တကယ့်ပရိတ်သတ်စစ်စစ်တွေကြောင့်
ရုံပြည့်ခဲ့တာဟုတ်ပါရဲ့လား ညိုမင်းလွင် ❓

တိုင်းပြည်အမှောင်ဖုံးနေတဲ့ အခြေအနေတွေကြောင့်
စားဝတ်နေရေးကျပ်တည်းနေတဲ့တိုင်အောင်
ဘာအနုပညာ လှုပ်ရှားမှုမှမလုပ်ပဲ
ဇွဲရှိရှိတောင့်ခံပေးနေကြတဲ့ အနုပညာရှင်တွေ

ရုပ်ရှင်ရုံအတွဲခုံတွေဆီ ပြန်မဝင်နိုင်ကြတော့တဲ့
နွေဦးတော်လှန်ရေးခရီကြမ်းကြား သေကွဲကွဲခဲ့ကြတဲ့
ချစ်သူစုံတွဲတွေ

ဗမာဇာတ်ကားနှစ်သက်ပေမဲ့ အဖမ်းအဆီးတွေကြား
တပည့်သားသမီးတွေနဲ့ ရှင်ကွဲကွဲရှောင်တိမ်းနေကြရတဲ့
CDM ဆရာ၊ဆရာမတွေကို မျက်ကွယ်ပြုစိန်ခေါ်ခဲ့ပြီးမှ
ရုံပြည့်ရုံလျှံဆိုတော့ကာ ...

တကယ့်ပရိတ်သတ်စစ်စစ်တွေကြောင့်
ရုံပြည့်ခဲ့တာဟုတ်ပါရဲ့လား ညိုမင်းလွင် ❓

#SocialPunishment #Boycott
#NyoMinLwin #JCGV
#OCTOPUS #ရေဘဝဲ

လေးကြိမ်မြောက်အခမဲ့သင်တန်း ရေဘဝဲတွေဖွင့်ပြီ 🔔

အမျိုးသမီး၊လူငယ်နှင့်ကလေးသူငယ်ရေးရာဝန်ကြီးဌာန နှင့် ရေဘဝဲ (ပြည်သူ့အကျိုးပြု လူငယ်အဖွဲ့အစည်း) တို့ပူးပေါင်းဖွင့်လှစ်သွားမည့် " ခေတ်လူငယ် "  သင်တန်းအမှတ်စဥ် (၄)

✅သင်ကြားမည့်ဘာသာရပ်များ

၁)  လူငယ် နှင့် ဂျဲန်ဒါတန်းတူညီမျှမှု
၂) လူငယ် နှင့် ပြည်သူ့နီတိ
၃) လူငယ် နှင့် နိုင်ငံရေး
၄) လူငယ် နှင့် ခေါင်းဆောင်မှု

✅သင်တန်းကာလ ကြာမြင့်ချိန်

(၂) ပတ်ကျော်

✅သင်ကြားမည့်အချိန်

မြန်မာစံတော်ချိန် ည (၇:၃၀) နာရီမှ ည (၁၀:၀၀) ထိ

✅လျှောက်လွှာတင်နိုင်သည့်သူများ

အသက် (၁၆) နှစ်မှ (၂၅) နှစ်ထိ
သင်တန်းအစမှအဆုံးတိုင် ' မပျက်မကွက် '
တက်ရောက်နိုင်သူ မည်သူမဆို

✅သင်ကြားမည့်ပုံစံ

ZOOM

✅လျှောက်လွှာ တင်ရမည့်ပုံစံ

Telegram
@OCTOPUSoffice

✅လျှောက်လွှာ ပိတ်မည့်ရက်

(၁၁.၃.၂၀၂၃)

#ခေတ်လူငယ် #MOWYCA
#OCTOPUS #ရေဘဝဲ

👔ပစ်ပြီဟေ့ ချကွာ ငါ-ိုးမရဲတွေ !!!
မိုလိုတော့ဗ်တွေနဲ့ ခုခံကြ 👔

အချိန်ကား မတ်လ ၂၁ရက်၊ ၂၀၂၁ခုနှစ်

အကြမ်းဖက်စစ်ကောင်စီ၏ ကျည်အစစ်ဖြင့်သတ်ဖြတ်မှူများကိုအံတုကာ ပြည်သူလူထုမှ သဲအိတ်ခံတပ် Barricade များတည်ဆောက်၍ မီးရှူးမီးပန်းများ၊မိုလိုတော့ဗ်များဖြင့် ခုခံကာကွယ်နေချိန်ဖြစ်သည်။

