#верш
#Nichto_Absalutna
Яшчэ адзін чалавек
Яшчэ адзін чалавек:
Адзін ў натоўпе людзей,
Адзін ў віры праблем.
Я губляю, што маю
І тое, што давяраюць.
Хай такі ўжо мой век -
Яшчэ адзін чалавек:
Адзін сярод шэрых сьцен,
Адзін гаротнік, як усе.
Забываю, што кажуць,
Пакідаю, што важна,
Я ня дужа стратэг -
Яшчэ адзін чалавек:
Хоць вырас, не пасталеў,
Ня страціў веры ў людзей.
Распінаюся марна,
Далягляд мой у тумане,
Так хочацца паляцець.
І не струхнець, а згарэць,
І стацца парай і дымам,
Не адзінокім - адзіным.
Але між сьціжмаў плянэт
Знаю: чакае мяне
Яшчэ адзін чалавек.
Яшчэ адзін чалавек,
З вачыма як у мяне,
Адзін у міжзор’і навек.
І ўрэшцэ бачу і лаю,
За чым так гнаўся я прагна:
Сам ад сябе не ўцячэш,
Яшчэ адзін чалавек.
#Nichto_Absalutna
Яшчэ адзін чалавек
Яшчэ адзін чалавек:
Адзін ў натоўпе людзей,
Адзін ў віры праблем.
Я губляю, што маю
І тое, што давяраюць.
Хай такі ўжо мой век -
Яшчэ адзін чалавек:
Адзін сярод шэрых сьцен,
Адзін гаротнік, як усе.
Забываю, што кажуць,
Пакідаю, што важна,
Я ня дужа стратэг -
Яшчэ адзін чалавек:
Хоць вырас, не пасталеў,
Ня страціў веры ў людзей.
Распінаюся марна,
Далягляд мой у тумане,
Так хочацца паляцець.
І не струхнець, а згарэць,
І стацца парай і дымам,
Не адзінокім - адзіным.
Але між сьціжмаў плянэт
Знаю: чакае мяне
Яшчэ адзін чалавек.
Яшчэ адзін чалавек,
З вачыма як у мяне,
Адзін у міжзор’і навек.
І ўрэшцэ бачу і лаю,
За чым так гнаўся я прагна:
Сам ад сябе не ўцячэш,
Яшчэ адзін чалавек.
#верш
#Nichto_Absalutna
A contrario
Чым болей людзей - тым шчымлівей самота,
Чым болей надзеяў - тым болей і болю,
Чым болей адценьняў - тым менш яркі колер.
Чым далей дарога, тым бліжай да дому.
Больш сэнсаў - менш праўды і болей пакоры,
Чым болей, тым меней, чым меней, тым болей.
#Nichto_Absalutna
A contrario
Чым болей людзей - тым шчымлівей самота,
Чым болей надзеяў - тым болей і болю,
Чым болей адценьняў - тым менш яркі колер.
Чым далей дарога, тым бліжай да дому.
Больш сэнсаў - менш праўды і болей пакоры,
Чым болей, тым меней, чым меней, тым болей.
#верш
#Nichto_Absalutna
Верш стары, але адшукаўся нядаўна, таму дзялюся толькі цяпер. Усё ж ода да роднай мовы - абавязковы атрыбут прафэсіі)
Праз плітку
Бы сьветлыя промні ў бязьмежных нябёсах
Бы сьлед каляіны ў няблізкай дарозе
Бы сьмелыя зьнічкі ў цемры глыбокай
Бы сьпелыя зернейкі ў полі далёкім...
Так льюцца й мкнуцца на вольны прастор
Бяздонныя словы, адвечныя скрозь,
Як лісьце, што ветру і мглы не баіцца
Як верас, што вырас ля чыстай крыніцы.
Стагодзьдзямі жылі яны на пагорках
І ціха гучалі на ўтульных вячорках
Бароліся з жахам, пятлёй, паняверкай -
Праз плітку прарослая папараць-кветка.
@masvet_by
#Nichto_Absalutna
Верш стары, але адшукаўся нядаўна, таму дзялюся толькі цяпер. Усё ж ода да роднай мовы - абавязковы атрыбут прафэсіі)
Праз плітку
Бы сьветлыя промні ў бязьмежных нябёсах
Бы сьлед каляіны ў няблізкай дарозе
Бы сьмелыя зьнічкі ў цемры глыбокай
Бы сьпелыя зернейкі ў полі далёкім...
Так льюцца й мкнуцца на вольны прастор
Бяздонныя словы, адвечныя скрозь,
Як лісьце, што ветру і мглы не баіцца
Як верас, што вырас ля чыстай крыніцы.
