عباس علاوي البهادلي
453 subscribers
1 photo
3 files
34 links
ياحسين احلامي كبرن
واختصرت الدنيا بيك
💔🙏
Download Telegram
حبيبي حُسين

الدنيا من مجلسك تبدي
وتنتهي يـم الضـريـح
يالمهدي امنيات فاطم الي الحياة
بس هلحلم يصير. بالحضره ليلة ابات

هيه من خمسة حروف وتملك الوجدان
هيبة الله وكل جماله كوثر القراءن
بالعرش مخطوط اسمها من الخطر هي امان
تشرق الجنه بضواها مقتبس للحنان

بالشده من تگول يافاطمه البتول
اتلبيلك النداء اتسخّرلك الحلول

___

سر
الهي من خلقها واضح ابمعناه
بيها يعرف ياهو ضده وياهو جان وياه
من اجت للدنيا فاطم بيها نور الله
العاده اسمها بالقيامه ياهو يتلگاه

يا اعظم النساء بالارض و السماء
دار اليضد هلاك حب فاطمه البقاء

_____

للضريح ماكو مكان الحضره نص گلبي
كل طريق الدنيا عفته أنتي كل دربي
عالخدامه والمجالس انه متربي
ياتعب مابيه خساره باللطم تعبي


ياملجئ المُريد ... حبي الج يزيد
كلمة خدم قليل صرنالچ العبيد
__

لن تنالو البر حتى تنصروا الزهره
والمحايد عالمصيبه واجب اتخسره
باجر ايقابل محمد بس،شنو عذره
التهمه مابيها تنازل ناكر السطره

ايد الدفع سهام ... بالباب اثر خيام
بنفس الحرگ والاخ. للقائم أنتقام


___

ننتظر احنه الاشاره المهدي من يظهر
اعالسيقفه كلنا نلتم نصلب المنكرر
والقبر حتما مكانه ايعلنه عالمنبر
ينمحون من الوجود الحضره من تكبر

للذابل انت ماي....والحق صرتله راي
ننتظرك وللموت والينتظر وفاي




خادم أم البنين:عباس علاوي البهادلي
https://youtu.be/4A2cWe_JW6E


اداء: |سجاد الكعبي|
كلمات:|عباس علاوي البهادلي|
يروحي الزهره ماضن الها جيه
يروحي امشينه يم گبر الزچيه

يروحي يرروحي .....


خطوة الفاگدله غالي تنخطي بلايا عقل
ابگلبه بستان المواجع سكته لمن ينشتل
لو ذكر عشرة عمرهم دمعه لابد ينهمل
كلشي ميت باليفارگ بالاسم باقي عدل

خياله .. بالوهم يرسمله موعد
خياله .. شما كرب من عنده يبعد

يروحي يروحي
_______

اه يروحي شلون بيه بيدي هليت التراب
للفرح ماعندي ملگه للحزن مفتوح باب
دافن اغلى انسان عندي وجهي لايگله النكاب
النسمه تتكسر ابصدري لون طاريهم انجاب


تلچمه .. الذكره لومرت عالبال
تلچمه .. كلمة المتعوب تنگال

يروحي يروحي

__________
يوحش دروب الليالي من تسير عالگبر
گلبي وضلوع الزچيه اثنينهن نفس الكسر
مخفي گبرچ بس مچانچ گلبي بانيله قصر
من عگب فاطم يروحي شنهو ضل بيه العمر

اسمعچ .. حچيها الجان مملوح بمحنه
اسمعچ هي ام بيتي الزچيه وهي امنه

يروحي يروحي
__________
لون ارجع ينشدوني امنه بويه ما اجت
شلون اصبرههم وهمه شاهدوها اتعذبت
اه يروحي عوفي حيدر زينب ابصغر انولت
وراحت اعالباب تركض عاتبت وشعاتبت

تگله .. تلچم الضلع وتكسره
تگله بيا ذنب ذبّلت زهره

يروحي يروحي

________
كلهن التمن عليه افراگ وجهج والمحن
بالمغيسل دمعي سولف فدوه رديلي ام حسن
اصواتهم غربه يفاطم صوتچ لحيدر وطن
عيشتي وموت الزچيه ما اضن يتراهمن