နေ့လည် (၁၂:၀၀) နာရီခန့်

" ဟဲလို ရေဘဝဲတွေလား "

" ဟုတ်ပါတယ်၊ပြောပါ"

" ကျွန်တော် xxx ပါ၊ဒီနေ့ခွေးတွေ ကျွန်တော်တို့သပိတ်ကိုလာဖြိုမယ်လို့ သတင်းရထားတယ်။အဲ့ဒါဒိုင်းကာအဖွဲ့အင်အားတွေလိုအပ်နေသေးလို့ ရေဘဝဲတို့အဆင်ပြေရင်လာခဲ့ပါလား "

" ထမင်းကျွေးမှာလားဗျ။ကျွန်တော်တို့တွေဘာမှမစားရသေးဘူးရယ် "

" ကျွေးမှာပေါ့ဗျာ "

" ဟား စတာပါဘဒိုရာ။ရေဘဝဲတွေကပြည်သူတွေအတွက်အမြဲတမ်းအသင့်ပါ။အခုချက်ချင်းကျွန်တော်တို့ထွက်ခဲ့လိုက်မယ် "

ကျွန်တော်ဖုန်းချပြီးသည်နှင့်
" ကဲ ရေဘဝဲတွေအားလုံး အလံတော်၊ဒိုင်းကာ၊မီးရှူးမီးပန်း၊မိုလိုတော့ဗ်တွေယူပါ။ရထားလမ်းအကျော် ဘူတာရုံလမ်းသပိတ်ကိုကာကွယ်ဖို့ချီတက်ကြမယ်ဟေ့ "

ရေဘဝဲရဲဘော်များ တက်ကြွနေကြသည်။ယခင်အပတ် အောက်ဗဟိုလမ်း ဆိုက်ကားဂိတ်သပိတ်အဖြိုခံရပြီးကတည်းကငြိမ်နေကြရသည်မဟုတ်ပါလား။

ဗဟိုလမ်းမှချီတက်ခဲ့ကြပြီး ဘူတာရုံလမ်းရောက်သည်နဲ့ပြည်သူများကျွေးသည့်ထမင်းကို ဗိုက်ဆာဆာနှင့်အရင်ဝင်စားလိုက်ကြသည်။ပဲဟင်း နှင့် ငခြောက်ကျော်ကား အလွန်လိုက်ဖက်လှ၏။

စားပြီးသည်နှင့် သဲအိတ် Barricade ဘက်သို့ထွက်ခဲ့ကြသည်။ဘူတာရုံလမ်းမှ (၂) ရပ်ကွက်ပြည်သူလူထု၏ ပံ့ပိုးမှုအားဖြင့်တည်ဆောက်ထားသော သဲအိတ် Barricade သည် သုံးထပ်ဖြစ်ပြီး သံအိတ်များကြားတွင် သံဇကာကွက်များထည့်ကာ စနစ်တကျတည်ဆောက်ထား၍ သဲအိတ်ပေါ်ရောက်အောင် မနည်းတက်ရသည်။သဲအိတ်များပေါ်သို့ရောက်သောအခါ ဟိန္ဒူ၊အစ္စလာမ် ကာကွယ်ရေးညီနောင်များမှကြိုဆို၍ အမှတ်တရဓါတ်ပုံများရိုက်ယူကြသည်။

မကြာမီ ...
ရွာမကွေ့ AEON Orange ဘက်မှ ဘူဒိုဇာကားတစီးမောင်းလာသည့်တွေ့လိုက်ရသည်။

" ခွေးတွေလာပြီဟေ့။အားလုံးအသင့်ပြင်ထားကြ "

ရပ်ကွက်နေ ဒိုင်းကာအဖွဲ့မှနှိုးဆော်လိုက်သည်နှင့် ရဲဘော်များအားလုံးအသင့်နေရာယူလိုက်ကြသည်။ကြိုတင်စီစဥ်ထားသည့်အတိုင်း ရေဘဝဲရဲဘော်တစ်ဦးမှ သဲအိတ်အလည်တည့်တည့်တွင် ရေဘဝဲအလံတော်ကိုဆိုက်ချလိုက်သည်။