Стагодзьдзямі жылі яны на пагорках
І ціха гучалі на ўтульных вячорках
Бароліся з жахам, пятлёй, паняверкай -
Праз плітку прарослая папараць-кветка.
@masvet_by
#верш
#Nichto_Absalutna
Гэта ня сон, але ж гэта й ня ява,
Гэта жыцьцё, тут усяго намяшана,
Гэта ня гонка з-пад бота ў канаву,
Гэта ня мора, ня попел, ня мары.
Гэта трывожна, але не дарэшты,
Гэта пацешна, хоць мне не да сьмеху,
Гэта бязглузда, няхай столькі сэнсаў,
І не навечна, звыклыя рэчы.
Гэта пустэча. Такія во справы,
Садзьміце ўжо хмары, пусьціце паветра.
Гэта галеча, што лечыць ды прагне,
Закрыйце гештальт, бо бярэ цераз рэбры.
#Nichto_Absalutna
Гэта ня сон, але ж гэта й ня ява,
Гэта жыцьцё, тут усяго намяшана,
Гэта ня гонка з-пад бота ў канаву,
Гэта ня мора, ня попел, ня мары.
Гэта трывожна, але не дарэшты,
Гэта пацешна, хоць мне не да сьмеху,
Гэта бязглузда, няхай столькі сэнсаў,
І не навечна, звыклыя рэчы.
Гэта пустэча. Такія во справы,
Садзьміце ўжо хмары, пусьціце паветра.
Гэта галеча, што лечыць ды прагне,
Закрыйце гештальт, бо бярэ цераз рэбры.
#верш
#Nichto_Absalutna
Чатыры сьцяны
Сядай на лаўку, выпі сомы,
Хай адамкнуцца дзьверы ў поле,
Хай не сталее прага к волі,
Ня слухай толькі, ня слухай толькі...
Усіх тых, хто кажа, што ты зломак,
Нясеш свае самоту, стому,
Сум і спакойны сон у загоне,
Бо тваё поле, тваё мора...
Назаўжды ў зашмаргу замкнёна.
Шкляныя сьцены - твая вера,
Парковак гоні - твая воля,
Свабода думаць сьпіну ломіць,
І ветру подыхам імкнецца
Назад дадому.
Хай усе здранцьвелі і збуцьвелі,
Хай сьвет працялі паралелі,
Усе далягляды дагарэлі,
Няхай хацець бракуе моцы,
Зьлязай з арэляў, выпі сомы.
Запі тугою з твайго мора.
Ня чуеш крыкаў, бачыш поле,
Яно бяз краю і бяз болю,
Усіх ахіне і супакоіць.
І хоць павекі ацалелі,
Зламалі горад паралелі,
Закрылі неба шырмай сьцены.
Ты не паверыш,
І ня зьвернеш,
Адзін у пустэльні.
#Nichto_Absalutna
Чатыры сьцяны
Сядай на лаўку, выпі сомы,
Хай адамкнуцца дзьверы ў поле,
Хай не сталее прага к волі,
Ня слухай толькі, ня слухай толькі...
Усіх тых, хто кажа, што ты зломак,
Нясеш свае самоту, стому,
Сум і спакойны сон у загоне,
Бо тваё поле, тваё мора...
Назаўжды ў зашмаргу замкнёна.
Шкляныя сьцены - твая вера,
Парковак гоні - твая воля,
Свабода думаць сьпіну ломіць,
І ветру подыхам імкнецца
Назад дадому.
Хай усе здранцьвелі і збуцьвелі,
Хай сьвет працялі паралелі,
Усе далягляды дагарэлі,
Няхай хацець бракуе моцы,
Зьлязай з арэляў, выпі сомы.
Запі тугою з твайго мора.
Ня чуеш крыкаў, бачыш поле,
Яно бяз краю і бяз болю,
Усіх ахіне і супакоіць.
І хоць павекі ацалелі,
Зламалі горад паралелі,
Закрылі неба шырмай сьцены.
Ты не паверыш,
І ня зьвернеш,
Адзін у пустэльні.
#верш
#Nichto_Absalutna
Мой горад
Вецер сьвішча ў завулках
Шырынёю ў парсэкі,
Мой горад гулка ды глуха,
Скрозь сьлёзы сядзіць на таблетках.
Мой горад кідаецца пылам,
Сьмяецца ашчэрам бальконаў,
Гуляецца ў шахі на плітцы,
Страляецца ў тысячы скроняў.
Мой горад навезьлі з калгасаў,
Зьбіралі, бурылі, малолі.
Мой горад - ахвяра ідэі ды часу,
Мой горад ля штучнага мора.
#Nichto_Absalutna
Мой горад
Вецер сьвішча ў завулках
Шырынёю ў парсэкі,
Мой горад гулка ды глуха,
Скрозь сьлёзы сядзіць на таблетках.
Мой горад кідаецца пылам,
Сьмяецца ашчэрам бальконаў,
Гуляецца ў шахі на плітцы,
Страляецца ў тысячы скроняў.
Мой горад навезьлі з калгасаў,
Зьбіралі, бурылі, малолі.
Мой горад - ахвяра ідэі ды часу,
Мой горад ля штучнага мора.
#верш
#Nichto_Absalutna
Error_21
Гэты верш не пісала нэўронка,
А ці будзе ўсё так відавочна
Гадоў праз надцать?
Мастацтва -
Расплывістая фармулёўка.
А мо’ і пісала нэўронка,
Ад мяне рэдактура ды промпты?
Ці трэба баяцца?
Змагацца?
Ці глядзець заварожана ў прорву?
Напэўна, пісала нэўронка,
Што сама сябе лічыць душою,
Калі ўжо папраўдзе,
Спытаю,
Ці мозак ня ёсьць сам нэўронкай?
#Nichto_Absalutna
Error_21
Гэты верш не пісала нэўронка,
А ці будзе ўсё так відавочна
Гадоў праз надцать?
Мастацтва -
Расплывістая фармулёўка.
А мо’ і пісала нэўронка,
Ад мяне рэдактура ды промпты?
Ці трэба баяцца?
Змагацца?
Ці глядзець заварожана ў прорву?
Напэўна, пісала нэўронка,
Што сама сябе лічыць душою,
Калі ўжо папраўдзе,
Спытаю,
Ці мозак ня ёсьць сам нэўронкай?
#верш
#Nichto_Absalutna
Невядомаму паэту
Ты так мала пасьпеў, даганяючы шчасьце.
Ты ляцеў, пыл курэў,
Ты так мала пасьпеў.
Дык навошта стараўся?
Шчыраваў, гнаў сябе і сумневы падалей?
Ты гарэў, дым сівеў,
Ты так шмат не пасьпеў,
Дык навошта змагаўся?
Хоць згарэў, не сагрэў аніводнае цалі,
І асеў, быццам сьпеў,
Што ніхто не засьпеў,
І вякі пад ільдом пахавалі.
#Nichto_Absalutna
Невядомаму паэту
Ты так мала пасьпеў, даганяючы шчасьце.
Ты ляцеў, пыл курэў,
Ты так мала пасьпеў.
Дык навошта стараўся?
Шчыраваў, гнаў сябе і сумневы падалей?
Ты гарэў, дым сівеў,
Ты так шмат не пасьпеў,
Дык навошта змагаўся?
Хоць згарэў, не сагрэў аніводнае цалі,
І асеў, быццам сьпеў,
Што ніхто не засьпеў,
І вякі пад ільдом пахавалі.
#верш
#Nichto_Absalutna
Дадому.
Бадзяюся між самаспраўдных прароцтваў,
Нязьдзейсьненых мрояў,
Забытых жаданьняў...
Надзённасьць завісла ў паветры пад стольлю
Надзейна ды вечна,
Дамоклавым мечам.
Бадай, гэта стома. Бывае, знаёма?
Час быццам нявечыць,
Пусьціце пагрэцца
#Nichto_Absalutna
Дадому.
Бадзяюся між самаспраўдных прароцтваў,
Нязьдзейсьненых мрояў,
Забытых жаданьняў...
Надзённасьць завісла ў паветры пад стольлю
Надзейна ды вечна,
Дамоклавым мечам.
Бадай, гэта стома. Бывае, знаёма?
Час быццам нявечыць,
Пусьціце пагрэцца
#верш
#Nichto_Absalutna
ГОСТ 11214-86
Міжпакаёвым вокнам прысьвячаецца
Акно ў бэтонны калідор
Без асьвятленьня.
Хто пасадзіў цябе пад столь?
Які злы геній?
Чаму, заміж сьвяціць ў пакой,
Чарнееш зеўрай?
Які фанат у базальце норм
Зрабіў пакідзішчам сярод
Глухіх панэляў?
#Nichto_Absalutna
ГОСТ 11214-86
Міжпакаёвым вокнам прысьвячаецца
Акно ў бэтонны калідор
Без асьвятленьня.
Хто пасадзіў цябе пад столь?
Які злы геній?
Чаму, заміж сьвяціць ў пакой,
Чарнееш зеўрай?
Які фанат у базальце норм
Зрабіў пакідзішчам сярод
Глухіх панэляў?