилиш қоидаларига асосан жамият томонидан вилоятимизнинг


Шовот туманининг “Ойдин” маҳаллаласи,

Қўшкўпир туманининг “Кенагас”, “Довуд”, “Қорамон”, “Зарбдор”, “Машраб”, “Ўзбекистон”, “Шихмахшад”, маҳаллалари


Тупроккалъа туманининг “Хонка”, “Хива”, “Хазарасп”, “Гурлан” маҳаллалари,


Хонқа туманининг “Хонкаобод”, “Дурман”, “Маданиёр”,
“Эхтиром”, “Пахтагул” махаллалари,

Хива туманининг “Гандимиён”, “Поласултон” маҳаллалари,


Урганч туманининг “Хамид Олимжон” маҳалласи,

Боғот туманининг “Ўзбекистон”, “Навбаҳор”, “Боғистон” маҳаллалари

Хива шаҳрининг “Ичонкалъа”, “Ангарик”, “Тоза боғ”, “Шихлар” маҳаллаларида



жорий йилнинг 13 октябрь куни 11:00 дан 18:00гача жорий профилактика ишлари ўтказилиши сабабли электр энергияси таъминотида вақтинчалик узилишлар бўлиши мумкин. Келтирилган ноқулайликлар учун Сиздан узр сўрайди.
"Хоразм ҳудудий электр тармоқлари" АЖ Матбуот хизмати

"Mendirman Jaloliddin" koʻp qismli badiiy filmining ilk tizeri.

Каналимизга аъзо булиш учун ссылка 👉 https://t.me/xorazm_va_xorazmliklar

Саидова Нурпашша, колхозница колхоза Сталина Кошкупырского района, собравшая в 1938 году 6 тонн хлопка.

Каналимизга аъзо булиш учун ссылка 👉 https://t.me/xorazm_va_xorazmliklar

Жорий йилнинг ўтган 9 ойи давомида Хоразм вилоятида транспорт воситасини маст ҳолда бошқарган 1699 нафар ҳайдовчига нисбатан қонуний чора кўрилган. Вилоятда йўл ҳаракати хавфсизлигини таъминлаш борасида амалга оширилган чора-тадбирлар ва ўтказилган рейдлар тўғрисида ушбу лавҳада батафсил танишишингиз мумкин.

Хоразм вилояти ИИБ Ахборот хизмати

Каналимизга аъзо булиш учун ссылка 👉 https://t.me/xorazm_va_xorazmliklar

🎞 Ўзбек ва турк киноижодкорлари ижоди туташган нуқта: “Мендирман Жалолиддин” сериали тақдимот маросимининг тўлиқ вариантини томоша қилинг

Каналимизга аъзо булиш учун ссылка 👉 https://t.me/xorazm_va_xorazmliklar

Хива, Шовот, Богот, Хазарасп, Хонка, Гурлан, Тупроккалъа туманлари ва Урганч шаҳрининг
айрим худудларида электр энергиясида узилишлар бўлиши мумкин.

Ҳурматли электр энергияси истеъмолчилари Ўзбекистон Республикаси электр станциялари ва тармоқларини техникавий эксплуатация қилиш қоидаларига асосан жамият томонидан вилоятимизнинг


Хива туманининг Шомахулум, Парчанхос, Кушчи,
Каттабог, Ирдимзон маҳаллалари,

Шовот туманининг Огахий, Навруз, Бузкалъа,
Бешчикир, Ижтимоят маҳаллалари,

Богот Маънавият, Сохибкор, Қумбодоқ,
Кўхнабирлашув маҳаллалари,

Урганч шаҳрининг Янгиобод, Янги Ашхобод ,
Бешмерган, Янги хаёт, Оби хаёт, Бинокор маҳаллалари,

Хазарасп туманининг Туртта, Бешта, Оталик, Мухомон маҳаллалари,

Хонка Истиқлол, Пахтагул, Гулистон маҳаллалари,

Гурлан туманининг Беш уй, Дустлик, Навруз, Богдодли, Бузкалъа маҳаллалари,

Тупроккалъа туманининг Саримой, Нукус маҳаллалари


жорий йилнинг 14 октябрь куни 11:00 дан 18:00гача жорий профилактика ишлари ўтказилиши сабабли электр энергияси таъминотида вақтинчалик узилишлар бўлиши мумкин. Келтирилган ноқулайликлар учун Сиздан узр сўрайди.
"Хоразм ҳудудий электр тармоқлари" АЖ Матбуот хизмати

Йўл-транспорт ҳодисаси натижасида ота-онасидан ажраган болаларнинг қалб кечинмалари.