غرفتچ .. چن صده لمن اطبها
غرفتچ .. فاطمه تصرخ ضلعها

يروحي يروحي

عباس علاوي البهادلي
دفعها دفعها.. بكل حيله ويعصر كوه
ضلعها ضلعها.. بيه بسمار وتتلوه

زينب اتريدچ حضن
امگابله الباب وتون ....دفعها

_

حيد
ر ابكبره انهدم ..بضلعچ وگلبي الالم .... باب بيتي كله دم .. نزف ضلعج

فاطمه التفهم علي .. بيها اشوفن كل هلي .. نعمه مادامت الي .. غاب طولچ

بعدچ بيه كلشي ايعيل
الهوه والباب والبسمار

ابنص بيتي ويدفعونچ
طحتي وضل علي محتار

بچيتچ بيچتچ .. دمعه وچف ساند حيدر
اجيتچ اجيتچ .. القالع خيبر يتعثر

شلون انساها ال_ و أن
امگابله الباب وتون .. بچيتچ

___

چانت
اتنشف البچن ..الغربتي ديرة وطن ..ما اسميها ام حسن .. ام المحنه

بكلمه چتنفني النبي .. احچايه بس چنها السبي .. ام بيتي شايفها اجنبي ... يا ألمنه

كل جرة نفس ضلعچ
يصعد يخنگ الريه

ملامح وجهج ايگولن
هاي اخر مسيه

عجيبه عجيبه ..چفنچ حضرته بأيدي
مصيبه مصيبه .. وياچ ادفن راح اوليدي

كلشي صايرلي سجن
امگابله الباب وتون

__

ابالي موتچ
من خطر .. اتعلمت كضت الظهر .. احس شيعني القدر ..راح كلشي

بعدچ ابعز الشباب .. اشجاب فاطم عالتراب .. وجهي غطّاه النگاب .. گوه امشي

اليتم من هسه رافگني
ودمعتي عاشت بخدي

يالمنسيتني موت اهلي
غيرچ فاطمه اشعندي

عشيره عشيره .. مو بس فاطم فاگدها
چبيره چبيره .. فاركت الماكو بگدها

اندفع بابي بلا أذن
امگابله الباب وتون


_

من الگبر ذابل اجيت ...ابضلمه يالزهره انوليت .. شفت زينب وانحنيت..اتريد امها

ادگلي امنه ماتجي ..مات بلساني الحچي ..گابلتها وبس بچي .. ياهضمها

تگلي بويه تدريني
اغفى من اشمنها

ابحضنها چانت اتلمنه
هسه اتراب حاضنها

اشبديه اشبديه..يم فراشچ من تنحب
عليه عليه .. كلشي ولا دمعة زينب

اتفارگن جفن وجفن
امگابلة الباب وتون

__

ردته
هالواقع حلم .. ادموعي ثگلن والجدم ..الحسن بهدومچ يشم .. تحيرر

حسين ايده اعالخصر .. اتخيلت فوگه الشمر ..ضلعه مثلچ ينكسر .. ايتطشر

اتبدو عالگبر دمعات
ولدچ يمه حاجينه

شلت الحسن بس زينب
تگلي بوبه خلينيه

ولدنه ولدنه .. ايرافگهم سم وحافر
بعدنه بعدنه .. محد وي زينب باچر

حزن ملجوم بحزن
مگابله الباب وتون


عباس علاوي البهادلي
محترگ بيتي ودفنت ام بيتي
مو الزهره فارگت عافيتي

البگه بعمرك لحد يحاچيني
شيعتها وراح اشيع اسنيني

__
الد
افن الزهره يضل ابلايا حيل
بعينه مايطلع صبح يگضيها ليل
الحاط بيه كل امنياتك من يموت
اهنانه عينك للدمع تفتح سبيل

انا قالع خيبر ويلچمني باب
ابو اتراب وفاطمة جوه التراب

الحزن ملح وازاد بينه وبيني
شيعتها وراح اشيع اسنيني
__

ياوطن ضليت من بعدچ غريب
المرض شدحيله لان مات الطبيب
وجهي جان يغار من عنده الخظار
وهسه موسم حزن بيه وزرع شيب


انا حتى احلامي متغطيه ابدمع
الزهره لو ردت اصيرلها ضلع

لمن راحت كلشي مات ابعيني
شيعتها وراح اشيع اسنيني

____
انا اول مره أحسّن مو علي
چنت بالزهره اشوفن كل هلي
لامُحمد لا الزهره وين اروح
والمدينه مگبره صارت الي

حرت بين ال ها تجي وها ماتجي
علي ضل يافاطمه ابعازة علي

سعفه وبكيفه الهوا ايمشيني
شيعتها وراح اشيع اسنيني

__

اخ اخ الليل يگضي من يمر
من اشوف الباب كلي انعصر
انا مجبور اعلى ضلتي بهالحياة
عيشت ابخور ويخلونه ابگبر

راح وكت الخير ذاك ام الحسن
اضلوعي حنيت منجل اعليچ انحنن

ألزهره التضحكني واتبچيني
شيعتها وراح اشيع اسنيني
____

اهلال صرت وچنت من اتمشى سيف
بيّه كسرة خاطر ايداويها طيف
عشت وي وادم ولاترهم وياي
مثل چلمة لا هلا ابنص المضيف

عيدهم لو مر عليّ موسم حزن
ناس فرحانه على كلمة وأن

اجدامي بس الگبرچ اتوديني
شيعتها وراح اشيع اسنيني

عباس علاوي البهادلي
#ثكيل_لصاحب_الزمان
#_مصطفى_صادق_اللامي

حبك وادي وانه بغير وادي
يمته غيبتك تنفي رقادي

يمته اثبت على حالة وياك
مو ساعه ابجي وساعه وانساك

يا صاحب الزمان..يا صاحب الزمان
.................................................................
شمعه اعلشباج الامل سهرانلك تدري
وريح الخطيئة غيرتّ نار الهوه بصدري
ساعه اشتعل ساعه انطفي امعلعل خلص عمري
ومن الذنب اقبح وامر يا سيدي عُذري

ورغم ذنبي احبك..حبيبي يمهدي
ودرب جاي ادور..لرضاتك يودي
اريد الگه نورك..ودمعتي اعلخدي

ياخذني الوكت بس من اذكرك
بمشاعر صادقه ابجي وادورك

من‌ كل گلبي امن ابدي انعاك
مو ساعه ابجي وساعه انساك
...................................................................
بعز ذنبي تعرض مستحه وابدي ابجي واتعذر
لون البياض امن الذنب بنص روحي ضل يصغر
جا وين اكعدك سيدي ومس گلبي ريح الشر
مضطر و ادور نضرتك يا سامع المضطر

أنه ابلا خدمتك..يمس روحي كل ضر
واخاف امن اذكرك..اغربنك اكثر
لان بس سوادي..بقه بگلبي يكبر

ويغربّك كل سواد ذنوب ادري
الحگ يابوصالح نجّي أمري

گلبي ابيض رجعّه بذكراك
مو ساعه ابجي وساعه انساك
.............................................................................
ليلية اللومن بالگلب يا مهدي و اتلوه
بمروتك يا سيدي وانتو اهل المروة
من شب على شيء وكبر طبعه يضل هوه
وما ريد اشبن مبتعد عن طاعتك فدوة

سفن گلبي غرگت..وبياضك نجاته
اليشيب لمصابك..مشيبه شحلاته
شعضمها التجيله..اعلگبره بمماته

اموت وتحيى الاموات بطلعتك
واضل بگبري ما حصل نصرتك

رايد مولاي اتلگاك
مو ساعه ابجي وساعه انساك
...........................................................................
صح گلت احبنك گبل بس مستحي وصابر
امنيتي احبك تنحجي وانه  بگلب طاهر
مولاي ثبّت خدمتي لا انحسب عابّر
وبدل برودي وحيرتي  بحرورة العاشر

الى يمته احيرن..بذنب مو مصايب
شوكت حيرتي تضل..غربتك يغايب
بعطاشه المخيم..بمنام الخرايب

انه الما يوم سائل روحي مولاي
امامج هم عطش هم شارب الماي

وين الله يعاشرني اضماك
مو ساعه ابجي وساعه انساك
...........................................................................
بسم العٍطش يم النهر والطاحت جفوفه
ادخيل اطب برحمتك جر گلبي من خوفه
يا مهدي ما سامع گبل بدخيلك تعوفه
وبسم الرضا اطلب رضا وحب عامره جروفه

اخذ گلبي بيتك..واخذني اعلنوحي
اريد بندبتك..تخليلي روحي
وجسر بيني بينك..دمعتي وجروحي