မီးရှူးမီးပန်းကိုင်ထားသောကျွန်တော်၏ဘေးသို့ ရပ်ကွက်နေဒိုင်းကာအဖွဲ့မှခေါင်းဆောင်တစ်ဦးရောက်လာသည်။
" နောက်မှာခွေးတပ်ရင်း ရဲတွေပါတယ်တွေ့လား။ရထားလမ်းနားရောက်လာပြီး သူတို့စပစ်တာနဲ့ဒို့တွေဆော်မယ်"

" အိုခေဗျာ "
ကျွန်တော်ခပ်တိုးတိုးပြန်ဖြေလိုက်သည်။

ရထားလမ်းအကျော် လှိုင်မြို့နယ် (၂) ရပ်ကွက်သည် တိတ်ဆိတ်နေသည်။ပြည်သူများအားလုံးသည် မုန်တိုင်းမလာမီအခြေအနေကို ရင်ဆိုင်ရန်စောင့်ဆိုင်းနေသည့်အလား

" ဒိုင်း "

" ပစ်ပြီဟေ့ ချကွာ ငါ-ိုးမရဲတွေ၊မိုလိုတော့ဗ်တွေနဲ့ခုခံကြ "

" ဖောင်း ဖောင်း ဖောင်း "

အပစ်အခတ်များကြား ခုခံ၍တဖက်ရန်သူအခြေအနေကိုကြည့်လိုက်သောအခါ ခွေးအင်အား (၈၀) ကျော်တက်လာသည်ကိုတွေ့လိုက်ရသည်။

" ခွေတွေများတယ်ဟေ့ သတိနဲ့ခွဲဆုတ် ခွဲဆုတ် "
ကျွန်တော်အော်၍သတိပေးလိုက်သည်။

ရေဘဝဲ နှင့် ရပ်ကွက်နေဒိုင်းကာအဖွဲ့များ မီးရှူးမီးပန်းများဖောက်ကာ မီးသတ်ဆေးဗူးများမှုတ်၍ မြင်ကွင်းကွယ်လိုက်ကြသည်။

ဘလောက်တခုအကွာ ညနေခင်းစျေးအကျော်တွင် ရဲဘော်များပြန်စုလိုက်ကြသည်။ခွေးများကား သဲအိတ် Barricade ကိုဖြိုနေကြပြီဖြစ်သည်။တောက်ခေါက်သံများစီစီညံနေသည့်ရဲဘော်များ ငိုကြွေးသံများကိုကြားနေရသည်။

" ဒါဟာ နွေဦးတော်လှန်ရေးရဲ့အဆုံးသတ် ဇာတ်သိမ်းခန်းမဟုတ်ဘူးရဲဘော်တို့၊သူတို့သဲအိတ်တွေကိုသာဖြိုလို့ရမယ်။ကျွန်တော်တို့ရဲ့တော်လှန်စိတ်ကိုတော့ ဘယ်တော့မှဖြိုချလို့မရဘူး "
ကျွန်တော့်ရှိသမျှစိတ်ခွန်အားကိုထုတ်၍ ရဲဘော်များကိုအားပေးလိုက်သည်။

ရေဘဝဲ ရဲဘော်အကြီးကောင်ကျွန်တော့်အနားရောက်လာသည်။(အကြီးကောင် နိုင်/ကျဥ်း ထောင်ဒဏ် ၁၃ နှစ်)
" ကိုကြီး ခွေးတွေဒီ Barricade ဖြိုပြီးရင်ကျွန်တော်တို့ဆီလာပြီးဖမ်းမှာပဲ။ဘာအကာအကွယ်မှတော့မရှိတော့ဘူး။ဘယ်လိုလုပ်ချင်လဲ "

အနီးရှိရဲဘော်တစ်ဦးချင်းစီ၏မျက်နှာကိုကြည့်ပြီးကျွန်တော်ဆုံးဖြတ်ချက်ချလိုက်သည်။
" တာယာကွင်းတွေမီးရှို့ပြီး သူတို့လာရာကိုလှိမ့်ထား။ငါတို့ရှိသမျှနဲ့ရင်ဆိုင်ကြမယ် "