Хоразм вилояти ИИБ Ахборот хизмати

​​Жалолиддин Мангуберди турк-ислом тарихидаги энг жасур қаҳрамон ва ҳукмдорлардан бири саналади. У хоразмликларнинг мўғулларга қарши курашига бошчилик қилиб, Парвон яқинидаги жангда душман қўшинини тор-мор қилди: бу Чингизхон лашкарларининг Ғарбга – Ўрта Осиё, Эрон ва Афғонистонга юришидаги ягона йирик мағлубияти бўлган.

1. Жалолиддин Мангуберди хоразмшоҳлар сулоласининг сўнгги ҳукмдори эди. Унинг асл исми Мангуберди бўлган, бироқ ўша даврдаги анъанага мувофиқ унга “диннинг улуғворлиги” маъносини билдирувчи Жалолиддин номи берилган.


2. У ислом дунёси учун энг машаққатли даврлардан бирида – салибчилар Анатолия, Сурия ва Мисрни вайрон қилган, шарқдан эса янада даҳшатли бало бўлмиш мўғуллар ҳужум қилган пайтда яшаган.


3. Ўрта Осиёда мўғуллар зарбасига биринчи бўлиб Хоразмшоҳлар давлати учраган эди. Салтанат ҳукмдори Алоуддин Муҳаммад II қаршилик кўрсата олмади. Мўғуллар Ўтрор, Хўжанд, Тошкент, Бухоро, Самарқанд, Балх, Марв, Нишопур, Ҳирот, Урганч ва бошқа йирик шаҳарларни босиб олди. Бу шаҳарларнинг бари вайрон, аҳолиси эса қирғин қилинди. Алоуддин Муҳаммад II Ҳазар (Каспий) денгизидаги ороллардан бирида яширинди. Орадан кўп ўтмай у оламдан ўтди, вафотидан олдин ўғли Жалолиддинни вориси этиб тайинлади.


4. Содиқ қўмондон Темур Малик бошчилигида 300 аскардан иборат қўшин тузган Жалолиддин Мангуберди Хурсонга, ундан кейин Нисога йўл олди. У ерда 700 аскарлик мўғул қўшинига дуч келди ва уни енгишнинг уддасидан чиқди.


5. Аввалига Нишопурда, кейин эса Ғазнида чекинган Жалолиддин ўзининг атрофига мўғулларга зарба беришга қодир кучларни тўплади. У Қандаҳорни босиб олган мўғулларга ҳужум қилди ва уларни енгди. Мағлубият ҳақидаги хабарни олган Чингизхон Жалолиддин Мангубердига қарши 30 минга аскардан иборат қўшинни юборди.


6. 1221 йилда Парвон шаҳри яқинида ҳал қилувчи жанг бўлиб ўтди. Қақшатқич жанг икки кун давом этди ва мўғулларнинг енгилиши билан тугади. Бу мўғулларнинг Ғарб томон юришидаги ягона йирик мағлубияти эди. Жалолиддин Мангубердининг бу ғалабаси мўғулларнинг енгилмас экани ҳақидаги афсонани йўққа чиқарди.

Шундан сўнг Чингизхоннинг ўзи Жалолиддин Мангубердига қарши курашишга қарор қилди ва унга қарши янги кучларини юборди. Икки ўртадаги жанг 1221 йилнинг 26 ноябрида Ҳинд дарёси бўйида бўлиб ўтди. Ғалаба мўғулларга насиб қилди. Оиласи ва онаси мўғулларнинг қўлига тушишини истамаган Жалолиддин уларни чўктиришга буйруқ берди. Ўзи эса қолган аскарлари билан дарёнинг нариги соҳилига ўтди. Чингизхон унинг ортидан Чағатой бошчилигидаги аскарларини юборди, бироқ қўлга тушира олмади.
7. Ҳиндистонда уч йил қувғинда юрган Жалолиддин Мангуберди Эроннинг шимолига ҳужум қилиб, Мароғ ва Табризни эгаллади. 1225 йилда Гуржистон ва Арманистоннинг бир қисмини, 1226 йилда Тбилисини эгаллади. У айни пайтда икки жабҳада – мўғулларга қарши ва Кавказортида жанг қилар эди, бу эса кучсизланишига сабаб бўлди.


8. Бундан фойдаланган мўғуллар 30 минг аскардан иборат қўшинни унга қарши юборди. Жалолиддин Ганжага чекинишга мажбур бўлди. Насавийнинг ёзишича, у Амид тоғида дам олиш учун чодир қурган пайтда қароқчилар ҳужумига учраб, ҳалок бўлди. “Улар нима қилиб қўйганини ва қандай ўлжани қўлга киритганини билмас эди”, – дея ёзади тарихчи.


9. Халқ Жалолиддин Мангубердининг ўлганига ишонмади. Анча йилларгача унинг тирик эканига ва мўғулларни титратиб юргани ҳақида гап-сўзлар тинмади.

Каналимизга аъзо булиш учун ссылка 👉 https://t.me/xorazm_va_xorazmliklar

Ҳурматли Хоразм вилояти электр энергияси истеъмолчилари!
Жорий йилнинг 6 октябридан 13 октябригача Тахиатош Иссиқлик Электр Стансиясининг (ИЭС)да 1 - ва 2- энергоблоклари авария ҳолати ўчди. Тахиатош ИЭС томонидан вилоятимизга етарли электр энергияси етказиб берилмаганлиги сабабли кечки 18.00 дан 21.00 гача “Шарқий -2”, “Ҳазорасп-1,2”, “КС-3”, “Хива-1”, “Ҳаваскор”, “Туркистон”, “Урганч-2”, “Шовот” электр тармоқларида электр энергиясида узилишлар кузатилди.
Ушбу узилишлар сабабли вилоятимизнинг айрим ҳудудларида электр энергиясида ўчишлар содир бўлди.
Муаммони бартараф қилиш учун “Ҳудудий электр тармоқлари”АЖ раҳбарлари тезкор чора тадбирлар ишлаб чиқдилар.
Жорий йилнинг 14 октябрь соат 16.22 дан 110 кВл “Шовот” тармоғи орқали Туркманистон Республикасидан 20 МВт қўшимча электр энергиясини олиш ишлари бошланди.
Айни вақтда вилоятмизнинг барча ҳудудларидаги истеъмолчиларга 280МВт электр энергияси нормал ҳолатда етказиб берилмоқда.
Шундай фурсатда бизни қўллаб-қувватлаган истеъмолчиларимиздан жуда миннатдорман.

Юзага келган ноқулайлик учун барча истеъмолчиларимиздан узр сўрайман.

Бундан кейин вилоятимиз миқёсида электр энергиясида имкон қадар узилишлар бўлмаслиги учун туну кун меҳнат қилишга тайёрмиз!

Муродбой Базаримбетов,
“Хоразм ҳудудий электр тармоқлари”АЖ Бош директори.

ҚЎШКЎПИР, ХИВА, ҲАЗОРАСП, ЯНГИБОЗОР, ГУРЛАН, УРГАНЧ туманлари ва УРГАНЧ шаҳрининг
айрим худудларида электр энергиясида узилишлар бўлиши мумкин.

Ҳурматли электр энергияси истеъмолчилари Ўзбекистон Республикаси электр станциялари ва тармоқларини техникавий эксплуатация қилиш қоидаларига асосан жамият томонидан вилоятимизнинг


Қўшкўпир туманининг "Кенагас", "Довуд", "Қорамон", "зарбдор", "Машраб", "Ўзбекистон", "Шихмахшад" маҳаллалари,

Хива туманининг "Қушчи","Каттабоғ", "Чанашик", "Бўстон", "Оқёп", "Дашёқ", маҳаллалари,

Ҳазорасп туманининг "Боғдор", "Узукқош", "Ал Хоразмий", "Ишчилар" маҳаллалари,

Янгибозор туманининг "Мангитлар", "Ҳайрат", "Хамид Олимжон" маҳаллалари

Урганч шаҳрининг Янгиобод, Янги Ашхобод ,
Бешмерган, Янги хаёт, Оби хаёт, Бинокор маҳаллалари,

Хазарасп туманининг Туртта, Бешта, Оталик, Мухомон маҳаллалари,

Хонка Истиқлол, Пахтагул, Гулистон маҳаллалари,

Гурлан туманининг "Бирлашган", "Шанғи" маҳаллалари,

Урганч туманининг "Каттабоғ" маҳалласи,

Урганч шаҳрининг "Гулзор", "Оби ҳаёт" маҳаллаларида

жорий йилнинг 15 октябрь куни 11:00 дан 18:00гача жорий профилактика ишлари ўтказилиши сабабли электр энергияси таъминотида вақтинчалик узилишлар бўлиши мумкин. Келтирилган ноқулайликлар учун Сиздан узр сўрайди.

"Хоразм ҳудудий электр тармоқлари" АЖ Матбуот хизмати

Хушхабар
ҲАЗОРАСП ТУМАНИ ДАВЛАТГА ПАХТА ТОПШИРИШ РЕЖАСИНИ ОРТИҒИ БИЛАН БАЖАРДИ

Ҳазорасп тумани давлат хирмонига 18856 тоннадан зиёд ҳосил топшириб, ҳосилдорлик ҳар гектаридан 33,3 центнерни ташкил этиб, шартномавий режани ортиғи билан бажарди.
Туманда жорий йилги пахта йиғим-терими мавсуми учун пухта тайёргарлик кўрилди ва тизимли асосда иш олиб борилди.
Бободеҳқонларимиз юксак натижаларга эришиб, давлатга пилла ва ғалла топшириш бўйича режаларини ҳам ошириб бажарганди. Пахтакорларимиз ҳам ушбу анъанани давом эттирган ҳолда биринчилардан бўлиб, давлатга пахта сотиш бўйича шартномавий режаларни ортиғи билан бажардилар.
Ердан ризқ ундириш, ундан ҳосил олиш ўз-ўзидан бўлмайди. Деҳқонларимиз эрта баҳор, жазирама ёз мобайнидаги табиат инжиқликларини ўз билим, тажриба ва маҳорати, машаққатли меҳнати билан мардонавор енгиб, кузнинг ҳар бир илиқ кунидан унумли фойдаланган ҳолда ҳосилни уюшқоқлик билан йиғиб-териб олишди.
Туманда эрта баҳорда 129 та фермер хўжаликлари томонидан 5 минг 666 гектар майдонга "Хоразм 150" навли чигит экилди. Ўз вақтида амалга оширилган агротехник тадбирлар натижасида ғўза ниҳоллари текис униб чиқди. Вегетация даврида барча агротехник тадбирлар сифатли ва ўз вақтида амалга оширилди. Жумладан, ғўза ниҳолларини ягоналаш, қатор ораларига ишлов бериш, бегона ўтлардан тозалаш, суғориш ва озиқлантириш, дефолиация ва чеканка қилиш каби тадбирлар малакали мутахассисларнинг тавсиялари ва деҳқонларимизнинг кўп йиллик тажрибалари асосида сифатли амалга оширилди.
Қулай об-ҳаво шароити, ишнинг тизимли асосда ташкил қилингани ва деҳқонларимизнинг машаққатли меҳнатлари эвазига далаларда мўл ҳосил тўпланишига эришилди. Теримчилар учун барча шароитлар яратилиб, дала бошида иссиқ овқатлар ташкил қилинди. Уларнинг маданий ҳордиқ чиқариши, терим пулларининг ўз вақтида, дала бошида бериб борилгани терим суръатини оширишда муҳим омил бўлди.
Бугунги юксак хирмонни бунёд қилишда "Соли туркман" ва “Мискинободлик Диёр” фермер хўжаликлари ҳосилдорликни гектаридан 50 центнердан ортиғи билан топширган бўлса, "Яқуб Анназар", “Сотиболди Кулол” каби фермер хўжаликлари 45-50 центнердан ҳосил олиб, “оқ олтин” хирмонининг янада баланд бўлишига ўзларининг ҳиссаларини қўшдилар.
Биз пахта ҳосилини етиштириш ва йиғиб олишда фаол иштирок қилаётган барча миришкор деҳқонлар, фермерлар, теримчилар ва мутасаддиларга куч ғайрат тилаб, бугунги эришган ютуқлари билан самимий табриклаймиз.
Айни кунларда туманимиз бўйлаб, пахта йиғим-терими қизғин давом этмоқда.

Ҳазорасп туман ҳокимлиги Ахборот хизмати.

Умумтаълим мактабларида анъанавий ўқитиш шакли бошланганлиги муносабати билан Хоразм вилояти ИИБ ЙҲХБ масъул ходимлари томонидан ўқувчилар ўртасида йўл ҳаракати қоидалари тарғиботи ўтказилмоқда.

Хоразм вилояти ИИБ Ахборот хизмати

​​Куни кеча «Хоразм» футбол жамоамиз «Оқ-Тепа» футбол жамоасини йирик, 6:1 ҳисобида мағлуб этгач воҳа футбол ишқибозларида жамоамиз ўйинларига ишонч орта бошлади.
Кўпчилик футбол ишқибозлари жамоамизнинг кейинги ўйинлари саналари ҳақида маълумот беришимизни сўрашмоқда.
Ушбу илтимосларни эътиборга олган холда «Хоразм» жамоамизнинг навбатдаги икки учрашуви саналарини келтирамиз.
ПРО Лига| 12 ва 13-тур учрашувлари саналари.
Жамомиз 12-тур учрашувини ўз майдонида мусобақа пешқадами Ғузор шаҳрининг «Шўртан» футбол жамоасини қабул қилади ва 13-тур бахсини эса сафарда Про Лига ўйинларига ўзгача иштиёқ билан қайтган «Истиқлол» жамоаси меҳмони бўлади.
Диққат! «Истиқлол» жамоаси билан бўлиб ўтадиган учрашув «Futbol» TV канала орқали жонли тарзда трансляция қилинади.
P. S. 13-тур учрашувлари бошланиш вақтлари хозирча аниқ эмас.
Про Лига | 12-тур. 19-октябрь, душанба
16:00 «Хоразм» – «Шўртан»
Про Лига | 13-тур. 25-октябрь, якшанба.
«Истиқлол» — «Хоразм»
«Futbol» TV Жонлиэфир.

Каналимизга аъзо булиш учун ссылка 👉 https://t.me/xorazm\va_xorazmliklar

​​Шовот тумани ҳокимлигида халқ депутатлари туман Кенгашининг навбатдаги сессияси бўлиб ўтди

Бугун “Туман ва шаҳарларнинг ижтимоий-иқтисодий ривожланиш даражасини баҳолашнинг рейтинг кўрсаткичлари Шовот тумани мисолида, қизил тоифадан олиб чиқиш бўйича амалга ошириладиган ишлар тўғрисида”ги масалаллар халқ депутатлари туман Кенгашининг навбатдаги ўн еттинчи сессиясида кўриб чиқилди.
Давлатимиз раҳбари раислигида жорий йил 24 сентябрь куни ўтказилган видеоселектор йиғилишида “қониқарсиз” деб топилган туман, шаҳар раҳбарларига жамоатчилик олдида камчиликларни тан олиб, уни бартараф этиш чора-тадбирлари ҳақида маълумот бериши зарурлиги вазифаси топширилган эди.

Олий Мажлис Сенати ва Қонунчилик палатаси аъзолари, халқ депутатлари вакиллари, Шовот тумани ҳокимлиги масъуллари, туман фаоллари, шунингдек, ОАВ ходимлари иштирок этаётган сессияда сектор раҳбарлари йўл қўйилган камчиликлар юзасидан аҳолига мурожаат қилиб, мавжуд камчиликларни бартараф этишга қаратилган вазифалар бўйича “Йўл харитаси”ни тақдим этди.