مد اوتاد حزنك بيه مولاي
وجرني لوادي حبك امنيه هاي

ويثبت حالي ابجي لمبجاك
مو ساعه ابجي وساعه انساك
ثگيل |صاحب العصر والزمان|

المهدي ألنه يمر
أمنيـة هالـعمر

وي البقيّه...نگعد سويه

أمنية هالعمر

__

هو المضيع امامه مثل المضيع الهوا
الدنيا ماتفرق ابعمره ميت وعايش سوه
علتي ماشايف المهدي وانا منتظره دوه

اليمته بالنُدبه لقائي دليني بيك واجيك
عجّل اللهم بلكت لحظه الزمها أديك

أنطيني منك خبر
ضلمه وأنت الگمر

تنظر عليه...نگعد سويه
أمنية هالعمر
_
تحظر بكل المجالس والمصيبه ما اعرفك
محد اليمسح دمعتك عالحزن محد يصبرك
مامقدمين الك كلشي وانته قدمت النه عمرك

كلمة شلونك بسيطه وننسه نحچيها الك
عندي تقصير ابدعائي حتى من اتوسلك

تسوه كل الاهل
أنته النه أمل

تلزم اديه...نكعد سويه
أمنية هالعمر
___
امن انسأل وينه أمامك روحي ياكلها الخجل
انا وي الاهل عايش وهوه ماضل عنده أهل
شاب بعده وظهره محني وشيبه باللحيه انشتل

ڤي عباتك رحمة الله المامنها يحصل ابد
كلشي من گلبي نزعته واسمك الوحده گعد

گلبي علّگ وشم
المهدي بس المهم

هجرك أذيه...نگعد سويه
أمنية هالعمر
___

شايل الحنًيه كلها المهدي مومالت هجر
حتى لو عوچيتي بيدي الك راح ابقه انتظر
فدوه دليني ابضياعك وياك اريد أگضي العمر

تايهه اللاگيله غيرك يابقية الله الوحيده
الماتصير أنته أمنياته هذا ياخير اليريده


لفضة اسمك هلا
ياعـطـر كربــلا

العافك خطيه...نگعد سويه
أمنية هالعمر
____
الموت اذا ياخذني عنك الگبري أمنيتي تجي
نگعد ونذكر رقيه وعالسبي نشبع بچي
ضلعك ايلچمك ابحافر لو بحايط تنتچي

وابدي اداويلك جِروحك حدما يطيب الجرح
ضلمه كل الدنيا احسها أنت بس وحدك صبح

بُعدك قضيه...نگعد سويه
أمنية هالعمر


خادم أم البنين:
عباس علاوي البهادلي

لطلب اللحن: @A_AM0
ضلعي ايصبّر ضلعك باچر
والباب اهون من الحافرر
الجسمك كل الطف ايناطر..ضم اضلوعك

يمه موسم بوگ باچر ضمهن اهدومك واديك
حاول اتلم گوه جسمك سحگ بلكي ايخف عليك
ماكو شي بالگاع طايح. حجر نبله كلها بيك

حيلك شدّه....اركضلك بس ما اگدر..حط ايدك فوگ المنحر..ليذبحونك

حيلك شدّه...اتحمل يمه ولاتتعب..مو سهله اتشوفك زينب ..ويسلبونك

صحت الفضه وسندت ايدي
ياهو ايسندك اه ياوليدي
الجسمك كل الطف ايناطر..ضم اضلوعك

__
مغر
ب العاشر عذابك اانت تبقى ابلا دفن
راح اكض ضلعي واجيلك يمه بس ماتنحضن
شلون الولييلك وانومك بلا راس ولا جفن


تبقه ابوحدك..محد يدفنها اوصالك.ولا فوگك تبجي اعيالك .. محد غطّاك

تبقه ابوحدك..حتى الراس ايسلبونه..وبس احجار ايشبعونه..الله الوياك

غمّض عينك مهما تگدر
من اتشوف ابنيتك تعثر
الجسمك كل الطف ايناطر..ضم اضلوعك
___
قُل أعوذُ من اليذبحك من الگفه تلچمني هاي
تعطش ومحد يشربك كلها صاحت ماكو ماي
الرمل يچوي وانته عاري منين اجيبلك فياي

