"နိုင်ငံတော်စီမံအုပ်ချုပ်ရေးကောင်စီဥက္ကဌ ဖိတ်ခေါ်သည့် ငြိမ်းချမ်းရေး ဆွေးနွေးပွဲကို RCSS ဥက္ကဋ္ဌ ယွက်ဆစ် ဦးဆောင်သည့် ကိုယ်စားလှယ်အဖွဲ့တက်ရောက်ရန် တာချီလိတ်မြို့သို့ ရောက်ရှိ"

နိုင်ငံတော်စီမံအုပ်ချုပ်ရေးကောင်စီဥက္ကဌ ဖိတ်ခေါ်သည့် ငြိမ်းချမ်းရေး ဆွေးနွေးပွဲသို့ တက်ရောက်ရန်အတွက် သျှမ်းပြည်ပြန်လည်ထူထောင်ရေးကောင်စီ (RCSS) ဥက္ကဋ္ဌ ယွက်ဆစ်ဦးဆောင်သည့် အဖွဲ့သည် ယနေ့ (မေလ ၁၉)ရက်နေ့တွင် မြန်မာ- ထိုင်း နယ်စပ် အမှတ် (၂)ချစ်ကြည်ရေး၊တံတားမှတစ်ဆင့် ဝင်ရောက်ခဲ့ကြသည်။

ရှမ်းပြည်ပြန်လည်ထူထောင်ရေးကောင်စီဥက္ကဋ္ဌ (RCSS) ဗိုလ်ချုပ်ကြီး ယွက်ဆစ်ဦးဆောင်သည့်အဖွဲ့အား တာချီလိတ် အခြေချ ဗျူဟာမှူး ဗိုလ်မှုးကြီး မင်းမင်းထွန်း ဦးဆောင်သော အဖွဲ့များ၊ခရိုင်စီမံအုပ်ချုပ်ရေး ဥက္ကဌ ဦးမြင့်နိုင်နှင့် စီမံအုပ်ချုပ်ရေး အဖွဲ့ဝင်များ၊မြို့နယ် စီမံအုပ်ချုပ်ရေး ဥက္ကဌ ဦးတင်ဦးကျော်နှင့် အဖွဲ့ဝင်များ၊ ရှမ်း၊အခါ ၊လားဟူ ၊ဗမာ စသည့်တိုင်းရင်းသားရိုးရာယဉ်ကျေးမှုဝင်များမှ ရင်နှီးနွေးထွေးစွာ ကြိုဆိုခဲ့ကြကြောင်း သိရှိရသည်။

RCSS သည် တစ်နိုင်ငံလုံး ပစ်ခတ်တိုက်ခိုက်မှုရပ်စဲရေးသဘောတူစာချုပ်(NCA)လက်မှတ်ထိုးထားသည့် ရှမ်းလက်နက်ကိုင်အဖွဲ့ဖြစ်ပြီး တွေ့ဆုံဆွေးနွေး ညှိနှိုင်းခြင်းဖြင့် လက်ရှိ နိုင်ငံရေး အကျပ်အတည်းများအား ဖြေရှင်းခြင်းသည် အကောင်းဆုံးနည်းလမ်းဖြင့်ပြီး တွေ့ဆုံဆွေးနွေးရေးအတွက် အပြန်အလှန်ယုံကြည်မှု တည်ဆောက်ခြင်းသည်လည်း မရှိမဖြစ် လိုအပ်ပါသည်"ဟု ဆွေးနွေးပွဲ တက်ရောက်ရန် ထုတ်ပြန်ချက်တွင် ဖော်ပြထားသည်။

တွေ့ဆုံဆွေးပွဲကို မနက်ဖြန် မေ ၂၀ ရက်တွင် စတင်မည်ဖြစ်ကြောင်း သတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ်ဇော်မင်းထွန်းက ယခုပြုလုပ်လျှက်ရှိသည့် (၁၄) ကြိမ်မြောက် သတင်းစာရှင်းလင်းပွဲတွင် ပြောဆိုခဲ့သည်။
#mhtnews

