کانیمال

ماموستا کەلیم و کتاو هەڤالن
هەشتی سالە هەڤاڵێن هیڤ و سالن
پیروزە روژبوونا تە باڤێ کوردان
سەرێ مە ل ژوورە، هوون کانیمالن
#رامیار _نادری
*
باهۆز

تمیشە و ل هەر دەرێ، باهۆزی
سەرۆکی ل خوراسانێ، ئەوغازی!
ب ناڤێ تە کەلیم جان، خوراسانی
ل باکوور و ل باشوورێ، دەنازی
#یووسف_غولامی
***
چیا

دیروکا مە دەرباز کر ژه سالان هەشتی پار، بهار
دەست تەنێ وەرکەت، سەکنی ژە پیشا کولان بێ یار
ب خووینا دلی خوە ئاڤ دا دارا دیرۆکا کورمینج
وە چیکا دلی خوە ڤخست ئوجاق، خەڤا نەبێ ئار!
#هامان_بەهادوریان
@kaniyadil

هەلبەست و دەنگ:
#رامیار_نادری

مەست

مەست مەستم ژ مەی و کانێ هەڤال
دل هیری بوو ژ بژانگێن چاڤ غەزال

ئەز مام و دوومان و پاییزەکێ سار
کانێ یار و کا هەڤال و کا نگار

مستێ خوە داڤێمە جامێ بێ قەرار
ڤەدخوەم یک و دودو، سسێ و چار

سەرخوەش و مەستم ژ دنیێ بزدیام
ب غەم و قوسان دەمەکێ کەنیام

گێژ دبووم و دکەتم، هولدەستیام
ژ کەن و گریان درێژ بووم، وەستیام

هالەکێ خوەش هاتبوو چاڤێن خومار
کەشکا ڤا هالا ژ دەست ناچوو توجار

@kaniyadil

تە دخوازم

شەڤ هات ب سەر من دا چ شەڤەکە رەش
ئیشەڤ هالێ دلی من نەبوویە خوەش
ئەڤیندارێ چاڤانم بوومە نەخوەش
شەڤ کشییا چوو تو نەهاتی چاڤ‌رەش

خوە ب من گین گۆلنار
دەلال تو مەکە قار
تە دخوازم نازدار
رویێ سەد هەزار جار

شەڤ هات ئیشەڤ دیسانێ شەڤەکە سار
ژ دوری‌‌یا تە یارێ دل بوویه زار
کەشکا زو بێوی با من گۆلێ گۆلزار
سەرسینگێ تە باغەکە ژ سێڤ و نار

خوە ب من گین گۆلنار
دەلال تو مەکە قار
تە دخوازم نازدار
رویێ سەد هەزار جار

ساچ گرێ بکەڤێ دەست نامەردان
ب دەستێ تە نە تێم کوشتن نە بەردان
دل بدە من تەڤا بکەنێ دەردان
خەلات تینم تا ژ دل بشوو گەردان

خوە ب من گین گۆلنار
دەلال تو مەکە قار
تە دخوازم نازدار
رویێ سەد هەزار جار

* هەلبەست و دەنگ:
#رامیار_نادری
@kaniyadil

تو ئاشق نەبوویی

تو ئاشق نەبوویی کو دەردێ دلێ ئاشقان زانبوویی
ل باران نەمایی هەوای دلگیرێ بارشان زانبوویی

سا کەس را نەگریای بزانی چقەس هێستران ئەز  دەرێژم
تو دلتەنگ نەمایی، دکەنی تا دلتەنگییێ خوە دەبێژم

نەمایی ب تەنێ کو فام کێ چ هالە دلێ بێقەراران
یارا تە نەچوویە کو هەیران بمینی ژ سووتێ قەتاران

تە ڤەندا نەکر یار کو فام کێ چیە ترسێ دایین ژ دەستە
ل شوونا م نینی بزانی من و تە چ فەرقێ خوە هەیە کی مەستە

تو وەختێ نەچوویی دێزا رێ بزانی چیە چاڤ ل رێ مان
پەریشان نەبوویی کو فام کێ چیە رەد نەبووینێ گاڤان

تو ئەو یێ کو چوییی چ زانی ژ غوسێن تە کەتمە چ هالی
ئەزم یێ کو مامە چ زانم هالی تە وەقەس بێ خەیالی

هەلبەست و دەنگ:
#رامیار_نادری
@kaniyadil

هەلبەست

م هەلبەست گۆت ژ بژانگان
کەوان ژی گۆت ل زمانگان
نێچیرڤانان، ب تفانگان!
#رامیار_نادری
@kaniyadil

زڤستان...

