#ኢትዮጵያ_ማለት
#እኛ
#እናንተ
#አንተ
#አንቺ ብሎም
#እኔ_ነኝ!
💚💛❤️
እኔ ሰው በመሆኔ ብቻ እኔ ላይ እንዲደርስ ማልፈልገውን ማንም ላይ አላደርስም ፡፡ እነኛነት ውስጥ እኔ ስላለው እኛ ማለት ደግሞ ኢትዮጵያ ስለሆንን ኢትዮጵያ ስትታመም እኔም እታመማለው ፡፡ ለሰው ብለህ ሳይሆን ለራስህ ብለህ ኢትዮጵያን ጠብቅ ፡፡

#ኢትዮጵያ ለዘለዓለም ተከብራ ትኑር

#የመልስሽ #ጥያቄ

#እኔ #ምልሽ
የእንባችን ገንቦ ~ ሳይሰበር በፊት
ይፈስ ነበር አይደል ~ በሳቃችን ግፊት
የተፈጥሮስ ሂደት ~ እንዲህ ሳይጓደል
ከልብ እየሳቁ ~ ማልቀስ ነበር አይደል ?

#እኮ
#እኛ #እኮ #ነን
ሀዘንን በደስታ _ እያነሳን ልንጥል
ስሜታችን ቆርጠን _ ስሌት ልንቀጥል
በአንድ ወገን ስለነው ~የተፈጥሮን መቀስ
በየተራ ሆኗል ~ መሳቅና ማልቀስ
===||===
ከሙሉቀን ሰ•

#ዝም #ዝም

ሆድ ከሀገር ይሰፋል~ በሚሉባት ሀገር
አፍ ከአለም መስፋቱን ~ለማን እንናገር ?
ለማን እንናገር ~ እኮ ለማ እንማው
አፍ ባጋለው ሐገር~ምጣድ ነው
ሚሰማው
#ሰማ #ሰማ #ብለን
በቶሎ ተጋግረን ~ በጊዜ እንዳንወጣ
በሰማ ምጣድ ላይ ~ የሚያሰፋ መጣ
የሚያሰፋው መጣ ~ሊጡን አንጠልጥሎ
ማልዶ ሊማግድህ ~ ነፃ ላውጣህ ብሎ
ተናገር ይልሀል ~ አስከብር መብትህን
እንዳሻህ ተጠቀም ~ ሰብአዊነትህን
#እኔ ግን #እላለሁ
በንግግር ብቃት ~ እልፎች ቢጀግኑም
አንድ ሺህ ምላሶች ~አንድ ጆሮ አይሆኑም
በምላስ ተስቦ ~ ከሰነባበተ
ጆሮን ይከልላል ~ አፍ ከተከፈተ
#እኔ #ጠይቃለሁ
የወል ጥያቄህ ላይ
ያለ ሀሳብ ተኝተው ~ ሠው ለሚያንተርሱ
መናገር አይደል ወይ ~ ዝም ማለት ራሱ
#እኔ #ሞግታለሁ
ሐሳብን በመግለፅ ~ በመናገር አለም
ዝም የማለት መብቱን~የሚያስከብር የለም
#እኔ #እጠቁማለሁ
በነፃነት ጥላ ~ ግብሩ የተከለለ
በመናገር መብት ውስጥ~ዝም የማለት አለ
===||===
ከሙሉቀን ሰ•