" ဒိုင်း ဒိုင်း "

...
အပိုင်း (၂) ဆက်ရန်

#OCTOPUS #ရေဘဝဲ

🏳️တော်လှန်ရေးပန်းခြံအနီးတွင် ရေဘဝဲမှ
တော်လှန်သင်္ကြန်အတွက်နှိုးဆော်မှုပြုလုပ် 🏳️

အကြမ်းဖက်စစ်ကောင်စီ၏ လုံခြုံရေးတိုးမြှင့်ထားသည့် မြို့နယ်တစ်ခုဖြစ်သော စမ်းချောင်းမြို့နယ်ရှိ တော်လှန်ရေးပန်းခြံအနီးတွင် ရေဘဝဲ (ပြည်သူ့အကျိုးပြု လူငယ်အဖွဲ့အစည်း)မှ သရုပ်ဆောင်၊အဆိုတော် မင်းမော်ကွန်း၏ CDM သင်္ကြန်သီချင်းကို တော်လှန်ယိမ်းအကဖြင့် ကပြဖျော်ဖြေတင်ဆက်ကာ စစ်အာဏာရှင်ဆန့်ကျင်ရေးလူထုလှုံ့ဆော်မှုပြုလုပ်ခဲ့ကြသည်။ထိုလှုပ်ရှားမှုကို Youth Scout for Democracy (Y.S.D) မှမြေပြင်ကင်းထောက်အဖြစ် ကူညီဆောင်ရွက်ပေးခဲ့သည်။

"မိဘပြည်သူများရှင်၊တော်လှန် သင်္ကြန်အချိန်အခါသမယကို ရောက်ရှိလာပြီဖြစ်ပါတယ်။နွေဦးတော်လှန်ရေးနဲ့ယှဥ်တွဲပြီး ရိုးရာယဥ်ကျေးမှုအမွေအနှစ် ပွဲတော်များကိုထိန်းသိမ်းကြတဲ့အခါမှာ - မအေလိုးမင်းအောင်လှိုင်၊မင်းအောင်လှိုင်မအေလိုးကြောင့် အိုးပစ်၊အိမ်ပစ်၊သေကွဲ၊ရှင်ကွဲကွဲနေကြတဲ့ ကျွန်တော်တို့နိုင်ငံသူနိုင်ငံသားတွေအတွက် ကိုယ်ချင်းစာစိတ်အပြည့်နဲ့ တိတ်တိတ်လေးပျော်ပေးကြဖို့ ရေဘဝဲက နှိုးဆော်တိုက်တွန်းလိုက်ပါတယ်"

ဧပြီ ၁၂ ရက်၊ ၂၀၂၃ ခုနှစ်

#တော်လှန်သင်္ကြန်
#OCTOPUS #ရေဘဝဲ

လျှပ်စစ်မီးမှန်မှန်ရဖို့ တော်လှန်ရေးမှာပါဝင်စို့ 🔥

ယနေ့ ရန်ကုန်မြို့တနေရာတွင် ရေဘဝဲ (ပြည်သူ့အကျိုးပြု လူငယ်အဖွဲ့အစည်း)မှ "လျှပ်စစ်မီးမှန်မှန်ရဖို့ တော်လှန်ရေးမှာပါဝင်စို့" စာတန်းအားချိတ်ဆွဲ၍ စစ်အာဏာရှင်ဆန့်ကျင်ရေးလှုံ့ဆော်မှု ပြုလုပ်ခဲ့ကြသည်။

"အကြမ်းဖက်စစ်ကောင်စီကို မီတာမဆောင်ဘူး ဆိုတဲ့ "ဘူး" သပိတ်တိုက်ပွဲလှုပ်ရှားမှုပြုလုပ်ခဲ့ကြတာမိဘပြည်သူများအားလုံးသိရှိပြီးသားဖြစ်ပါတယ်။ဒါကို အကြမ်းဖက်စစ်ကောင်စီဟာ ယုတ်မာတဲ့နည်းအသွယ်သွယ်နဲ့ အမျိူးမျိူးခြိမ်းခြောက်စော်ကားခဲ့အတွက် ​ပြည်သူလူထုအနေနဲ့ ကြောက်ရွံ့မှုမျိုးစုံနဲ့ မီတာခဆောင်ခဲ့ရတာရှိသလို၊အကြမ်းဖက်စစ်ကောင်စီရဲ့ထောက်တိုင်တွေဟာလည်း မီတာခပေးဆောင်ခဲ့ကြပါတယ်။အခုဆို အကြမ်းဖက်စစ်ကောင်စီဘက်မှာ ရပ်တည်တဲ့သူဖြစ်စေ၊ပြည်သူ့ဘက်မှာရပ်တည်တဲ့သူဖြစ်စေ၊ တိုင်းပြည်တစ်ခုရဲ့အခြေခံလိုအပ်ချက်တွေထဲကတစ်ခုဖြစ်တဲ့ လျှစ်စစ်မီးဆုံးရှုံးမှုဒဏ်ကို အတူတကွခံစားနေကြရပါတယ်။ဆိုလိုချင်တာက အကြမ်းဖက်စစ်ကောင်စီရဲ့ဘယ်လုပ်ရပ် ဆိုးကျိုးတွေကိုမဆို အနီ၊အစိမ်း၊ပါတီမကွဲပြားပဲ ပြည်သူလူထုအားလုံးအတူတူခံစားနေကြရတာပါပဲ။အကြမ်းဖက်စစ်ကောင်စီနဲ့ စစ်အာဏာရှင်စနစ်ပျက်သုဥ်းမှသာ ကျွန်တော်တို့အားလုံးအတွက် လျှပ်စစ်မီးမှန်မှန်ရရှိဖို့ အဖြေဟာထင်ရှားလာမှာဖြစ်ပါတယ်။ဒါကြောင့်ပြည်သူလူထုတရပ်လုံးအတွက် လျှပ်စစ်မီးမှန်မှန်ရဖို့ တော်လှန်ရေးမှာပါဝင်ကြပါစို့လို့ ရေဘဝဲအနေနဲ့ နှိုးဆော်တိုက်တွန်းလိုက်ပါတယ်"

ဧပြီလ ၂၅ ရက်၊ ၂၀၂၃ ခုနှစ်

#မီး
#OCTOPUS #ရေဘဝဲ

လကုန်ပါပြီ 🌈
နတ် Pay ကနေ ၅၀၀၀ ထောက်
ရေဘဝဲတွေဆီအရောက်

ကျွန်မတို့ဟာ လူငယ်တွေစုပေါင်းပြီးလှုပ်ရှားနေတဲ့ အကြမ်းမဖက် လမ်းပေါ်နိုင်ငံရေးအထူးပြုအဖွဲ့အစည်းဖြစ်တယ်ဆိုတာ အားလုံးလည်းသိရှိပြီးဖြစ်မှာပါရှင်

ကျွန်မတို့အားလုံး လုံခြုံရေးအတွက်အိမ်တွေကိုစွန့်ခွါ
အလုပ်တွေလည်းရပ်နားထားကြရလို့ ကာလကြာလာတဲ့အခါ လှုပ်ရှားမှုတွေအတွက်အပြင် နေရေးထိုင်ရေးတိမ်းရှောင်စားသောက်ဖို့တွေအတွက်ပါ အကူညီလိုအပ်လျက်ရှိပါတယ်

အဲ့ဒါကြောင့် ကျွန်မတို့ရဲ့မိဘပြည်သူတွေအနေနဲ့ လစာထုတ်ရက်လေးမှာ ကိုယ့်ရဲ့ဝင်ငွေအချို့ကို တော်လှန်ရေး မှာပါဝင်နေတဲ့ မြေပြင်အဖွဲ့အစည်းတွေအတွက် တိုက်ရိုက်ထောက်ပို့မယ်လို့ စိတ်ကူးထားရင် ကျွန်မတို့ ရေဘဝဲ (ပြည်သူ့အကျိုးပြု လူငယ်အဖွဲ့အစည်း) ကိုလည်းသတိရပေးပါလို့မေတ္တာရပ်ခံချင်ပါတယ်ရှင်

ဆက်သွယ်ရန် 👇👇👇
OCTOPUS Facebook Page:
https://www.facebook.com/octopusyangon/

#OCTOPUS #ရေဘဝဲ #ရန်ကုန်