ئیشەڤ دیسا هەوا سارە
سرفەی چێڵە تژی نارە
کەس نەمینە ئوستی خارە


شەڤا چێلە دوور و درێژ
تەرن هەڤ تێنە رێژ ب رێژ
پارا گشتان ئیشەڤ برێژ

سێڤ و ناران تو تەیار کە
پوخوریکان تژی ئار کە
بوغچەی مە ژی تژی نار کە


زڤستانە، زڤستانە
ئوجێغ ئار کە ب دەستانە
ئار نەبە، جان ژ دەس دانە


کەس بێ نان و فەتیر نەبە
ئوستی خار و هێسیر نەبە
نان کولینج و هەڤیر نەبە


مدا دکم ئەز خوەدێ جان
هەوا پڕ سارە، زڤستان
بگین گشتی مدای دلان


تەڤا ببن ڤا شەڤێن رەش
هالی گشتان بمینێ خوەش
دلی کوردان ژی ببه گەش

#رامیار_نادری
@Kaniyadil

باڤ
چیایەک سەر وە دوومانی باڤێ من
رونشتێ ل دل و جانی باڤێ من
مە پشتا خوە دایە تە لۆ چیایۆ
ژ تایفەی سەر ل ژوورانی باڤێ من

پدر
عقابی در وجودم لونه داره
پدر اندر دل و جان خونه داره
دلم بشکست چون رفته ولیکن
درون قلب من کاشونه داره

#رامیار_نادری
@Kaniyadil

ئاخرین کورد

دلێ مە تەنگ بوویە سا هەڤالان
سا هەلبەستان سا کوردان سا دەلالان

وەرە ئەم تینێ سا تە کانیادل
بەرەف دۆرا خوە کە وان دل زەلالان

بخوینن ژ تەیی دل شێئر و هەلبەست
بکەنێ کێف و هەز ل ناڤ خەیالان

مەگەر دیسا بگێ دادێ زمین شێئر
ئەگەرنا ڤەندایە ل ناڤ شەمالان

دیسا رابن بهێڤووسن ب کوردی
زمان و رێنڤیس و کورتەخالان

چارۆخ پێتاڤ کن و دەستپێ بکن زوو
گرێ‌دن لۆ ل چاربەندێ خوە شالان

زمانێن دن، مالا خوە بار کرن چوون
تەنێ ئەم مانێ ژ رێ کووچێ مالان

هەبوونا مە ئیرۆ بەندا زمینە
زمانێ دایک و باڤان، ئاپ و خالان

پاراستن وان زمان تا گێشتیە مە
نکا داگر زمانێ باڤ و کالان

زمان هەرە دبنێ ئاخرین کورد
ژ دوو مە کەس نابێ دەنگێ هەڤالان

بهێڤووسن بنێڤیسن بخوینن
تا کوردی بمینە؛ سالێن سالان...

#رامیار_نادری
@kaniyadil

ژ ئاسمین*

ئیشەڤ فڕیم و چوومە ئاسمین، ئەز
چقەس دوورم ژ کوڵ و دەردێ جین ئەز  
 
ل بالافڕێ هەلبەستان دبێژم
مینا وان شابازێن بێ پەڕ فڕین، ئەز  

ژ ئاسمین ژان و کوڵ قەت نێنە دینێ
نابینم دەردێ خەلکێ خین‌شرین، ئەز  

خزانکێن گولفروش گول زوو فریتن
نابینم وان هیری سا پاریێ نین، ئەز 

ترێم روورەشێ مالێ، مایە باڤەک؟
نابینم کەس ل بن دێنێ خزین، ئەز 

ژ ئاسمین، دەرد گشتی بوونە دەرمان
ل ژوور ژی کوردێ بێ وار و زەمین، ئەز  
 
مینا چووچکەکی چووم و داگەڕیام 
ل هەڕدێ هین دەبینم سەد برین ئەز 
  
خوەدێۆ! گشتێ ژانان هلدە ئاسمین  
نابینم دەردەکی ژ ئاسمین، ئەز 

*ل ئۆرتا بالافڕا؛ تهران بەر ب مەشهەدێ

#رامیار_نادری
@kaniyadil