စစ်မှုထမ်းဟောင်းများ၊ မိသားစုဝင်များအတွက် အသက်အရွယ်အလိုက် လုပ်ကိုင်နိုင်မည့်လုပ်ငန်းများ လာရောက်ရင်းနှီးမြှုပ်နှံနိုင်ရေး ဆောင်ရွက်ပေးရမည်ဖြစ်ကြောင်း ဗိုလ်ချုပ်မှူးကြီးမင်းအောင်လှိုင် ပြော"
May 27, 2022 by Myanmar Hard Talk
စစ်မှုထမ်းဟောင်းများ၊ မိသားစုဝင်များအတွက် အသက်အရွယ်အလိုက် လုပ်ကိုင်နိုင်မည့်လုပ်ငန်းများ လာရောက်ရင်းနှီးမြှုပ်နှံနိုင်ရေး ဆောင်ရွက်ပေးရမည်ဖြစ်ကြောင်း နစကဥက္ကဋ္ဌ၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်က ပြောကြားသည်။

ရန်ကုန်တိုင်းဒေသကြီး ဒဂုံမြို့သစ် (တောင်ပိုင်း)မြို့နယ်ရှိ မြန်မာ့သားကောင်း စစ်မှုထမ်းဟောင်းအိမ်ရာ (လေးထောင့်ကန်) တည်ဆောက်နေမှု အခြေအနေများကို သွားရောက်ကြည့်ရှုစစ်ဆေးစဥ် ထိုသို့ ထည့်သွင်းပြောကြားခဲ့ခြင်းဖြစ်သည်။

ဗိုလ်ချုပ်မှူးကြီးက အိမ်ရာအတွင်းပြီးစီးပြီးဖြစ်သည့်အခန်းများ၌ စစ်မှုထမ်းဟောင်းများနှင့် မိသားစုဝင်များ ရောက်ရှိနေထိုင်လျက်ရှိပြီဖြစ်သော်လည်း ရောက်ရှိနေထိုင်ရန် ကျန်ရှိနေသူများအားလုံး ရောက်ရှိနေထိုင်နိုင်ရေး ဆောင်ရွက်ပေးရမည်ဖြစ်ကြောင်း၊ မြို့ပြစီမံကိန်းအသွင် ဆောင်ရွက်နေခြင်းဖြစ်သဖြင့် မိသားစုဝင်များ၏ ပညာရည်မြှင့်တင်ရေး လုပ်ငန်းများကိုလည်း ဆောင်ရွက်ပေးရမည်ဖြစ်ကြောင်း၊ စီမံကိန်းအတွင်း စိုက်ပျိုးမွေးမြူရေးကို အခြေခံသည့် လုပ်ငန်းများ၊ အသက်မွေးဝမ်းကျောင်း သင်တန်းနှင့် အလုပ်အကိုင်များ၊ စက်မှုအထက်တန်းကျောင်း၊ စိုက်ပျိုးမွေးမြူရေး အထက်တန်းကျောင်းများကို ဆောင်ရွက်ပေးနိုင်ရေး ရည်မှန်းဆောင်ရွက်လျက်ရှိသဖြင့် ပညာရည်မြှင့်တင်ရေး လုပ်ငန်းများကို အလေးထားဆောင်ရွက်ပေးရန်လိုကြောင်း ပြောကြားသည်။

