Добрай раніцы. Пакажу пару графікаў, якія разыйшліся па інтэрнэтах у пятніцу

Яны пра рост ідэалагічнага разрыву паміж маладымі хлопцамі і дзяўчатамі. Гэта назіраецца, з розных даных, у розных краінах

Трэнд можна апісаць так: хлопцы робяцца больш кансерватыўнымі (Паўднёвая Карэя), але і больш ліберальнымі (Брытанія), ну ці застаюцца на тым жа прыкладна ўзроўні (ЗША). Дзяўчыны робяцца строга больш ліберальнымі

На першым графіку даныя па галасаванні за левыя і правыя партыі сярод дэмаграфіі 18-29 год у розных краінах. Бачым гэты трэнд

На другім графіку станоўчы адказ на пытанне "жанчыны спрабуюць атрымаць больш улады праз кантроль над мужчынамі". Графік спадабаўся тым, што кансерватыўнасць мужчын падае з узростам, а не расце (звычайна расце). Такое рэдка пабачыш

На трэцім графіку даныя з Польшчы, размеркаванне галасоў сярод дэмаграфіі 18-21 на апошніх парламенцкіх. 46% хлопцаў прагаласавалі за Канфедэрацыю — моцна правую (адносна мясцовага ландшафту) партыю. І толькі 16% дзяўчын

Папулярныя гіпотэзы, якія я паспеў пабачыць, in no particular order:

• Алгарытмы сацсетак з таргетынгам па дэмаграфіі ствараюць розныя інфармацыйныя прасторы
• Праз сацсеткі адбываецца менш сумеснай сацыялізацыі хлопчыкаў і дзяўчынак
• Рэакцыя на #metoo, гендэрныя квоты пры пошуку першай працы і г.д.

Сваёй інтэрпрэтацыі не даю, упэўнены, вы самі справіцеся ў каментарах. Веру ў вас