.
ပူတင့်အနေနဲ့
အာဏာဆက်မရှိစေရဘူး... လို့
ဘိုင်ဒင့်ပြောကြားချက်ဟာ
ဗလာဒီမာပူတင်ကို အတော်လေး
ဒေါသထွက်စေခဲ့တယ်၊

နိုင်ငံခြားရေးဝန်ကြီး ဘလစ်ကင်က
အမေရိကန်မှာ ရုရှားအစိုးရအပြောင်းအလဲအတွက်
မဟာဗျူဟာ ရှိမထားပါဘူးလို့...
သမ္မတအပြောအဆိုမှားမှုအတွက်
ပြန်ဖာထေးနေရတာကိုတွေ့ရတယ်၊

ဘိုင်ဒင်ဟာ
အမေရိကန်သမ္မတများသမိုင်းမှာ
စွမ်းဆောင်ရည်အနည်းဆုံး
​ထောက်ခံမှုအနည်းဆုံး
စကားပြောအမှားဆုံး
သမ္မတတဦးဖြစ်လာလဲခဲ့ပါတယ်။

#BaMaung

.
#ညှိနှိုင်းမှုတိုးတက်လာ

တူရကီမှာလုပ်တဲ့
ရုရှား-ယူကရိမ်း (၂) ဖက်ညှိနှိုင်းမှု
တိုးတက်တယ်လို့ဆိုရပါလိမ့်မယ်၊

ယူကရိမ်းဖက်က -
" ရုရှားတပ်တွေ အကုန်ဆုတ်ခိုင်းဖို့တော့
လုံးဝဖြစ်နိုင်မှာမဟုတ်ဘူး " လို့ဆိုတယ်၊

ရုရှားဖက်ကလဲ -
" ညှိနှိုင်းမှုဟာလက်တွေကျဖို့လိုတဲ့အတွက်
ကျွန်တော်တို့ တိုက်ခိုက်မှုတွေကို
လျော့ချထားလိုက်ပါတယ် " လို့ပြောတယ်၊

နှစ်ဖက်ညှိနှိုင်းမှုမှာ ကနဦးသဘောတူကြတာက -
✅ ယူကရိမ်းအနေနဲ့ (အနောက်မယိမ်းတဲ့)
ကြားနေနိုင်ငံအဖြစ်ရှိပေးရမယ်၊
နိုင်ငံတကာအာမခံချက်နဲ့ နျူလက်နက်
မပိုင်ဆိုင်တဲ့ လွတ်လပ်နိုင်ငံဖြစ်ရမယ်။

✅ ယူကရိမ်းအနေနဲ့ ဒွန်းဘတ်(စ) နဲ့
ခရိုင်းမီးယားကို ပြန်မသိမ်းပါဘူးဆိုတဲ့
ဂတိပေးရမှာမှာဖြစ်ပြီး၊ နိုင်ငံတကာကလဲ
အာမခံပေးရမယ်။

✅ ယူကရိမ်းနယ်မြေပေါ်မှာ
ရုရှားစစ်တပ်ရော၊ နေတိုးစစ်တပ်ရော
လုံးဝမထားရှိရ။

ဒီနေရာမှာ စကားပြောရမှာတွေ
အတော်ရှိလာတယ်၊ ကိယက်ကို တလကျော်တဲ့အထိ
ရုရှားဖက်က မသိမ်းနိုင်သေးတာနဲ့
ဆက်စပ်ပြီး မေးခွန်းထုတ်စရာတွေလဲ
ရှိလာတယ်၊ High tech warefare မှာ
ရုရှားကို အနောက်အုပ်စုဖက်က
စိုးရိမ်ရတဲ့အခြေအနေရှိထားတာမှန်ပေမဲ့
မြေသိမ်းတိုက်ပွဲနဲ့ သမရိုးကျတိုက်ပွဲမှာ
ရုရှားစစ်ဆင်ရေးဟာ ပြောစရာဖြစ်ခဲ့တယ်၊
တချို့မြို့တွေကို ယူကရိမ်းဖက်က
ပြန်သိမ်းသွားတယ်၊

အဆိုးဆုံးက
ရုရှားစစ်ဖက်နဲ့ ထောက်လှမ်းရေး
ထ်တ်ပိုင်းမှာ ဖရဲသီး အကြီးစားတွေ
စိမ့်ဝင်ခံလိုက်ရတာပဲ။

#BaMaung (30.3.22) 🍉

ဥရောပအနေနဲ့
ဓါတ်ငွေ့ဖိုးကို
ရူဗဲလ်နဲ့ပေးချေဖို့အတည်ပြုချက်
မနက်ဖန်နောက်အကျဆုံးပဲစောင့်မယ်တဲ့၊

မနက်ဖန်အထိ
အတည်ပြုချက်မပေးနိုင်ရင်
ဓါတ်ငွေ့ကိုပိတ်လိုက်ပါတာ့မယ်၊

$ အရာကို
နန်းချပစ်လိုက်တဲ့လုပ်ရပ်ပါ။

#BaMaung

.
#အခက်တွေ့နေတဲ့ဥရောပ

ဥရောပအတွက်
ဓါတ်ငွေ့ဟာ တလစာပဲကျန်ပါတော့တယ်၊

ရုရှားဓါတ်ငွေ့ကိုလိုချင်ရင်
ရူဗဲလ်နဲ့ပေးချေရမယ်ဆိုတဲ့
" ဒေါ်လာနန်းချ " ပူတင့်အမိန့်ကြောင့်
ဥရောပအနေနဲ့ စိန်ခေါ်မှုကို ရင်ဆိုင်နေရတယ်၊

ဗာတီကန်၊ ဂျာမဏီတို့ကတော့
ရူဗဲလ်နဲ့ပေးချေဖို့ သဘောတူညီလိုက်ကြပါပြီ
ဥရောပအတွင်း ကွဲပြားမှုတွေပေါ်ထွက်လာတယ်၊

- ရုရှားဓါတ်ငွေ့နဲ့ရေနံကို ပိတ်ဆို့၊ မဝယ်ယူရေး
မအောင်မြင်နိုင်တော့ဘူး
ဂျာမဏီ၊ အီတလီလို ရာနှုံးများစွာ (၄၆%)
မှီခိုနေရတဲ့ နိုင်ငံတွေအတွက် ခက်ခဲလွန်းနေတယ်၊
- ဒေါ်လာနန်းချ လုပ်ရပ်ကိုမလိုက်လျောရေး
( ဒေါ်လာ vs ရူဗဲလ် )က
အမေရိကန်ကိစ္စသာဖြစ်ပြီး၊ ကိုယ်နိုင်ငံပြည်သူတွေ
အတွက်အဓိကဖြစ်နေလို့ ဝိဝါဒကွဲပြန်တယ်၊
- ရူဗဲလ်တန်ဘိုး အလွန်အမင်းကျဆင်းစေပြီး
ရုရှားစီးပွားကို ထိခိုက်စေဖို့လုပ်ရပ်မှာ
ဓါတ်ငွေ့ကို ရူဗဲလ်နဲ့ပေးချေရမယ်ဆိုတော့
ရုရှားသုံးငွေ လိုအပ်ချက်မြင့်မားလာစေပြီး
တန်ဘိုးပြန်တက်လာတဲ့အတွက် အမေရိကန်ရဲ့
ဗျူဟာအပေါ် ကွဲပြားမှုတွေရှိလာတယ်၊

( စာရေးသူရဲ့အမြင်အရဆိုရင် တဒေါ်လာကို
90-95 ရူဗဲလ်လောက်ဖြစ်တာ သဘောကျတယ် )

...........

ယူကရိမ်းစစ်ပွဲကြောင့်
ကမ္ဘာ့င်္စးပွားရေးကို "ဆယ်စုနှစ်များစွာ " ပြန်ပြီး
တည့်မတ် ဆယ်တင်ရလိမ့်မယ်လို့
ရှီကျင့်ဖျင်က မှတ်ချက်ပြုထားပါတယ်၊

လောလောဆယ်
ဥရောပကြီး ဘာလုပ်ပါမလဲ ?
ဒေါ်လာကိုပဲ ဦးဆက်ခိုက်မလား ?
ရူဗဲလ်ကိုပဲ ဒူးထောက်ပေးမလား ?
ဒေါ်လာ ပလ္လင် ငလျင်တော့လှုပ်နေပါပြီ။

#BaMaung (2.4.22) 🤒

.
#ယူကရိမ်းစပြိုပြီ

အနောက်အုပ်စုရဲ့ အထွေထွေပံ့ပိုးမှုနဲ့
ရုရှားရဲ့ထိုးစစ်ကို ပြင်းပြင်းထန်ထန်
ခုခံပြီး၊ ရုရှားတပ်ကို အထိနာစေခဲ့တဲ့
ယူကရိမ်းကို....

ကိယက်ကတပ်ဆုတ်၊ ပြန်လည်စုဖွဲ့
တပ်မှုးပြောင်း၊ ဗျူဟာပြောင်းပြီး
အချက်အခြာကျတဲ့ မာရီယူပိုကို
ထောက်ပံ့ရေးလမ်းကြောင်းဖြတ်တောက်
ပြင်းပြင်ထန်ထန် ထိုးစစ်ဆင်ခဲ့ရာမှာ-

အစာရေစာ၊ လက်နက်ခဲယမ်း
ပြတ်တောက်သွားတဲ့ ယူကရိမ်းစစ်သည်
(၁၀၀၀) လက်နက်စချတယ်၊
မကြာခင်မှာ မာရီယူပိုကို ရုရှားဖက်က
လုံးဝထိမ်းချုပ်သွားနိုင်တော့မှာဖြစ်ပြီး
အနောက်အုပ်စုသတင်းတွေကလည်း
မာရီယူပိုဟာ ရုရှားတွေလက်ကို
ကျတော့မှာဖြစ်တယ်လို့ ထိတ်လန့်တကြား
ရေးသားလာကြတာတွေ့ရတယ်၊

ချေချင်ညာခေါင်းဆောင်က
ပူတင့်ရည်မှန်းချက်ဖြစ်တဲ့ ကိယက်အလှည့်
မကြာခင်လာတော့မှာပါလို့ ပြောထားပါတယ်။

ရုရှားဖက်က-
ယူရိမ်းကို ထောက်ပံ့နေတဲ့ မည်သည့်
ထောက်ပံ့ရေးလမ်းကြောင်းမဆို
တရားဝင်တိုက်ခိုက်နိုင်တဲ့ စစ်ရေးပစ်မှတ်အဖြစ်
ချေမှုန်းသွားမယ်လို့ သတိပေးထားတယ်၊
ယူကရိမ်းစစ် တတ်နိုင်သလောက်
ခုခံရှည်ကြာနိုင်ဖို့အတွက် အမေရိကန်က
$ 800 million ဖိုးကို
ဆက်လက်ထောက်ပံ့ဦးမယ်လို့ ဆိုပါတယ်၊

မာရီယူပိုကျသွားရင်
စိတ်ပိုင်းဆိုင်ရာကအစယူကရိမ်းဖက်မှာ
အတော်လေးထိခိုက်သွားမှာဖြစ်ပါတယ်။

#BaMaung (15.4.22) 🤠

.
#ဝန်ချုပ်ရာထူးကပါထွက်ပေးရပါပြီ

ပထမ ပါတီခေါင်းဆောင်ကထွက်ပြီး
ဝန်ချုပ်ဆက်လုပ်မယ်လို့ တင်းခံနေပါသေးတယ်၊

အခုတော့
ဝန်ချုပ်ရာထူးကပါ ထွက်ပေးဖို့
သဘောတူလိုက်ပြီလို့ သတင်းတက်ပါတယ်၊
သူရင်ဆိုင်လိုက်ရတဲ့ နိုင်ငံရေးအကြပ်အတည်းက
အရင်အစဉ်အလာမရှိခဲ့တာမျိုးပါတဲ့။

နောက်ဆက်ခံမဲ့
ဝန်ကြီးချုပ်အသစ် အမည်စာရင်း
မတင်သွင်းသေးခင်အထိတော့
ဆက်ရှိနေပေးဦးမှာပါတဲ့။

( နက္ခတ်တွေ အလုပ်လုပ်တယ်နော် )

#BaMaung

.
#အီတလီလဲ_သွားပြန်ပေါ့

စီးပွားရေးကျဆင်းမှုဒါဏ်ကြောင့်
အီတလီဝန်ကြီးချုပ် Mario Draghi လဲ
သူ့နှုတ်လွှာကို ဒီနေ့တင်သွင်းတော့မယ်တဲ့၊

Domino သက်ရောက်မှုတွေ
ဥရောပဖက်မှာ အစွမ်းပြလာပြီ။

#BaMaung ( 21.7.22 ) 🤒

.
ဟန်ဂေရီကတော့...

ဓါတ်ငွေ့ရရေး... ဒို့အရေးလုပ်သွားပြီ
အဲ့ဒီတော့
အနောက်အုပ်စုရဲ့
Sanction ကထိရောက်မှု " ရှိလား-မရှိဘူးလား "
ဆိုတာပေါ်လွင်သွားပြီ၊

အခြား ဥရောပနိုင်ငံတွေကလဲ
ရုရှား အက်ဆက်တွေကို ထိမ်းချုပ်ထားရာကနေ
ဖြေလျော့ပေးလိုက်ပြီး
အရေးယူပိတ်ဆို့မှုအချို့ကိုလဲ
ဓါတ်ငွေ့ရရေးနဲ့ အပေးအယူလုပ်ပြီး
ဖြေလျော့တာတွေ လုပ်လာနေပါပြီ၊

ဆော်ဒီလိုနိုင်ငံကတောင်
အမေရိကန်ကို ကန်ပြီး
ရုရှားနဲ့ပူးပေါင်းသွားတယ်ဆိုလေတော့
မြင်ကွင်းက ရှင်းသွားလောက်ပါပြီ။

#BaMaung ( 22.7.22 ) 😅

.
#ပလိုစီမှ_ပလုံစီသို့

ဩဂုတ်လအစောပိုင်းမှာ
ဂျပန်ကိုသွားမယ်လို့ ကျိုဒိုက
သတင်းထုတ်လိုက်တာဟာ

ပလိုစီကို ပလုံစီဖြစ်သွားစေသလားလို့
မေးရပါတော့မယ်၊

ပရိုတိုကောအရ
ပလိုစီဟာ အမေရိကန်မှာ နံပါတ် (၃) အဆင့်
ဖြစ်ပြီး၊ လေယာဉ်တင် သင်္ဘောအပါ
သင်္ဘောအုပ်နဲ့ အစောင့်အရှောက်
အပေးခံရသူပါ။

မြန်မာ့အရေးမှာ ဆယ်စုနှစ်ချီ
ဒုက္ခပေးခဲ့တဲ့ ပလိုစီတို့
မစ်ချ်မက်ကော်နယ်တို့လဲ
ထိုင်ဝမ်အရေးနဲ့ကျမှ ယုန်သူငယ်ဘဝ
ရောက်ကြရကုန်တော့တာပါပဲ၊

#BaMaung ( 29.7.22 ) 🤣

.
#တိုက်ဆိုင်မှုလို့ပဲ_သဘောထားရမှာလား ?

အိမ်ဖြူတော်အနား မိုးကြိုးပစ်တယ်
မကြာပါဘူး
ထရမ့်အိမ်ကို FBI တွေဝင်စီးပါလေရော
စာရွက်စာတမ်းတွေ ပုံမှာမြင်တဲ့အတုင်း
သိမ်းသွားလိုက်တာ မနည်းဘူး၊

FBI ဒုတိယအကြီးအကဲဟောင်းက
သမ္မတဟောင်းတဦးရဲ့နေအိမ်ကို
ဒါမျိုးဝင်စီးတာ အစဉ်အလာမရှိခဲ့ဖူးဘူး
သူသာ FBI အကြီးအကဲဆိုရင်
ခွင့်ပြုမှာ မဟုတ်ဘူး လို့ပြောတယ်၊

Buck Sexton က -
" ဒါဟာ လက်ဦးမှုရယူပြီး
အာဏာသိမ်းတာ "
... လို့ ပြောပြန်တယ်၊

အစဉ်အလာမရှိခဲ့တာတော့အမှန်ပဲ
အမေရိကန်လိုနိုင်ငံမျိုးမှာတောင်
အာဏာမဲ့ရင် မရေရာတော့ဘူးဆိုတဲ့
အသိဝင်သွားခဲ့ကြရင်...

ဘာတွေဆက်ဖြစ်လာကြပါမလဲ ?

#BaMaung ( 9.8.22 ) 😅

.
#အချက်ပြတခုလို့_ယူဆနိုင်ပြီလား ?

ထိုင်ဝမ်ကို ထိမ်းချုပ်တဲ့အခါမှာ
တရုတ်အနေနဲ့ စစ်တပ်နဲ့
အုပ်ချုပ်ရေးပိုင်းတွေ စေလွှတ်ခြင်း
မပြုပါဘုးဆိုတဲ့ ဂတိဂဝတ်ကို
တရုတ်ဖက်က ရုပ်သိမ်းလိုက်ပါတယ်၊

စစ်ရေးနီးပြီဆိုတဲ့ သဘောမျိုးလား ?

#BaMaung ( 10.8.22 ) 🤒

.            #ကုထုံးကြမ်းပြီ

အမေရိကန်ဒေါ်လာ တန်ဘိုးတက်လို့
ဈေးမာတာက တပိုင်း
ဈေးကစားလို့ ဖြစ်သင့်တာထက်
ပိုသွားတာက တပိုင်း၊

ရောဂါတိုင်းမှာ
ဆိုင်ရာ ဆေးနည်းတွေရှိပါတယ်၊
​ဘေးထွက်ဆိုးကျိုးနည်းအောင်
ခပ်ပျော့ပျော့ ဆေးနည်းနဲ့
မအောင်မြင်ရင်
ခပ်ပြင်းပြင်းဆေးနည်းရှိတယ်
ခပ်ပြင်းပြင်းနဲ့မှမရရင်
ဆေးကြိမ်လုံးတွေလဲ ရှိပြန်တယ်၊

မြင်ရသလောက်တော့
ဆေးပြင်းပြင်းသုံးလာပြီလို့ ယူဆတယ်၊
အရင်က အနာတခြား ဆေးတခြား
အခု... အနာနဲ့ဆေး နီးလာပြီ။

#BaMaung ( 28.8.22 ) ☺️

ပူတင်ကိုဖြုတ်ချဖို့
လွယ်တယ်များထင်လို့လား ?
ခေါင်းဆောင်တဦးကို
ကြိုက်သူရှိသလို
မကြိုက်သူလဲရှိကြတာပဲ
ဒါကသဘာဝတရား
အများစုကြိုက်ဖို့ပဲလိုတယ်။

ပူတင့်ကြောင့် ရုရှားနိုင်ငံတိုးတက်ခဲ့တယ်
အနောက်အုပ်စုကတောင်
ပြန်ခန့်ငြားလာရတယ်
ဒါ... သူ့အရည်အချင်း
ရုရှားမှာ နီပိတ်တွေမများဘူး။

#BaMaung ( 14.9.22 ) 🤓

.        #တရားဝင်မှုဆိုတဲ့ Legitimacy.

ဒွန်းဘတ်(စ) ကို ရုရှားနဲ့ပေါင်းစည်းရေး
ပြည်သူ့ဆန္ဒခံယူဖို့လုပ်မယ်ဆိုတော့
NATO အကြီးအကဲက ပျာပျာသလဲ
ကန့်ကွက်တယ်၊
အရေးယူပိတ်ဆို့မှုအသစ်တွေကိုလဲ
ထပ်တိုးမယ်လို့ခြိမ်းခြောက်လာတယ်၊
ပူတင်ကတော့ ဂရုစိုက်မှာမဟုတ်ပါ၊

လှတဲ့အကွက်တခုက
Donbass အနေနဲ့  SCO နဲ့ BRIC တို့ရဲ့
သဘောထားကိုထုတ်ဖေါ်ပေးဖို့
တောင်းဆိုလိုက်ရော...
SCO ရော BRIC ရောက
" လျှော်ကန်သင့်မြတ်လှကြောင်းပါ
   ချွင်းချက်မရှိ သဘောတူညီပါကြောင်း "
ထုတ်ဖေါ်လိုက်ပါပြီ၊
Legitimacy ကိုရယူသွားခြင်းဖြစ်ပါတယ်၊

စစ်ဖြစ်ဖြစ်ချင်း
အနည်းဆုံး ဒွန်းဘတ်(စ)တော့ပါလိမ့်မယ်
တဆင့်မြင့်ရင် ကမ်းရိုးတန်းနယ်မြေတွေ
ထိမ်းချုပ်ခံရမယ်၊
အမြင့်ဆုံးကတော့ ကိယက်အစိုးရကို
ဖြုတ်ချ၊ ပူတင့်လူထား၊ ရေရှည်ညှိဖို့
ရုရှားတပ်တချို့ချန်ထားလိမ့်မယ်လို့
အင်တာဗျူးမှာဖြေပေးထားခဲ့တာမှာ
(၂) ဆင့်ကတော့ဖြစ်လာခဲ့ပါပြီ၊
နောက်ဆုံးအဆင့်ကတော့
ပူတင့်အနေနဲ့လဲ မုန်တိုင်းကြီးတခုကို
ခဲရာခဲဆစ်ဖြတ်သန်းရပါလိမ့်ဦးမယ်။

#BaMaung  ( 21.9.22 ) 🤨

.      #တင်ပိုမြင့်လာတဲ့နယ်စပ်အရေး

အိမ်ဘေးက ဟာစီနာ
UNGA - UN General Assembly
သွားတက်တယ်၊
ကမ္ဘာ့အရေး   (၆) ချက်နဲ့
မြန်မာ့အရေး (၅) ချက်ကို
နတ်သံနှောပြီး ပြောသွားတယ်၊

မြန်မာ့အရေးမှာ
သံတမန်ရေးရာဖက်ကရော
စစ်ရေးအရပါ ပြင်ထားတယ်ဆိုပဲ၊
သာဓုပါဗျာပေါ့၊

ကိုဖီအာနန် စုံစမ်းစစ်ဆေးရေးကိစ္စကိုပါ
အစဆွဲထုတ်လာတယ်၊
ကိုဖီအာနန်ကို တာဝန်ပေးကထဲက
အားလုံးဝိုင်းတားခဲ့ကြပေမဲ့
နိုင်ငံ့အာဏာကိုတလွဲသုံးပြီး
အတင်းဇွတ်တာဝန်ပေးခဲ့တာဟာ
ကြိုတင်စီစဉ်ထားတဲ့ ဇာတ်ညွှန်းတခုဆိုတာ
သိသာလှပါတယ်၊
အခု ဇာတ်ပိုနာလာအောင် အာနန်ကော်မရှင်
အစီရင်ခံစာရဲ့ ဇာတ်ဝင်ခန်းကို
အသက်ပြန်သွင်းနေကြပြီ၊

အန်တိုနီဘလစ်ကင်ကလဲ
ဟာစီနာတို့ကို ထောက်ပံ့ကူညီမယ်တဲ့၊
အင်းလေ...
ယူကရိမ်းဖက်မှာ နှပ်ပစ်ခံလိုက်ရတော့
ဒီဖက်မှာ ဇာတ်ကွက်တခုဖေါ်
ကြရတော့တာပေါ့၊

ဟာစီနာမကြီးက
ဘယ်လောက်လည်တယ်ထင်သလဲ ?
Ro အရေအတွက် (၁.၂) သန်းကိစ္စ မှာ
သူမအနေနဲ့ တနှစ်ကို $ (1.21) Billion
အသုံးပြုနေရပါတယ်တဲ့၊
မီးသွေးခဲ အရေအတွက် (၁.၂) သန်းကို
ပြန်ပို့ချင်တာနဲ့ မရသေးရင်လဲ သူမကို
$ (၁.၂) ဘီလီယံထောက်ပံ့ကြပါလို့
အရှက်မဲ့တောင်းလိုက်တာပါပဲ။

ရုရှားနဲ့တရုတ်
မြန်မာကို ဘယ်ကဏ္ဏက
ဘယ်လိုကူညီကြမလဲ ?
မြင်နေပေမဲ့လဲ ကြိုမရေးချင်တော့ပါဘူး၊
အနောက်အရေးကတော့
သွေးအေးလို့မရတော့တာ သေခြာပါပြီ။

#BaMaung  ( 23.9.22 ) 🤒

. #လာမဲ့နှစ်_ရီဆက်ရှင်

အမေရိကန်မှာ အထင်ကရ ဘဏ်ကြီး
ဖန်နီမေ့ က 2023 အစောပိုင်းမှာ
ရီဆက်ရှင်ဖြစ်လိမ့်မယ်လို့
ပြောလိုက်ပါပြီ၊

2008 ရီဆက်ရှင်တုန်းက
Well Fargo, Fannie Mae စတဲ့
အိမ်ယာမြေအဓိက ဘဏ်ကြီးတွေ
ပြိုလဲခဲ့ဘူးပါတယ်၊

Fannie Mae ရဲ့လေ့လာမှု
စစ်တမ်းအရ အမေရိကန် အိမ်ယာမြေ
အခြေအနေတွေဟာ ရီဆက်ရှင်ကို
ဦးတည်နေပြီလို့ ဆိုထားပါတယ်။

#BaMaung ( 23.9.22 ) 🤒

. ကုလသမဂ္ဂဟာ .......
ကမ္ဘာ့အစိုးရမဟုတ်သလို

အာဆီယံဟာလဲ .......
ဒေသတွင်းအစိုးရမဟုတ်ပါ

နိုင်ငံတိုင်းမှာ
ဆိုင်ရာအစိုးရနဲ့
အချုပ်အခြာ ကိုယ်စီရှိကြတယ်၊
အားလုံးမှာ
တန်းတူအခွင့်အရေးလဲရှိကြတယ်၊

နိုင်ငံတခုရဲ့ ပြည်တွင်းရေးကို
အခြား ဘယ်နိုင်ငံ
ဘယ်အဖွဲ့အစည်းကမှ
ဝင်ရောက်စွက်ဖက်
ဆုံးဖြတ်ခွင့်မရှိသလို...
လိုက်နာစရာလဲ မလိုပါ။

#BaMaung

. #ဒေါ်လာအားပျော့_ရွှေပြန်တက်

သတိထားကြည့်နေတာ
ဒီ Pattern က (၂) ကြိမ်ရှိသွားပြီ၊
ပထမတကြိမ်မှာ အတိုးနှုံးမြှင့်တာ
ခဏပဲခံပြီး၊ ဒေါ်လာ အားပြန်ပျော့သွားတော့

" အမေရိကန်စီးပွားရေး အခြေခံ
အားမကောင်းလို့ $ တန်ဘိုးပြန်ကျမယ်"

..... လို့ရေးခဲ့လိုက်သေးတယ်၊

ပြီးခဲ့တဲ့တခေါက်မှာ အတိုးနှုံး
ထပ်မြှင့်လိုက်သေးတယ်၊ အညွှန်းကိန်းက
114.5 အထိလားမသိဘူး... စံချိန်တင်
တက်သွားတယ်၊

မနေ့က
အမေရိကန်ကူန်ထုတ်လုပ်မှု အညွှန်းကိန်းက
ထင်သလိုဖြစ်မလာပဲ ကျသွားတယ်၊
$ အညွှန်းကိန်းလဲ 114.5 ➡️ 111 အထိကျတယ်၊
ဒေါ်လာတန်ဘိုး ပြန်ကျသွားတယ်ပေါ့၊
$ တန်ဘိုးကျသွားတာနဲ့... ရွှေက $ 1614 ကနေ
(၂) ရက်အတွင်း $ 1724 ( ရေးချိန်အတွင်း)
တဟုန်ထိုးတက်သွားပါတော့တယ်၊

..........

#ဘာဖြစ်လာမလဲ ?

အတိုးနှုံးကို (၄-၅) ကြိမ်မြှင့်ရာမှာ 3.5% အထိ
ရောက်သွားပြီနဲ့တူတယ်၊ စီးပွားအခြေခံ
အားမကောင်းလေတော့ $ တန်ဘိုးက
မြှင့်သလောက် Level မှာ မနေပဲ
ပြန်ပြန်ကျလာတယ်၊ တနည်းပြောရရင်
Inflation ကို မသတ်နှိုင်ဘူး၊
ဒါပေမဲ့ အတိုးနှုံးမြှင့်ထားပြီးလေတော့
အစိုးရက ဘွန်းတွေကိုပြန်ဝယ်တဲ့အခါမှာ
ငွေပိုသုံးရတော့မယ်၊
မဟုတ်ရင် ဘွန်းတွေထပ်ရောင်းရမယ်
ဆိုလိုတာက အကြွေးပိုထူလာလိမ့်မယ်၊

အကြွေးမချေနှိုင်လို့ ဒေဝါလီခံလိုက်ရင်
တကမ္ဘာလုံး ငုတ်တုပ်မေ့မဲ့ကိန်း၊
Nord Stream ကိုတောင်ဖေါက်ခွဲပြီး
ဓါတ်ငွေ့ဈေးကွက်ကို မျက်နှာပြောင်တိုက်ပြီး
လုခဲ့သေးသူဟာ... ဒေဝါလီမခံဘူးလို့
ဘယ်သူမှမပြောနိုင်ဘူး၊

အမေရိကန်အကြွေးက
အမေရိကန် GDP ထက်များနေပြီလေ...
လူတွေရဲ့သဘောက အကြွေးထူလွန်းရင်
လုပ်ချင်တာ လုပ်တတ်ကြတယ်မဟုတ်လား ❓

#BaMaung ( 4.10.22 ) 😅

#နျူစစ်ဖြစ်ဖို့တော့ခဲယဉ်းလှပါတယ်
ဖြစ်လာရင်လဲ အတော်မချောင်ဘူး
င်္ပျက်စီးမှုက သိပ်ကြီးတယ်၊

WW-2 ဟီရိုရှီးမားမှာသုံးတဲ့ နျူက
TNT - 15 လောက်ပဲရှိတယ်
အခုတီထွင်ထားတာတွေက
TNT - 1000 နဲ့ အထက်တွေ၊

လောလောဆယ် စမ်းသပ်မှုတွေရဲ့
တိုင်းထွာမှုအရဆိုရင် ရုရှားရဲ့
Tzar "ဇာ " ဗုံးက ဖျက်အားအကြီးဆုံးပဲ။

#BaMaung ( 15.10.22 )