အလားတူ ဗိုလ်ချုပ်မှူးကြီးက အိမ်ရာတွင် နေထိုင်သူများ လူနေမှုအဆင့်မြှင့်တင်နိုင်ရေးအတွက် စနစ်ကျနသည့် အဆင့်မီ Shopping Mall တစ်ခုကို ဆောင်ရွက်ပေးရမည်ဖြစ်ကြောင်း၊ အိမ်ရာအတွင်း နေထိုင်သည့် စစ်မှုထမ်းဟောင်းများ၊ မိသားစုဝင်များအတွက် အသက်အရွယ်အလိုက် လုပ်ကိုင်နိုင်မည့်လုပ်ငန်းများ လာရောက် ရင်းနှီးမြှုပ်နှံနိုင်ရေး ဆောင်ရွက်ပေးရမည်ဖြစ်ကြောင်း၊ စီမံကိန်း ဧရိယာအတွင်း မွေးမြူရေး လုပ်ငန်းများအတွက် လိုအပ်သည့်စားကျက်မြေများ ဖြစ်ပေါ်လာစေရေး ယခုကတည်းက ကြိုတင်ပြင်ဆင်ခြင်းလုပ်ငန်းများကို ဆောင်ရွက်ထားရန်လိုကြောင်း၊ နေရာအကျယ် အဝန်းများစွာ မယူသည့် ခေတ်မီမွေးမြူရေးလုပ်ငန်းများ ဆောင်ရွက်နိုင်ရေး ကြိုတင်ပြင်ဆင်ကြရမည်ဖြစ်ကြောင်းပြောကြားကာ လမ်းပန်းဆက်သွယ်မှုလွယ်ကူရေး၊ လမ်းများ ကောင်းမွန်ရေး တို့အတွက် လိုအပ်သည်များကို မှာကြားခဲ့ကြောင်း သိရသည်။

အဆိုပါ မြန်မာ့သားကောင်း စစ်မှုထမ်းဟောင်းအိမ်ရာ (လေးထောင့်ကန်)ကို ၂၀၁၇ ခုနှစ်တွင် စတင်တည်ဆောက်ခဲ့ခြင်းဖြစ်ပြီး တပ်မတော်မှ အငြိမ်းစားယူပြီး ရန်ကုန်မြို့တွင် အခြေချ နေထိုင်လိုသူများအတွက် စစ်မှုထမ်းဟောင်းမြို့အဖြစ် ရည်ရွယ်တည်ဆောက်နေခြင်းဖြစ်သည်။

အိမ်ရာတွင် နေထိုင်သူများ၏ ပညာရေး၊ ကျန်းမာရေး၊ လူမှုရေး၊ စီးပွားရေးနှင့် စားဝတ်နေရေးတို့တွင် လိုအပ်နိုင်သည့် အခြေခံလိုအပ်ချက်များကို ထည့်သွင်း တွက်ချက်ပြီး မြို့ပြစီမံကိန်းအသွင် တည်ဆောက်နေခြင်းဖြစ်ပြီး ဆေးရုံ၊ စာသင်ကျောင်း၊ စာကြည်တိုက် တို့ကိုလည်း ထည့်သွင်းတည်ဆောက်ထားပြီး စစ်မှုထမ်းဟောင်းများနှင့် မိသားစုဝင်များအား နေရာချထားပေးလျက်ရှိကာ အိမ်ရာစီမံကိန်းကို ဆက်လက်အကောင်အထည်ဖော် တိုးချဲ့တည်ဆောက်လျက်ရှိကြောင်း သတင်းရရှိသည်။

#mhtnews

စစ်ကိုင်းတိုင်းဒေသကြီး၊ ခင်ဦးမြို့နယ်၊ သာဂရကျေးရွာမှာ PDF အဖွဲ့ထဲမဝင်တာကြောင့် မျက်စိကွယ်နေတဲ့ မိဘနှစ်ပါးနဲ့ သားနှစ်ဦးကို ဇွန် ၁ ရက်နေ့မှာ NUG သြဇာခံ PDF အကြမ်ဖက်အုပ်စုက ရက်ရက်စက်စက် သတ်ဖြတ်ခဲ့တဲ့ ဖြစ်စဥ်နဲ့ပတ်သက်လို့ ခင်ဦးဒေသခံတစ်ဦးက ယခုလိုပဲ ပြောပြလာခဲ့ပါတယ်။
#mhtnews


