#Xalqaro_hamkorlik

✅ Poytaxtimizda “Zamonaviy maktablarda o‘qitish uslublari: dolzarb muammolar va innovatsion yechimlar” mavzusida rus-o‘zbek ilmiy-metodik konferensiyasi bo‘lib o‘tdi.

➖ Ikki kun davom etgan mazkur tadbir onlayn va offlayn shaklda tashkil etildi.

Konferensiya doirasida:

➖ Matematika fanini o’qitishda muammo va yechimlar,
➖ Sun’iy intellektdan foydalangan holda ta’lim jarayonini tashkil etish,
➖ Rus tilini chet tili sifatida o’rgatishda o’yin texnologiyalaridan foydalanish kabi mavzularda mahorat darslari bo’lib o’tdi.

➰ Ma'lumot o'rnida: mazkur konferensiya 2020-yilda tashkil etilgan “Класс! (Zo‘r!)” loyihasi doirasida o'tkazildi.

Vazirlikning rasmiy sahifalariga ulanish
Telegram | Youtube | Facebook | Instagram

#Xalqaro_hamkorlik

Lissabonda TIMSS 2023 xalqaro tadqiqotining natijalari yuzasidan uchrashuv bo'lib o'tmoqda

🔴 Ta’lim sohasidagi yutuqlarni baholash xalqaro assotsiatsiyasi (IEA) tomonidan joriy yilning 17-22-mart kunlari Portugaliyaning Lissabon shahrida TIMSS 2023 tadqiqoti doirasida Milliy loyiha koordinatorlarning yettinchi uchrashuvi bo‘lib o‘tmoqda.

➖Mazkur uchrashuvda IEA (Gamburg va Amsterdam), TIMSS&PIRLS xalqaro tadqiqot markazi, RTI tashkilotlari hamda dunyoning 60 ga yaqin mamlakatlar qatorida O’zbekiston vakili sifatida Maktabgacha va maktab ta’limi vazirligi, Ta’limni rivojlantirish respublika ilmiy-metodik markazi va A.Avloniy nomidagi milliy-tadqiqot instituti mutaxassislari ishtirok etishmoqda.

✔️Xalqaro uchrashuvda quyidagi yo‘nalishlarda taqdimotlar va treninglar o‘tkazilishi belgilangan:

➖ TIMSS 2023 tadqiqotining tashkil etish va ma’lumotlarni boshqarish jihatlari;
➖ Xalqaro sifat nazoratchilarining tahlillari;
➖ Tadqiqot ishtirokchilarining tanlab olish jarayonlari;
➖Mamlakatlarning ta’lim tizimlariga oid ensiklopediyalarini muhokama qilish;
➖ Baholash metodologiyasi va uni amalga oshirish;
➖ Matematika va tabiiy fanlar bo’yicha loyihaviy hisobot tahlili;
➖ So’rovnomalar bo’yicha loyihaviy hisobot tahlili.

🔹 Maʼlumot uchun: TIMSS 2023 tadqiqotining asosiy sinov jarayonlari 2023-yil 17-apreldan 5-mayga qadar reprezentativlik asosida tanlab olingan 166 ta maktablarda o‘tkazilgan. Unda jami 8800 nafar 4-va 8-sinf oʻquvchilarining matematika va tabiiy fanlar boʻyicha sinov jarayonlarida hamda kontekst soʻrovnomalarda ishtiroki ta'minlangan.

Shu bilan birga, 166 nafar maktab direktori, 1035 nafar matematika va tabiiy fanlar o‘qituvchilari va 4450 nafar ota-onalar soʻrovnomalarda ishtirok etgan bo'lib, natijalar 2024-yil dekabr oyida e'lon qilinishi rejalashtirilgan.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#Xalqaro_hamkorlik

✅ Bugun Maktabgacha va maktab ta’limi vazirligida GIZ (Germaniya xalqaro hamkorlik jamiyati)ning TexVET loyihasi rahbari Mattias Klingenberg boshchiligidagi loyiha vakillari bilan uchrashuv bo‘lib o‘tdi.

Unda vazirning birinchi o’rinbosari Usmon Sharifxodjayev va mas’ullar ishtirok etishdi.

❗️Uchrashuvda O‘zbekistonda o‘quvchilarni kasbga yo‘naltirish va kasbiy ta’lim berishning istiqbollari muhokama qilindi.

Shuningdek, tomonlar:

➖GIZ bilan hamkorlikda tashkil etilgan Career TexVET loyihasini yanada rivojlantirish,
➖maktab o‘quvchilarini qiziqishlariga mos bo‘lgan kasb tanlashlariga ko‘maklashish,
➖ularga zamonaviy kasblar haqida tushunchalar berish tizimini yanada rivojlantirishga kelishib olishdi.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#Xalqaro_hamkorlik

✅ Maktabgacha va maktab ta’limi vazirligi delegatsiyasi Finlyandiya poytaxti Xelsinki shahrida UNICEFning Innovatsiyalar Xabi tomonidan o‘tkazilgan xalqaro anjumanda ishtirok etdi.

Anjuman davomida O‘zbekistonda ta’lim sohasidagi islohotlar va ta’limga innovatsion yechimlarni joriy etish holati bo‘yicha taqdimot qilindi.