ဒါကြောင့်လဲ
အမေရိကန်ရော နေတိုးရော
ကောင်းကင်ထောက်လှမ်းရေး လေယာဉ်ပျံတွေ
ယူကရိမ်းအပေါ် ပလူပျံဖြတ်သန်းနေကြတာကို
တွေ့ရပါလိမ့်မယ်၊
ဗီယင်နာဆွေးနွေးပွဲအပြီး ရလဒ်မထွက်လို့
" အချိန်ဆွဲဗျူဟာကိုလက်မခံကြောင်း
သီးညဉ်းခံနိုင်တဲ့အဆင့်ကုန်ဆုံးပြီကြောင်း"
ရုရှားဖက်က မှတ်ချက်ပေးသလို
သတိပေးလိုက်တာ တွေ့လိုက်ရတယ်၊

တိုက်တိုက်ဆိုင်ဆိုင်
အမေရိကန်ဖက်အနီးတဝိုက်မှာ
ရုရှားရေငုတ်သင်္ဘောအချို့ ကိုယ်ထင်ပြ
ရေပေါ်တက်လာတာလဲတွေ့ရတယ်၊

💥 #ငါးမရရေချိုးပြန်တော့မဖြစ်နှိုင်ပါ

ယူကရိမ်းကိုရုရှားက
စစ်သည် (၂၀၀,၀၀၀) လောက်နဲ့
ခြိမ်းခြောက်ထားတဲ့မြင်ကွင်းဟာ
ဒုတိယကမ္ဘာစစ်နောက်ပိုင်း အကြီးဆုံး
မြင်ကွင်းဖြစ်တယ်လို့ အင်္ဂလိပ်က ပြောထားတယ်၊
ရုရှားအတွက်လည်း
ဒီလုပ်ရပ်ဟာ အသေအခြာတွက်ချက်ပြီးမှ
လုပ်တဲ့လုပ်ရပ်မဟုတ်ခဲ့ရင် အင်မတန်
အန္တရာယ်ကြီးတာမို့ ... " ငါးမရ-ရေချိုးပြန်" မျိုး
တွေ့ရလိမ့်မယ်တော့မထင်ပါ၊

ယူရိမ်းကိစ္စဟာ
ရုရှားရဲ့ဂုဏ်သိက္ခာ
ပူတင်ရဲ့ ဂုဏ်သိက္ခာ ဖြစ်တဲ့အပြင်
ရုရှားရဲ့အနာဂါတ်လဲ ဖြစ်နေတာကြောင့်
တော်ရုံ နေတိုးရဲ့လိုက်လျောမှုနဲ့
ပြီးသွားမယ်လို့ မထင်ပါဘူး၊

💥 #အစွယ်လိုသူ ပူတင်

သုံးမျိုး ဖြစ်နိုင်ခြေရှိတယ်လို့တွက်တယ်
- နေတိုးနဲ့ကြေနပ်လောက်တဲ့ သဘောတူညီချက်
- ယူကရိမ်းက ခွဲထွက်ရေးနယ်မြေ
Donbass ရယူသွားတဲ့အခြေအနေ
- ယူကရိမ်းကို ခေတ္တထိမ်း၊
ရုရှားလိုလားသူကိုအစိုးရတင် ပြီး
နေတိုးကို ဖိအားဆက်ပေးထား၊

ဒိထက်ကောင်းတဲ့
အစီအမံမျိုးလဲ ပူတင့်စိတ်ထဲမှာ
ရှိနေနိုင်ပါတယ်၊
( ကိုယ့်နိုင်ငံအရေးမဟုတ်တော့
ခပ်နက်နက်မတွေးချင်တော့ )

ကဲ... ကိုပူတင်ရေ...
- အစွယ်ပဲ သက်သက်ဖြတ်ယူမှာလား
- မင်းဆဒ္ဒာန်ကို အဆိပ်လူးမျှားနဲ့
အသေသတ်ပြီးမှာ အစွယ်ဖြတ်မှာလား ?

သေဘာက်မိတာတခုကေတာ့
နေတိုးရော အမေရိကန်ရောကို
ရုရှားဆိုတဲ့ တနိုင်ငံထဲကပဲ တလျောက်လုံး
အပေါ်စီးက ဆက်ဆံသွားတာကတော့
တကယ့်သမိုင်းတွင်ဖြစ်သွားခဲ့လေပြီ၊

2022 ယူကရိမ်းပွဲကိုကြည့်ရင်
- Game mastering
- Game planning
- Making Rule of the game

အားလုံးကို
ပူတင့်စိတ်ကြိုက်လုပ်သွားခဲ့တာပါပဲ၊

( ပြန်တင်ပေးသော San San Htay, thx ပါ )

#BaMaung (20.1.22 ) 🤓