<<< ZAWGYI >>>
စစ္ကိုင္းတိုင္းေဒသႀကီး၊ ခင္ဦးၿမိဳ႕နယ္၊ သာဂရေက်း႐ြာမွာ PDF အဖြဲ႕ထဲမဝင္တာေၾကာင့္ မ်က္စိကြယ္ေနတဲ့ မိဘႏွစ္ပါးနဲ႕ သားႏွစ္ဦးကို ဇြန္ ၁ ရက္ေန႕မွာ NUG ၾသဇာခံ PDF အၾကမ္ဖက္အုပ္စုက ရက္ရက္စက္စက္ သတ္ျဖတ္ခဲ့တဲ့ ျဖစ္စဥ္နဲ႕ပတ္သက္လို႔ ခင္ဦးေဒသခံတစ္ဦးက ယခုလိုပဲ ေျပာျပလာခဲ့ပါတယ္။
#mhtnews

"မုံရွာ - သာစည် လမ်းမှာ NUG လက်အောက်ခံတွေက ဘုန်းကြီးကားကို မိုင်းခွဲတိုက်ခိုက်လို့ ဆရာတော် ၁ ပါး ပြင်းထန်ဒဏ်ရာရ"

စစ်ကိုင်းတိုင်းဒေသကြီး၊ မုံရွာမြို့နယ်၊ သာစည်- အရာတော်- ရွှေဘိုကားလမ်း သာစည်ရေကျော်တံတားအနီးမှာ ဒီမနက် ၁၁ နာရီဝန်းကျင်က NUG လက်အောက်ခံ အကြမ်းဖက်အုပ်စုက ဘုန်းကြီးကားတစ်စီးကို မိုင်းခွဲတိုက်ခိုက်လိုက်လို့ ဆရာတော် ၁ ပါး မိုင်းစထိမှန် ဒဏ်ရာရခဲ့တယ်လို့ မုံရွာနယ်ခံ လူမှုကူညီရေး အသင်းတွေဆီက သိရပါတယ်။

မိုင်းစထိမှန်တဲ့ ဆရာတေယ်ဟာ သာစည်ရွာ အောင်ချမ်းသာ ကျောက်တိုက်သစ်က ကျောင်းထိုင်ဆရာတော် ဥူးဇောတိက ဖြစ်တယ်လို့သိရပြီး မုံရွာကနေ သာစည်ကို ပြန်လာရာမှာ ယခုလို တိုက်ခိုက်ခံရတာလို့ ဆိုပါတယ်။

လက်ရှိမှာ လုံခြုံရေးပူးပေါင်းတပ်ဖွဲ့တွေအနေနဲ့ အဲဒီနေရာမှာ နယ်မြေရှင်းလင်းရေးတွေ ဆောင်ရွက်နေတယ်လို့ လုံခြုံရေးအသိုင်းအဝိုင်းဆီက သိရပြီး ဒဏ်ရာရရှိတဲ့ဆရာတော်ကို ဆေးဝါးကုသမှု ဆောင်ရွက်ပေးနေတယ်လို့လည်း သိရပါတယ်။
#mhtnews

"ကွမ်းခြံကုန်းမြို့နယ်အတွင်းရှိ ဝါးခြံအတွင်းမှ လက်နက်ခဲယမ်းများ သိမ်းဆည်းရရှိ"

ရန်ကုန်တိုင်းဒေသကြီး၊ ကွမ်းခြံကုန်းမြို့နယ်အတွင်းရှိ ဝါးခြံတစ်ခုအတွင်းမှ မြေတွင်းတူး မြှုတ်နှံထားတဲ့ လက်နက်ခဲယမ်းများကို သိမ်းဆည်းရရှိခဲ့တယ်လို့ သိရပါတယ်။

ကွမ်းခြံကုန်းမြို့နယ်၊ ထီပါအုပ်စု၊ သံကြိုးကျေးရွာရှိ "ဒေါ်ပြုံး" ဆိုသူပိုင်ဆိုင်တဲ့ ဝါးခြံအတွင်းကို ယနေ့ (ဇူလိုင် ၂၉ ရက်) မနက် ၁ နာရီခွဲအချိန်ခန့်မှာ လုံခြုံရေးတပ်ဖွဲ့မှ သတင်းအရရှာဖွေရာကနေ တွေ့ရှိခဲ့တာဖြစ်ပါတယ်။

တွေ့ရှိခဲ့တဲ့ လက်နက်၊ ခဲယမ်းတွေထဲမှာ M22 သေနတ် (၅) လက်၊ ကျည်အိမ် (၁၀) ခု၊ ကျည် ၂၅၀ တောင့် ပါဝင်ပြီး လက်ရှိမှာ မသင်္ကာဖွယ်လူတစ်ဦးကို ခေါ်ယူစစ်ဆေးနေတယ်လို့ သိရပါတယ်။
#mhtnews

"မိမိကို သတ်ဖို့လာတဲ့ အကြမ်းဖက်ကို တရားဟောဖို့ကြိုးစားတဲ့ အုပ်ဖိုမြို့နယ်က ရာအိမ်မှူး ပစ်သတ်ခံရ"

ပဲခူးတိုင်းဒေသကြီး၊ အုပ်ဖိုမြို့နယ်မှာ မိမိကိုသတ်ဖို့လာတဲ့ အကြမ်းဖက်ကို တရားဟောဖို့ကြိုးစားတဲ့ ရာအိမ်မှူးတစ်ဦးကို အကြမ်းဖက်က အနီးကပ် သေနတ်နဲ့ပစ်သတ်သွားခဲ့တယ်လို့ ဒေသခံတွေဆီက သိရပါတယ်။

အဆိုပါဖြစ်စဥ်ဟာ ဒီကနေ့ (ဇူလိုင် ၃၁ ရက်) မနက်ပိုင်းမှာ ဖြစ်ပွားခဲ့တာဖြစ်ပြီး သေဆုံးသူဟာ အုပ်ဖိုမြို့နယ်၊ ဝိုင်းကျေးရွာအုပ်စု၊ ကန့်နီကျေးရွာမှ ရာအိမ်မှူး ဦးခင်စိန်ဖြစ်တယ်လို့ ဒေသခံတွေက ပြောပါတယ်။

"ဟိုကောင်တွေက သေနတ်ထုတ်ပြီး ခင်ဗျား ဦးခင်စိန်လားလို့ မေးနေတာကို ထွက်မပြေးဘဲ ညီလေးတို့မှားမယ် ဘာညာနဲ့ တရားပြဖို့လုပ်နေတုန်း ဟိုက ပစ်သတ်သွားတာ။ သူတို့ကတော့ ထုံးစံအတိုင်း ဒလန်ဆိုပြီး သတ်လိုက်တာပါပဲ။" လို့ လုံခြုံရေးအရ အမည်မဖော်လိုသူတစ်ဦးက ပြောပါတယ်။

လက်ရှိမှာ အကြမ်းဖက်တွေကို ဖမ်းဆီးရမိဖို့ လုံခြုံရေးတပ်ဖွဲ့ဝင်တွေက ပိတ်ဆို့စစ်ဆေးမှုတွေ ပြုလုပ်နေပေမယ့် ထူးရှားမှုမရှိသေးဘဲ ပဲခူးတိုင်းအတွင်းမှာဖြစ်ပွားတဲ့ အကြမ်းဖက်မှုတော်တော်များများမှာ တရားခံတွေကို ဖမ်းဆီးရမိတာ အနည်းငယ်သာရှိတယ်လို့ ဒေသခံတွေရဲ့ ပြောပြချက်အရ သိရပါတယ်။
#mhtnews

"အမေရိကန်အနေနဲ့ ထိုင်ဝမ်သီးခြားလွတ်လပ်ရေး အင်အားစုများကို အားပေးနေတာဟာ အန္တရာယ်အလွန်ကြီးမားတဲ့ မီးကစားမှုဖြစ်ပြီး မီးကစားသူဟာ မီးဝါးခံရလိမ့်မယ်လို့ တရုတ်နိုင်ငံခြားရေးဝန်ကြီးဌာန ထုတ်ပြန်"

အမေရိကန်အနေနဲ့ ထိုင်ဝမ်ရဲ့သီးခြားလွတ်လပ်ရေး အင်အားစုများကို အားပေးနေတာဟာ အန္တရာယ် အလွန်ကြီးမားတဲ့ မီးကစားမှုဖြစ်ပြီး မီးကစားသူဟာ မီးဝါးခံရလိမ့်မယ်လို့ တရုတ်နိုင်ငံခြားရေးဝန်ကြီးဌာနက အသိပေး ထုတ်ပြန်လိုက်ပါတယ်။

အမေရိကန်အောက်လွှတ်တော်ဥက္ကဋ္ဌ Nancy Patricia Pelosi ရဲ့ ထိုင်ဝမ်ခရီးစဥ်နဲ့ပတ်သက်ပြီး ထုတ်ပြန်ကြေညာခဲ့တာပါ။

အမေရိကန်ဟာ “ထိုင်ဝမ်နဲ့ တရုတ်ပြည်ကို ထိန်းချုပ်ဟန့်တားရေး”ကို ဆောင်ရွက်ဖို့ ကြံစည်ပြီး တရုတ်ပြည် တစ်ပြည်တည်းသာရှိရေး မူဝါဒရဲ့ အနက်အဓိပ္ပါယ်ကို တလွဲတချော်ဖြစ်အောင် အဆက်မပြတ် ပြောဆိုဆောင်ရွက်ကာ အမေရိကန်-ထိုင်ဝမ် အကြား အစိုးရချင်း ကူးလူးဖလှယ်မှုကို တိုးမြှင့်၍ ထိုင်ဝမ်သီးခြားလွတ်လပ်ရေး အင်အားစုများကို အားပေးနေတာဟာ အန္တရာယ် အလွန်ကြီးမားတဲ့ မီးကစားမှုဖြစ်ပြီး မီးကစားသူဟာ မီးဝါးခံရလိမ့်မယ်" ဆိုပြီး ထုတ်ပြန်ခဲ့တာလည်း ဖြစ်ပါတယ်။

ဒါ့အပြင် "တရုတ်-အမေရိကန် ပူးတွဲပြန်တမ်း ၃ရပ်ပါ သတ်မှတ်ချက်များကို စောင့်စည်းလိုက်နာပြီး အမေရိကန် ထိပ်သီးခေါင်းဆောင်မှ “မကြိုးပမ်းလိုသောအချက်လေးချက်နှင့် မလုပ်ဆောင်လိုသော အချက်တစ်ချက်”ဟူသော ကတိပြုချက်များကို ထိရောက်တိကျစွာ လက်တွေ့ဖော်ဆောင်ကာ မှားယွင်းသော အန္တရာယ်ရှိသော လမ်းကြောင်းပေါ် ဆက်လက် မလျှောက်လှမ်းရန် တည်ကြည်လေးနက်စွာ တိုက်တွန်းနှိုးဆော်သည်။" ဆိုပြီးတော့လည်း ထုတ်ပြန်ချက်မှာ ဖော်ပြထားပါတယ်။
#mhtnews

"ပြည်ခိုင်ဖြိုးပါတီဥက္ကဋ္ဌ ဦးသန်းဋ္ဌေး၏ လွှဲပြောင်းတာဝန်ပေးအပ်မှုအရ ဦးခင်ရီမှ ပါတီဥက္ကဋ္ဌတာဝန်များကို ထမ်းဆောင်"

ပြည်ထောင်စုကြံ့ခိုင်ရေးနှင့်ဖွံဖြိုးရေးပါတီ(USDP)ဥက္ကဋ္ဌ ဦးသန်းဋ္ဌေး၏ လွှဲပြောင်းတာဝန်ပေးအပ်မှုအရ ပါတီဥက္ကဋ္ဌတာဝန်များကို ဒုတိယဥက္ကဋ္ဌ(၂) ဖြစ်သည့် ဦးခင်ရီမှ ထမ်းဆောင်လျှက်ရှိကြောင်း ပြည်ထောင်စုနယ်မြေ USDP ပါတီဥက္ကဋ္ဌ ဦးမြင့်လှိုင်က ပြောသည်။