➖ UNICEF rahbariyati bilan bo‘lib o‘tgan uchrashuv davomida, UNICEF vakillari O‘zbekistonda ta’limni rivojlantirish va ta’limga innovatsion yechimlarni joriy etish holatini alohida qayd etishdi.

Shuningdek, safar davomida Finlyandiya Tashqi ishlar vazirligi, Finlyandiya Milliy ta’lim agentligi hamda rahbariyati bilan uchrashuvlar o‘tkazilib, olib borilayotgan hamkorlik ishlari va grant mablag‘larini ajratish masalalalari ham muhokama qilindi.

❕Ayniqsa, joriy yil aprel oyida Finlyandiya Milliy ta’lim agentligining ekspertlari O‘zbekistonda bo‘lib, pedagoglarni tayyorlash va ularning kasbiy salohiyatini oshirish, direktorlar maktabini tashkil etish, inklyuziv ta’lim va gospital pedagogikani joriy etish hamda ta’lim sifatini baholash bo‘yicha amalga oshirilayotgan ishlar bilan tanishganlari va bu borada aniq hamkorlik yo‘nalishlari belgilab olinganligi qayd etildi.

✔️ Tashrif davomida kelgusi 2025-2026-yillar uchun UNICEF tomonidan ta’limga innovatsiyalarni jalb qilish, Fin Hukumati tomonidan esa, pedagoglarning kasbiy salohiyatini rivojlantirish hamda umumiy o‘rta talim maktablarida inklyuziv ta’limni rivojlantirish borasida grant mablag‘lari ajratilishi kelishib olindi.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#Xalqaro_hamkorlik

“Yangi O’zbekiston” universiteti talabalari endi dunyoning birinchi raqamli institutida amaliyot o’tashadi!

✅ Bugun Maktabgacha va maktab ta’limi vazirligi tomonidan o’z yo’nalishida dunyoning 1-raqamli oliygohi - Massachusetts texnologiya instituti (MIT) jamoasi ishtirokida mahorat darslariga start berildi.

Tadbirni vazir Hilola Umarova ochib berdi hamda ikki tomonlama samarali hamkorlik aloqalari, amalga oshirilib kelinayotgan ishlar haqida fikr bildirdi.

✔️Shundan so’ng MIT vitse-prezidenti katta maslahatchisi Vijay Kumar so’zga chiqdi. U “Yangi O’zbekiston” universitetini MIT J-WELning Markaziy Osiyodagi eng yaqin strategik hamkori sifatida e’tirof etdi.

Ma’lumot o’rnida, ushbu mahorat darslariga Respublika bo’ylab 250 nafar soha vakillari qamrab olingan.

❕Shundan so’ng, tomonlar rahbariyati o’rtasida hamkorlikni kengaytirish boʻyicha MIT J-WEL bilan kelishuv imzolandi.

Ushbu kelishuvga ko’ra, endi “Yangi O‘zbekiston” universiteti talabalari dunyoning 1-raqamli oliygohida amaliyot o‘tash va malaka oshirish imkoniga ega bo‘lishadi.

➖ Shuningdek, “Yangi O‘zbekiston” universiteti professor-o‘qituvchilari almashinuv dasturi bo‘yicha MITda tajriba oshirishadi.

Eslatib o’tamiz, mahorat darslari 2-mayga qadar davom etadi.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#Xalqaro_hamkorlik
#Samarqand

✅ Maktabgacha va maktab ta’limi vaziri Hilola Umarova OPEK Xalqaro taraqqiyot jamg‘armasi prezidenti Abdulhamid Al-Xalifa bilan uchrashdi.

Uchrashuv doirasida xorijiy mehmon Samarqand shahridagi Prezident maktabida yaratilgan sharoitlar hamda ta’lim jarayoni bilan yaqindan tanishdi.

Shuningdek, o’quvchilar bilan suhbatlashib, ular yaratayotgan loyihalarga qiziqish bildirdi.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#Xalqaro_hamkorlik

O‘qituvchilar uchun SEL kasbiy rivojlanish dasturi ish boshladi

✅ Maktabgacha va maktab ta’limi vazirligi tomonidan UNESCO tashkiloti bilan hamkorlikda o‘qituvchilarning ijtimoiy, hissiy ko‘nikmalarini rivojlantirishga qaratilgan SEL dasturi ish boshladi.

Tadbirni vazirning birinchi o‘rinbosari Usmon Sharifxodjayev ochib berdi va ushbu dasturning ta'lim muhitini yaratishdagi ahamiyati haqida so'z yuritdi.

➖ Unda shuningdek, UNESCO tashkilotining O'zbekistondagi vakili Sara Noshadi, Qori Niyoziy nomidagi Pedagogika fanlari ilmiy-tadqiqot instituti mutasaddilari, psixolog hamda pedagoglar ishtirok etdi.

4 kun davomida bo‘lib o‘tadigan treninglarda 50 nafardan ortiq pedagoglar o‘quvchilar bilan muloqot ko‘nikmalari, zamonaviy raqamli vositalardan unumli foydalanish bo‘yicha bilim va malakaga ega bo‘ladi.

❕Kurslar ingliz tilida olib boriladi va loyihaning keyingi bosqichlarida ishtirokchilar o'z tajribalarini hamkasblari bilan bo‘lishadi.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin