Sheekooyin Jacayl

Miyaan Qarsadaa Mise waan Qirtaa.

Qaybtii 16aad

Xafsa ayaa usheegtay saaxiibteed in wiilku uu umuuqdo mid wanaagsan isla markaana caaqil ah ikraan ayaana ugu jawaabtay in sidey ahaataba uusan ayada la wanaagsaneyn balse ay rabitaankeeda xor utahay xafsa ayaana usheegtay in haddiiba aysan ayada ku qanacsaneyn ay sidaa isaga deyneyso wixii markaa ka dambeeyana aysan la hadli doonin gebi ahaantiisaba sidaa ayaana qadka looga saaray wiilkii daahir ahaa.

Dhanka kale qoftii ikraan aheyd ayaa haddana xiriir la yeelatay wiilkii ismaaciil ahaa ee jaamacadda la dhiganayay taasoo la yaab iyo fajac ku noqotay xafsa maadaama ay ku ogeyd in ay xiriir la laheyd ninkii haashim ahaa waxa ayna weydiisay sababta ay sidan oo dhan ugu qiyaameyneyso labada wiil waxay usheegtay in wiilashu aysan wax naxariisa laheyn ayagana aan loo naxariisan xafsa ayaa weydiisay in haddii labada wiilba ay guur usoo bandhigaan midka ay aqbali doonto.

Waxay ugu jawaabtay in midkoodna aysan aqbali doonin maadaama aysan ka laheyn hami sii fog kaliyana ay waqtiga uun isku dhaafineyso xafsa oo la yaaban wejiga cusub iyo indha adeygga ka muuqda saaxiibteed ayaana usheegtay in laga wacan yahay in ay sidaa ula dhaqanto labadaa wiil oo inta ay ka taqaano ah kuwo aad uwanaagsan maadaama ay bad qabka nolosheedan qeyb muhiim ah ay ku leeyihiin waxayna ugu jawaabtay in aysan taasi dafirsaneyn balse ay ayaga lugahooda kusoo raadsadeen ayadana ka aqbashay taasina aysan wax qalad ah ku lahaan karin.

Xafsa ayaa usheegtay in ilbaxnimada iyo deganaanta wiilashaa wejiyadooda uga muuqday aysan ku dhiirra gelin karin in ay sidaa oo dhami ugu fududaane laakin ay bani aadam uun yihiin wixii jirase la wada arki doono ikraan oo jawaab ku dhaga hadal umuuqata siineysa ayaana usheegtay in labada wiilba ay isku mar uun wada barteen labadooduna ay dhankeeda soo mareen taana ay cadeyneyso in ay tahay qof waqtiga iyo waayaha ka yara dambeysa xafsa ayaa ugu jawaabtay in ay sugeyso waxa ay waqtiga iyo waayaha ay ku faaneyso usoo kordhiyaan.

Waxay sidaa ahaato oo ay ikraanna labadii wiil isku dul waddo waxaa jaamacddii ku soo biiray wiil ay ku dhacday inta badan indhihii gabdhaha qeybta ka ahaa jaamacadda oo ay xafsana ka mid aheyd ayadoo saaxiibteed ikraan usheegtay in wiilkaasi uu si ujiidanayo dareenkeeda ikraan ayaa ugu jawaabtay in uu umuuqdo mid isla qab weyn oo aan indhoba ulaheyn qof sideeda oo kale miskiin iska dar alle ah.

Waa ay xanaaqday xafsa ayadoo ku canaanatay sababta ay mar weliba uliideyso haddii ay qunyar socod tahayna aysan la micno aheyn in ay asaageed ka liidato si wacanna ay umatali karto haddiiba ay ubaahato wejiyada shayaadiinta ee ay ayada isticmaaleyso oo kale laakin waxa celinaya uu yahay damiir maadaama aysan jecleyn in ay qofna ku sameyso ficil aysan ayaduba jeclaan laheyn in lagu sameeyo farqiga labadooda udhexeeyana uu intaas yahay.
✅
Ikraan oo ay indho uun kasoo hareen ayaa ayadoo la yaaban jawàabta saaxiibteed ee waadaxa ah ayey usheegtay in sida ay wax ufahantay aysan micno ahaan ula jeedin hadalkeeda ayna ka raali noqoto haddii ay si qaldan ufahantay wiilkaasuna uusan aheyn mid lagu deg degi karo maadaama uu gaar ka yahay ardeyda heer uu isla weyni ka gaaray awgeed waxay usheegtay in ay utallaabo qaadi doonto kana war keeni doonto maadaama ay ka heshay.

Wiilka ay ka hadlayaan magaciisu waa Xasan sida ay ikraan ku sifeysana waa qof qunyar socod ah oo aan inta badan dhex gelin ardeyda kale xitaa wiilasha xilli walba oo uu firaaqo heystana waa mid meel gaar ah iska fariista cidna aanan dulmin laakin taasi kama aysan badbaadin ardeyda afkooda oo ay ikraanna ku jirto ayagoo mar weliba ku xaman jiray inuu yahay mid kibir iyo isla weyni badan oo is atooreynaya wax saaxiib ahna kuma uusan laheyn ardeyda taasoo sabab u aheyd in qofna uusan ogeyn xogihiisa gaarka ah marka laga reebo magaciisa oo ay kaliya ka maqleen macallimiinta afkooda.

5.6K views𝐀𝐛𝐰𝐚𝐚𝐧 Saajac シ︎, 18:29