နေပြည်တော်၊ ဇမ္ဗူသီရိမြိုနယ်၊ ရွှေကြာပင်ရပ်ကွက်ရှိ USDP ပါတီရုံးတွင် စက်တင်ဘာ ၂၀ ရက်နေ့က ကျင်းပ ခဲ့သော ပါတီ၏ EC အဖွဲ့ဝင်များနှင့်တွေ့ဆုံသည့် အစည်းအဝေးတွင် ပြောကြားခဲ့ခြင်းဖြစ်သည်။

ယင်းသို ပါတီဥက္ကဋ္ဌတာဝန်များကို လွှဲပြောင်းပေးအပ်ရခြင်းမှာ ဦးသန်းဋ္ဌေးအနေဖြင့်ကျန်းမာရေး အခြေအနေအရ ခွဲစိတ်ကုသမှု ပြင်းပြင်းထန်ထန် လုပ်ထားရသည့် အခြေအနေကြောင့် ပါတီတာဝန်အရပ်ရပ်ကို အချိန်ပြည့် ထမ်းဆောင်နိုင်ခြင်းမရှိတော့သဖြင့်ဖြစ်သည်ဟု ဦးမြင့်လှိုင်ကဆိုသည်။

USDP ပါတီ၏ ဗဟိုအလုပ်အမှုဆောင်ကော်မတီ အစည်းအဝေး (၅/၂၀၂၂)ကို စက်တင်ဘာ ၁၂ ရက်မှ ၁၄ ရက်နေ့အထိ ကျင်းပခဲ့ပြီးနောက် ဦးသန်းဋ္ဌေးက ပါတီဥက္ကဋ္ဌတာဝန်ကို ဦးခင်ရီထံ လွှဲပြောင်းပေးအပ်ခဲ့ခြင်းဖြစ်ကြောင်း သိရသည်။
#mhtnews

"အမေရိကန်နိုင်ငံမှာ ရက်ပိုင်းအတွင်း အစုလိုက်ပစ်သတ်မှု ၂ ကြိမ်ဖြစ်ပွားခဲ့ပြီး လူ(၁၈)ဦးအထိ သေဆုံးခဲ့"

အမေရိကန်နိုင်ငံမှာ ပြီးခဲ့တဲ့ ရက်ပိုင်းအတွင်းက အစုလိုက်ပစ်သတ်မှု ၂ ကြိမ်ဖြစ်ပွားခဲ့ပြီး အပြစ်မဲ့ပြည်သူ (၁၈)ဦးအထိ သေဆုံးခဲ့တယ်လို့ နိုင်ငံတကာသတင်းတွေအရ သိရပါတယ်။

ပထမပစ်ခတ်မှုဟာ ကာလီဖိုနီးယားပြည်နယ် မွန်ထရေးပတ်ခ်မြို့မှာ ပြီးခဲ့တဲ့ စနေနေ့က ဖြစ်ပွားခဲ့တာဖြစ်ပြီး ပြည်သူ (၁၁)ဦးအထိသေဆုံးခဲ့တာဖြစ်ပါတယ်။

အဲဒီနောက် ကာလီဖိုနီးယားပြည်နယ် မြောက်ပိုင်းက ပင်လယ်ကမ်းခြေမြို့ဖြစ်တဲ့ ဟာ့ဖ်မွန်းဘေမြို့မှာ တနင်္လာနေ့က ဒုတိယမြောက်အဖြစ် အစုလိုက်ပစ်သတ်မှု ထပ်မံဖြစ်ပွားခဲ့ပြီး လူ(၇)ဦးအထိ သေဆုံးခဲ့တာဖြစ်လို့ ပစ်ခတ်မှု ၂ ကြိမ်ပေါင်းကို လူ ၁၈ ဦးအထိ သေဆုံးခဲ့တာဖြစ်တယ်လို့ သိရပါတယ်။
#mhtnews