Шовот тумани нега “қониқарсиз” ҳудудга тушиб қолган? Туман ҳокими Ҳ.Отаханов бунинг сабабларини маълум қилиб, ундан чиқиш бўйича режасини баён қилди.
- Туман иқтисодиётининг ривожланиш даражаси нисбатан паст бўлишига ҳудуддаги мавжуд имкониятлардан тўлақонли фойдаланмаслик, иқтисодий ўсиш суръатларини юқори даражада таъминламаслик, туманда яширин иқтисодиётни юқорилиги бу борада ишларни тизимлик йўлга қўймаганлик, яширин иқтисодиёт натижасида кўрсатилган хизматлар ҳажми статистик ҳисоботларда ўз аксини топмаганлигини ортидан кўрсаткичларда қолоқликларга йўл қўйилганли сабаб бўлган.
Бу борада туман ҳокими 2020 йил якуни билан
2019 йилда йўл қўйилган камчиликларни бартараф қилиб, туманнинг ижтимоий-иқтисодий кўрсаткичларини яхшилаш ва рейтинг баҳолашда юқори кўрсаткичларга эришиш орқали “қизил тоифа”дан чиқариш юзасидан ишлаб чиқилган “Йўл харитаси” ва унда назарда тутилган чора-тадбирларни ўз муддатида бажарилишини таъминлаш ҳамда йўл қўйилган камчиликлар учун туман ахолисидан #узр сўраб камчиликларни тез орада бартараф этилишини баён этди.

Каналимизга аъзо булиш учун ссылка 👉 https://t.me/xorazm_va_xorazmliklar

Президент бошчилигидаги селекторда коррупцияда айбланиб қўлга олинган мансабдорлар ҳақида маълумот берилди

Жорий йилнинг 15 октябрь куни Ўзбекистон Республикаси Президенти ҳузурида ўтказилган йиғилишда коррупцияга қарши курашиш масалалари ҳам кўриб чиқилди. Бу ҳақда ЎзА (@uzauz) хабар бермоқда.

Мажлисда охирги олти ойда бу йўналишда олиб борилаётган кескин кураш ўз натижасини бераётгани қайд этилди. Кўрилган чоралар натижасида бир қатор мансабдор шахслар қўлга олинган бўлиб, уларга нисбатан тергов ҳаракатлари олиб борилмоқда ҳамда тегишли жазо чоралари белгиланиши кутилмоқда.

Жумладан, Қибрай тумани ҳокимининг инвестиция масалалари бўйича ўринбосари Ж.Машрабов 2020 йилнинг 11 июнь куни Қибрай туманидан 9 гектар бўш ер майдонини 60 минг АҚШ долларига сотишни таклиф қилиб, 35 минг АҚШ долларига сотаётган вақтда жиноят устида қўлга олинган.

Тошкент шаҳар ҳокимлиги қошидаги капитал қурилиш бош бошқармаси бошлиғи ўринбосари Б.Алламуратов Чилонзор туманидаги инвестициялар ва ташқи савдо бўлими бошлиғи Х.Шукуралиевга 2020 йилнинг 25 июнь куни Чилонзор туманидаги 1 гектар ер майдонини 1 млн. 400 минг АҚШ долларига сотаётган вақтда қўлга олинган.

Андижон вилояти, Марҳамат тумани ҳокими ёрдамчиси У.Алижонов 2020 йилнинг сентябрь ойида яқин алоқалари орқали Марҳамат тумани ҳудудидан 11 га ер майдони ажратиш учун жами 29 000 АҚШ доллари миқдоридаги ноқонуний пулни олаётган вақтда жиноят устида ушланган.

Фарғона вилояти, Бувайда тумани ҳокимининг биринчи ўринбосари М.Деҳқанов жорий йилнинг октябрь ойида Бувайда туманида жойлашган “Эркин иқтисодий ҳудуд”дан тадбиркорлик фаолияти билан шуғулланиш учун 50 сотих ер майдонини расмийлаштириб бериш эвазига 20 000 АҚШ доллари олган вақтида жиноят устида қўлга олинган.

Тошкент вилояти Оққўрғон тумани ҳокими ўринбосари А.Тўймачов, Кадастр бўлими бошлиғи И.Қорабоев билан биргаликда 2020 йилнинг 18 март куни Оққўрғон туманида жойлашган 1,5 га ер майдонини 1500 АҚШ долларига сотаётган вақтида жиноят устида қўлга олинган.

Тошкент вилояти Бўстонлиқ тумани ҳокимининг ўринбосари З.Мирзаходжаев 2020 йилнинг октябрь ойида Бўстонлиқ туманида жойлашган 5 сотих ер майдонини 25 минг АҚШ долларига сотаётган вақтида жиноят устида қўлга олинган.


Каналимизга аъзо булиш учун ссылка 👉 https://t.me/xorazm_va_xorazmliklar