متعاجز حيل..اليگطع خنصر عالمحبس..وانت تشوفه وتتنفس..لمن گطعوه

متعاجز حيل..اليذبح نحرك ماسمّه..عالكيف وحتى ايلچمه ..بالحر خلوه

تابوتك مومثل الوادم
ايلمونك ماضل شي سالم
الجسمك كل الطف ايناطر...ضم اضلوعك
____

ما أكولن أخ يمك عالوجع اصبر واكابر
لاتصبر اضلوعي يمه منو يصبر بيك باجر
نزف بسماري گطعته لچن شيوگف الحوافر

ريجك ينشف...وفايض دمك بالهيمه..و عينك تنظر عالخيمه..عالعلويات

ريجك ينشف..لو جابو نوگ الهزّل..جسمك وعيونك تذبل عالمسبيات

لو صعدت سكنه اعلى الهزله
اتگلهم لوجه أحسين انگله
الجسمك كل الطف يناطر..ضم اضلوعك

...................

اتگوم واتطيح ابمكانك من يحرگون الخيام
اسهامك اتثگلك ييمه وياهو يشلعها السهام
وراح تسمع صوت طفله گوم بويه لاتنام

كلها اتريدك.. اتصير المن واليا طفله..لو للحافر والنبله
الحزت نحرك

كلها اتريدك..بس مو لله ايريدونك..ايعطشونك ويذبحونك تغفى برمحك


ضلعي وضلعك نفس الذكره
ابن الزهره نفس الزهره
الجسمك كل الطف يناطر..ضم اضلوعك


عباس علاوي البهادلي
#_يا_أم_البنين

يااعباس...ياعباس

شدحيلك وشد الوفه وارفعلي راس حسينك
شيل الارض فوگ السمه لوصاح باچر وينك
لتخلي بس سيفك يطگ طيّح القاده ابعينك

ياچلمة الحگ والبخت
منك زلمهم صوفرت
ماكو مدى الوقت الحرب
لمن تطب يعني انتهت

أنت يمعلم الزلم عالمرجله
يمه منك رايده هل مسأله
كربلا تطبگها اريد بكربلا

__

ريشاتك اتوگف الهوا لو رفرفن وي العلم
حزمتك براية علي كلمن وكف ضدك عدم
ضهظب وشبعهم ركض من الشريعه للخيم

سيفك تتعبه ابيمنتك
فوگ الجثث دك رايتك
بيك افتخر لو صيحوا
ام البنين الجابتك

انت سبع الكنطره وسبع الارض
الخوف منك والصلاه نفس الفرض
كلها تسكت من تهد بس (النبض)

__

يالعزبتلك بالوفه عزبلي روس وعسكر
ياحيل ابوك وهيبته يالطولك ايغطي النهر
من الجندي حد اكبر شخص راس برجل خل تعثر

اگطع نسلهم من تهد
دخن وخلي الطف يشد
مو خالي ترجع للخيم
ابروس قادتم ترد

الميمنه والميسره حط الرعب
يمه من اعيونهم ضيع الدرب
كلها سهله بالحرب وانت الصعب

__

اتمرجل
ولاتركب مهر واختار بس اليسوه
بيك اعرف من اتطب حرب الا بمعسكر تروه
استعرض اكبال الخيم وتصيح زينب تگوه

الكل تنحني وانت الجبل
بعيونك اشمحله الزعل
دگهم مثل دگ اكهوه
يمه ابجثثهم سوي تل


مثل حيدر خلي صيدك للثگال
يبني هز الدنيا باشباه الرجال
ابمهدگ وگلبك يرف اعلى النزال
___

شما تستطف جيوش العده تنحل اذا اسمك يمر
السبعين الف لوشافتك يمكن يضل منهم (صفر)
فرّع ولبسهم شيل واعلن على الطف الحظر


صنفك ولا مثله صنف
من رجلك الطف ينخسف
ياجامع الحب والحرب
انت القوي وانت الترف


كلشي بارد يمه بس راسك الحار
هواي أبني الگمر مو مال اختصار
بس خَيالك بيهم ايبين انكسار


خادم ام البنين ع

عباس علاوي البهادلي
ألبسو السواد وأعلنوا الحداد

فأنها أم العباس عليه السلام 💔
كتاب فيه نبذه مختصرة عن تاريخ مولاتي
أم البنين عليها السلام